العربية اتخبطت يارجالة والحمد لله 2000 كيلو وبنقول ياهادي

**msco** · 28-04-2011 10:43 AM

السلام عليكم ورحمة الله وبركاته

هي اية حكاية السيراتو ياجماعة بتتخبط كتير ليييييييييه

اول 1000 كيلو الازاز جاتلة طوبة نقرتة

بعدين 1400 الكوتش طلعلة بلونة وغيرتة

والصبح النهاردة وانا جاي الشغل قفلت ال 2000 كيلو

وفرحاان بقى وداخل اركن تحت الشغل والمواقف طبعا يمين وشمال وانا فى الطريق اللى في النص وداخل يمين اركن

ويادوب بعدل وش العربية والاقي واحد طالع من المواقف اللى في الشمال وراجع بضهرة

ولا بص فى مراية ولا يحزنون علقتلة كلاكس وتييييييييييت ..... بس على مين هو كان حاااااالف ليخبطهالي

وهوووووووووب دخل فى الباب الشمال اللى ورا طبقة كله لجوا مع حتة من الدايرة اللى فوق العجل

ويغيظنى بقى ونازل يقولى مفيش حاجة دة خدش بسيط

المهم جات دورية الشرطة وعملت تقرير بالحادث وطبعا هو غلطان 100%

وللاسف معهوش تأمين

والمفروض الوقتي اني هروح الورش فى الصناعية اجيب تلات عروض اصلاح والمرور بيختار الاوسط وهو بيتحملة

دلوقتي يارجالة انا محتااااااااار اقبل العوض ولا مقبلوش

اصلاحها مش هيقل عن 600 ريال او 700

ومش عارف انا بدأت اتشائم من ام العربية وكرهت اخرج بيها اساسا

انا فضلت سنة راكب سوزوكي فيتارا متحكتش مني ربع حكة

معلش يارجالة رغيت بس الواحد بيبقى محتاج يفضفض

وربنا يسترها عليكم من شر الطريق وشر الحمير والاغبياء

**usama7499** · 28-04-2011 10:53 AM

الحمدالله على كل شىء.......اهم حاجة انك بخير....وبالنسبه للعوض ولو الشخص ده مبسوط مش حتفر معاه لكن لو يعنى...
يبقى عوضك على الله...الف سلامه

**hpxp** · 28-04-2011 11:29 AM

يا بشا احمد ربناااااااا والله بيفدي دايما حاجه بحاجه
اقرا قران وسمي الله قبل ما تبدا يومك
بالنسه للعوض انا شايف طالما غلطان ويدفع ورجله فوق رقبته

**ابو ليلى** · 28-04-2011 11:48 AM

قدر الله وماشاء فعل

وحاول تزكى عن العربية بأى شى فى استطاعتك

لو فى امكانك تصلحها على حسابك يبقى جزاك الله خير

مكنش فى استطاعتك يبقى تاخد منه حق التصليح ( من اتلف شى عليه اصلاحه )

**hi_nmr** · 28-04-2011 06:21 PM

شوف يا سيدي موضوع العوض ده انا ليا نظريه فيه
انا شايف انك لازم تاخد حقك منه (من افسد شئ عليه اصلاحه) ولو انت سامحته وهو مدفعش ثمن غلطته ايا كان الثمن 10 جنيه او الف فممكن يكررها تاني مع حد تاني ويعمل زي حضرتك كده ويسامحه ويفضل اخينا ده داير يخبط في عربيات الناس
موضوع العوض بالذات لازم تاخد حقك حتي لو انت مقتدر .. النقطه في قصه العوض ان الانسان ده يتعلم من خطئه وياخد باله المرة اللي جايه لكن لو انت سامحته وغيرك سامحه وهكذا يبقي اخينا ده مش هيتعلم ابدا

**عزيز محمد** · 28-04-2011 06:42 PM

ربنا يمن علينا ونبقى زي السعودية اللي محددة نظام لتقدير خسائر الحوادث وتجبر المخطىء على تحمل نتيجة خطأه بدل ما الناس تتخانق وتزعق لما يعملوا حادثة

