ناوي تصيف فين السنة دي؟

**azmeralda** · 04-05-2011 02:12 PM

المشاركة الأصلية كتبت بواسطة madues

جبتي الكلام ده منين ؟ وإيش جاب راس البر لجمصه ؟؟؟؟

راس البر تحفه و اللي مرحهاش من سنه او اتنين بالكتير يبقى ميعرفش راس البر

راس البر من اجمل الاماكن اللي صيفت فيها لكن بلاش تروح البحر يوم جمعه لان الناس من الاقاليم بيجوا يوم الجمعه غير كده راس البر مكان راقي جدا و نضيف و مريح جدا وطبيعه مش هتكرر في مصر

هو عشان انت من دمياط يعنى هتبقى متحيز :b4_611:
طب ما اقرب حاجة لى جمصة ثم راس البر بس بروح اخر الدنيا لأن اهم حاجة عندى بحر نضيف ومفيهوش موج و بذمتك ده متوفر فيهم
البحر لونه تقريبا اسود ويبقى فيه شحم

انا بروح برضه بس لما اتعزم او تكون مناسبات بس مصيف اساسى مش بكون سعيدة بصراحة
كمان الخصوصية بتهمنى جدا
شوف بقى الزحمة بتبقى ازاى هناك

**azmeralda** · 04-05-2011 02:23 PM

المشاركة الأصلية كتبت بواسطة Bonanza

معلش مع احتراكمي لحضرتك
ولكني انا بروح العريش كل سنة قهرا من سنة 1992
الحاج معرفش حب فيها ايه العريش دي و راح خد حتة ارض و بنا عليها
و عليها كل سنة لازم نروح والا يزعل
البلد لا تطاق الصراحة
مفيهاش اي مكان يتراح في اي وقت
مفيش اماكن خروج بالمرة
هو شارع واحد اللي بيتنزل كل مرة و هو شارع البلد
و ده مايفرقش اي حاجة عن شوارع العتبة مع الفارق ان العتبة فيها كمية محلات اكتر
نفسي اشوف مطعم واحد عدل فيها و بيعمل اكل
غير ان شهر 6 و 7 و اول 8 بيبقي في قناديل
الفندق اللي حضرتك بتقولي عليه ده فعلا نظيف من حيث الغرف
بس الشط و حمامات السباحة عادية جدا
الفندق فيه 2 حمام سباحة واحد منهم صغير و التاني كبير و الكبير ده المياه بتاعتة مالحة
و الفندق دلوقتي بقي اسمة ( سويس ان ) يعني اوبوروي باعت الفندق
و طبعا هو نظيف زي ما انا قولت بس لسبب ان النزلاء هناك قليلين جدا
المحلات بتقفل الساعة 10 بالليل و البلد كلها بتنام علي 11 او 12 بالكتير
مفيش اي حياة ليلية هناك و مفيش مواصلات بعد 12 غير لو حظك حلو و لقيت تاكسي
المدينة بصراحة لا تصلح للتصيف نهائيا .. اخرها ناس عواجيز تروح تستمتع بالهدوء القاتل

للامانة في فندق افخم من سويس ان و لكنة قبل العريش بحوالي 25 كيلو اسمة كورال بيتش
حلو جدا و شيك و لكنة فاااضي من النزلاء تماما بردو
مانصحش اي شاب انه يروح العريش غير يوم او اتنين بالكتيير اوي
معلش انا رغيت كتير و لكني بكرة العريش دي كرة شديد الصراحة
هو احلي حاجة فيها منظر النخيل علي شط البحر فقط لا غييييييييير

1=هو انا مش وضحت بشدة ان مفيهاش خروجات وان فيها شارع واحد ؟
2=الفندق انا بحكى عليه سنة 2002 تقريبا خلاص حمام السباحة اصلا منزلتوش بس الكبير كبير جدا طبعا معرفش انت بتقول كده ازاى!!!!!!!!والناس كلها كانت بتنزله وهم 3 مش 2
انا لما روحت كنت اخر واحدة بحجز واللى جم بعدنا قالهم خلاص كومبليت ازاى تقول قليلين ممكن بقوا قليلين لأنه بقى غالى لكن الناس كانت كتييير جدا

