رحله تسقيط موتور فى سيفيك مو 92

**tarekzein** · 02-05-2011 10:42 AM

تسلم ياروقه

وبأذن الله تخلص على خير

وعيش ياباشا

**tarekomar66** · 03-05-2011 02:11 AM

تشكر يا ابو حنين
النهارده قلت اسافر رحله قصيره على المنصوره منها اجرب العربيه والموتور
الحمد لله روحت ورجعت بدون اى مطبات بس لسه حاسس ان العربيه مكلبشه فى الارض ومش عاوزه تسحب وانا طول الطريق تقريبا ماشى 90 الى 100 وسامع صوت الموتور عالى ولما كلمت عصام قال بعد 1000 ك نبقى نغير سير الكاتينه وكل السيور وطقم البوجيهات
السؤال بقى دا طبيعى ان تغير السيور ممكن يفك خنقه الموتور ولا ايه رأيكوا؟؟؟
افيدونا يا اهل الخبره

**SAMEH_FOUAD** · 03-05-2011 02:20 AM

لا طبعا خنقة الماتور مالهاش دعوة بالسيور

الخنقة دية سببها

1- طلمبة بنزين ضعيفة

2- عدم ظبط تاكيهات

3- رشاشات مسدودة

4- فلتر بنزين يتغير

5- فلتر هواء يتنظف

6- بوجيهات تتغير

**sanhory** · 03-05-2011 12:10 PM

المشاركة الأصلية كتبت بواسطة m_nabil

من الأخر كده عشان مدوخش نفسك من صور الكنترول ده obd-1 ليه فيشتين فقط a, d مش ثلاثه بينزل في السوق الاسيوى والاوروبى بيكون 26 و 22 بينايه وزى ما قولت لك ده ماتور هوندا انتجرا موديل 94-95 كامه واحدة بدون vtec

المهم متشغلش نفسك هو موديل كام عشان أغلب التجار اللى بيبعوا بيقولوا موديل عالى عشان اللى بيشترى مايقولش ده ماتور قديم والكلام ده أنت ليك بحاله الماتور وتقيس الكبس بتاعه وطبعاً هتحس بفرق أقل شوية في الأداء عن الماتور القديم

من الآخر ;)
هوندا ده الكلام :)

**sanhory** · 03-05-2011 12:18 PM

المشاركة الأصلية كتبت بواسطة tarekomar66

طيب اقيس كبس الموتور الاول ولا اشيك على الحاجات دى الاول علشان انا لسه ما ردتيش على الحاج مجدى فى الافراج بتاع الموتور

شيك عالحاجات دي الأول عشان هو لما قال لك نغير سير الكاتينة قصده يبص عالتقسيمة ظبط التكهات , عشان حصلت مع صاحبي إنه بعد ماسقط الماكنا زي ماهيا ومشي بيها شوية وجيه يعمل حكاية السيور دي لقى التقسيمة مش مظبوطة وكانت كاتمة العربية فعلا . فـإنت اعمل الحكاية دي وشيك عالتقسيمة وظبط تكهاتك وزي ماسمسم قال كمان اظبط فلاترك والبجيهات والكلام ده وإن شاء الله حتحس بفرق

**Hamdy Masria** · 03-05-2011 04:13 PM

مبروك يا طارق على التسقيط ... موفق بإذن الله

**tarekomar66** · 04-05-2011 12:39 AM

اتكلت على الله وقست كبس الموتور من ساعه فى بنزينه شل وطلع 14 بار لكل بستم وبيقول انه فوق 75 %
ايه رأيكوااااااااااااااا
وكمان قال محتاج اظبط كهربه العربيه ويفضل التظبيط بالمسدس على طنبوره الكرنك مع وش التقسيمه " كلام كبير قوى " بس هوه فى حد عنده الموضوع دا ؟
وكمان اقترح اجيب بوجيهات 2 شمعه ومن واقع خبرته بوجيهات الاوبل افضل وهى فى حدود 125 ج

**M_Nabil** · 04-05-2011 04:30 AM

المشاركة الأصلية كتبت بواسطة tarekomar66

اتكلت على الله وقست كبس الموتور من ساعه فى بنزينه شل وطلع 14 بار لكل بستم وبيقول انه فوق 75 %
ايه رأيكوااااااااااااااا
وكمان قال محتاج اظبط كهربه العربيه ويفضل التظبيط بالمسدس على طنبوره الكرنك مع وش التقسيمه " كلام كبير قوى " بس هوه فى حد عنده الموضوع دا ؟
وكمان اقترح اجيب بوجيهات 2 شمعه ومن واقع خبرته بوجيهات الاوبل افضل وهى فى حدود 125 ج

ممكن تقولى الخطوات اللى عملها لكبس الماتور عشان 14 بار يعتبر عالى شوية وبعدين فين الورقة اللى فيها الرقم لكل بستم؟