ثانيا: حضرتك لازم تخليه يدفع ثمن الإصلاح وهو مبلغ ليس بالكبير علشان بعد كده يتعلم يبص وراه مش يسوق كده وخلاص

**msco** · 28-04-2011 09:54 PM

المشاركة الأصلية كتبت بواسطة hi_nmr

شوف يا سيدي موضوع العوض ده انا ليا نظريه فيه
انا شايف انك لازم تاخد حقك منه (من افسد شئ عليه اصلاحه) ولو انت سامحته وهو مدفعش ثمن غلطته ايا كان الثمن 10 جنيه او الف فممكن يكررها تاني مع حد تاني ويعمل زي حضرتك كده ويسامحه ويفضل اخينا ده داير يخبط في عربيات الناس
موضوع العوض بالذات لازم تاخد حقك حتي لو انت مقتدر .. النقطه في قصه العوض ان الانسان ده يتعلم من خطئه وياخد باله المرة اللي جايه لكن لو انت سامحته وغيرك سامحه وهكذا يبقي اخينا ده مش هيتعلم ابدا

والله ياباشا انت وجهة نظرك مظبوطة واتفق معاها بنسبة كبيرة وخصوصا هنا الناس بتسوق بتهور فوق الوصف اعتمادا على التأمين وانت فى السعودية وعارف بس الدمام انضف شوية من جده خصوصا فى الطرق

شكرا ياباشا على مرورك وربنا يوفقك لكل خير

المشاركة الأصلية كتبت بواسطة عزيز محمد

ربنا يمن علينا ونبقى زي السعودية اللي محددة نظام لتقدير خسائر الحوادث وتجبر المخطىء على تحمل نتيجة خطأه بدل ما الناس تتخانق وتزعق لما يعملوا حادثة

ثانيا: حضرتك لازم تخليه يدفع ثمن الإصلاح وهو مبلغ ليس بالكبير علشان بعد كده يتعلم يبص وراه مش يسوق كده وخلاص

اميييييييين يارب .. شكرا ياباشا على مرورك وانا استشرت شيخ وقالى العوض مش حرام ودة حقك ولازم تاخدة

وانا ياجماعة رحت تلات ورش زي ما فهمت في الاول واقل واحد قالى بتتكلف 1200 ريال

لكن فى النهاية اتضح انى لازم اروح لواحد اسمة شيخ الورش ودة هو اللى بيقدر وبيعمل تلات تسعيرات مختلفة .. وبعدها برجع للمرور والمرور بيختار التسعيرة الاوسط ويشيلها للخصم ( الطرف المخطيء )

وشيخ الورش كان نظرتة عادلة والحمد لله اداني تسعيرة ب 900 و 1000 و 1200 يعنى المرور بيختار ال 1000 لو دفعت انا ال 200 فامرها سهل ان شاء الله

المشكلة بقى ان عشان تتظبط هتقعد عندهم 4 ايام .. ويا هقضيها تكسيات بقى يا هأجر عربية وامري الى الله

والحمد لله الذي لا يحمد على مكروه سواه

شكرا لكل حبابينا اللى ردو ويارب منجيش لأى حد في حاجة وحشة

**mohamedbook** · 28-04-2011 10:09 PM

المشاركة الأصلية كتبت بواسطة hpxp

يا بشا احمد ربناااااااا والله بيفدي دايما حاجه بحاجه
اقرا قران وسمي الله قبل ما تبدا يومك
بالنسه للعوض انا شايف طالما غلطان ويدفع ورجله فوق رقبته

ياباشا الراجل في السعودية مش في مصر هيدفع غصب عنة مش بمزاجة هما عندهم احتارام للقانون هناك
لو اخد الخبطة دي في مصر لو غنا ظلموه مكنش هياخد حق ولا باطل

**hi_nmr** · 29-04-2011 01:50 AM

المشاركة الأصلية كتبت بواسطة mohamedbook

ياباشا الراجل في السعودية مش في مصر هيدفع غصب عنة مش بمزاجة هما عندهم احتارام للقانون هناك
لو اخد الخبطة دي في مصر لو غنا ظلموه مكنش هياخد حق ولا باطل

للاسف كلامك مظبوط
في مصر لو غنا ظلموه مكنش هياخد حقه