3=الشط مش عادى طبعا الرملة نظيفة وبيضا والبحر هادى ورايق ده اللى شفته لما كنت هناك
ولو لقيت صورة انا مش باينة فيها قوى هحاول انزلها عشان الناس كلها تعرف ان كلامى صح

4=طبيعى ان سيادتك تكرهها ليه بقى
يعنى مثلا شرم الشيخ انا رحتها خلاص مش عايزة اروح تانى غير بعد سنين انا رأيى انها متتراحش غير كل 10 سنين مرة
اكيد لو رحت كل سنة زى ما انت بتحكى كده هقرف منها وهزهق

5=المطعم اللى قلت عليه كان اكله جميل (البيك) والفندق برضه

6=مفتكرش رجعنا بعد 12 ابدا فمقدرش افتى فى القصة دى

7=انا مش عجوزة بس بستمتع بالهدؤ ايه المشكلة !!!!
جايز تكون بتاعة عائلات اكتر منها بتاعة شباب واكيد لو اصحابك معاك مش هتحس بكده

بس انا حقيقى حسيت انهم 7 ايام فى الجنة

طب ما رأس البر فيها شارع واحد برضه
والناس بتخرج فيه كل يوم

والحاج بقى ذوقه عالى بس مفيش مانع من التجديد مش لازم تروحوها كل سنة

**mailo** · 04-05-2011 02:57 PM

طب ما رأس البر فيها شارع واحد برضه
والناس بتخرج فيه كل يوم

وراس سدر ودهب كده برده
وبالنسبة لراس البر ولا جمصة أنا رحت راس البر مرة واحدة بس بالليل سهرت هناك واتمشيت شوية على اللسان واتعشينا وروحنا في نفس الليلة

بالنسبالي كانت خروجه مش مصيف فـكانت لذيذة عشان اللي كانوا معايا
معرفهاش في مصيف تبقى عاملة إزاي بس اللي شفته إن راس البر مدينة نضيفة جدا جدا ومنظمة

**azmeralda** · 04-05-2011 03:06 PM

ايوه هى نظيفة لكن لو قارنا البحر بمرسى مطروح مفيش وجه مقارنة

كمان شواطىء معينة فى اسكندرية مش كلها غير ان اسكندرية فسح حاجة تانية

وهروح راس البر ان شاء الله يومين قريب يلا محدش يزعل

**Bonanza** · 04-05-2011 03:30 PM

المشاركة الأصلية كتبت بواسطة azmeralda

1=هو انا مش وضحت بشدة ان مفيهاش خروجات وان فيها شارع واحد ؟
2=الفندق انا بحكى عليه سنة 2002 تقريبا خلاص حمام السباحة اصلا منزلتوش بس الكبير كبير جدا طبعا معرفش انت بتقول كده ازاى!!!!!!!!والناس كلها كانت بتنزله وهم 3 مش 2
انا لما روحت كنت اخر واحدة بحجز واللى جم بعدنا قالهم خلاص كومبليت ازاى تقول قليلين ممكن بقوا قليلين لأنه بقى غالى لكن الناس كانت كتييير جدا

3=الشط مش عادى طبعا الرملة نظيفة وبيضا والبحر هادى ورايق ده اللى شفته لما كنت هناك
ولو لقيت صورة انا مش باينة فيها قوى هحاول انزلها عشان الناس كلها تعرف ان كلامى صح

4=طبيعى ان سيادتك تكرهها ليه بقى
يعنى مثلا شرم الشيخ انا رحتها خلاص مش عايزة اروح تانى غير بعد سنين انا رأيى انها متتراحش غير كل 10 سنين مرة
اكيد لو رحت كل سنة زى ما انت بتحكى كده هقرف منها وهزهق

5=المطعم اللى قلت عليه كان اكله جميل (البيك) والفندق برضه

6=مفتكرش رجعنا بعد 12 ابدا فمقدرش افتى فى القصة دى

7=انا مش عجوزة بس بستمتع بالهدؤ ايه المشكلة !!!!
جايز تكون بتاعة عائلات اكتر منها بتاعة شباب واكيد لو اصحابك معاك مش هتحس بكده

