الموضوع: ناوي تصيف فين السنة دي؟

المشاركة الأصلية كتبت بواسطة magid1010

والله انا بقالى غال فى العريش من عشر سنين بصراحه فعلا ما فيش غير المكان اللى انت قلتى عليه فى البلد كلها و مشاكل البدو و الناحيه الامنيه زفت

بصراحة الأوتيل خرافة بس سامعة ان الليلة بقت ب 600 ج دلوقتى

كان فى ايام ما روحت فيلا دورين ب 110 فى الليلة وفيها ماء متوفر بس خفنا لأن كان الدور التحتانى فيه قزاز كتييير

المشاركة الأصلية كتبت بواسطة nimaster

انا مره بورسعيد ومره اسماعيليه انما الاساسى اسكندريه هى بتبقى زحمه جدا لكن احنا بنروح فى اخر الصيف يكون الناس مشيت طبعا اسكندريه رائعه جدا فى كل حاجه .
وعايز اجرب راس البر وجمصه.

طالما اساسيك اسكندرية منصحكش تروح راس البر وجمصة خاااااااااااااااااااااااا اااالص هتحس انك قاعد على ترعة

المشاركة الأصلية كتبت بواسطة mahmoudysf

خلاص لما تعرفي الاسعر بلغيني
مش شرط انها ترى البحر لاكن اهم حاجة موقعها فين
وشكر ا ليكي

انا سألته النهاردة العنوان
شارع شكرى القواتلى خلف المستشفى العام
برج الحاج ابراهيم الدسوقى

وطبعا تلاقى الف مين يدلك لأنه عمدة البلد : )

وبينها وبين البحر 700 متر تشوفه من البلكونة


بس الأسعار هو قال انه مستنى ممكن شركة تيجى تحجز البرج كله
لو ده محصلش فالأسعار ممكن تكون من 150 -200 فى اليوم لو الموسم اتضرب هترخص

وقاللى انهم كاتبين على الليبين ايجار تزايدى بحيث لو فضلوا فى فترة المصيف هيدفعوا نفس سعر المصيف

ولو عجبك الموضوع الأمور هتبان على اول 6 ابقى عرفنى

راس البر جميلة جدا جدا

لو عايزين على البحر الأبيض أنا لسة راجع من بورسعيد كنت في كيت مرحبا
تحفة في كل حاجة الشاليه مساحته 90 متر غير طبعا الجنينة واسعاره كويسة قوي مع اعتبار إن بورسعيد مدينة مش قرية

بكام ؟