بس انا حقيقى حسيت انهم 7 ايام فى الجنة

طب ما رأس البر فيها شارع واحد برضه
والناس بتخرج فيه كل يوم

والحاج بقى ذوقه عالى بس مفيش مانع من التجديد مش لازم تروحوها كل سنة

هههههههههههه
يا فندم ليه واخداها جد كده
انا مقصدش اي اساءة لرأيك علي فكرة والله
انا بس خبرتي اكتر شوية في موضوع العريش بالذات
فا مش عاوز الناس توهم نفسها بحاجة و يروحوا يلاقوا حاجة تانية بعيد عن خيالهم

عموما يعني الاختلاف في الرأي لا يفسد للود قضية
و انا بدأت كلامي باحترامي لرأيك
و عموما بردو في حاجات كتير اتغيرت للاسوأ في الحاجات اللي حضرتك قولتي عليها
بس الشط ده بقي من ساعة ما روحت و كل الشطوط مش نضيفة و و الناس بترمي كل حاجة علي الرملة و البحر فيه بلاك من بتوع السفن و طالع طبعا علي الشط و كل ما اتمشي ببرجع رجليها سودا من تحت
و علي فكرة البيت اصلا جنب اوبوروي علي طول
يعني انا بنزل الشط بيكون السور السلك بتاع اوبوروي علي بعد 5 متر من الشمسية بتاعتي
فا المفروض ان دي من انظف المناطق في العريش

يا فندم تقبلي تحياتي
و لولا اختلاف الاذواق لبارت السلع

**azmeralda** · 04-05-2011 03:37 PM

ماشى

اكيد بعد السنين دى كلها فى حاجات اتغيرت
بس انا توقعت انها اتغيرت للأحسن

وانا اخدتها جد لأنى عمالة امدح فى المكان للناس وكلامك يحسس اى حد انى بحكى عن وهم

فهمتنى

وانا سمعة ان الليلة فى اوبروى بقت معدية ال 600 ج للحجرة سريرين
معقول يرفعوا الأسعار كده للمستوى اللى انت بتوصفه ده غريبة قوى طب ما الناس تزود شوية وتنزل فى هلنان فلسطين بقى

**hobby10** · 05-05-2011 01:31 AM

نفسى اصيف ... انا روحت قبل شم النسيم الاسماعلية ... بس عادى

**Dr_ElSioufy** · 05-05-2011 01:39 AM

المشاركة الأصلية كتبت بواسطة azmeralda;3873469433وهروح راس البر ان شاء الله يومين قريب يلا محدش يزعل

[URL="http://forums.fatakat.com/thread167179"

[/URL]

ده كرم كبير من سيادتك

بس انا مش متحيز ولا حاجه انا بتكلم عن حاجه اعرفها واما الاقي حد بيقول عامله زي جمصه وتحس انك قاعد على ترعه والمدينه اتعمل فيها مشاريع بملايين الجنيهات مؤخراً يبقى ليا حق ارد كوني من روادها كل سنه
وراس البر واخده ترتيب على مستوى الجمهوريه في السياحه كلمه ترعه دي مكانتش فمحلها خالص

وتيجي تنوري احنا اللي مش هنزعل و هنحسن ضيافتك

**dr_abooody** · 05-05-2011 02:06 AM

ان شاء الله هروح العجمي بيانكي الفردوس

شقة على البحر على طول بس عيبها ان الناس بتركن عربيتها كتير و بتضيق الشارع و الشوارع ضيقة اصلا

**azmeralda** · 05-05-2011 11:55 AM

المشاركة الأصلية كتبت بواسطة madues

ده كرم كبير من سيادتك

بس انا مش متحيز ولا حاجه انا بتكلم عن حاجه اعرفها واما الاقي حد بيقول عامله زي جمصه وتحس انك قاعد على ترعه والمدينه اتعمل فيها مشاريع بملايين الجنيهات مؤخراً يبقى ليا حق ارد كوني من روادها كل سنه
وراس البر واخده ترتيب على مستوى الجمهوريه في السياحه كلمه ترعه دي مكانتش فمحلها خالص

وتيجي تنوري احنا اللي مش هنزعل و هنحسن ضيافتك

على فكرة انا مقلتش خالص انها عاملة زى جمصة فى فرق بينهم طبعا انا حطتهم الأتنين فى مقارنة مع حاجات تانية
وقصدى بالترعة ان المياه نفس اللون مش لبنى

واصلا مش بلاقى اى متعة انى اقف فى البحر والموج عمال يضربنى بالبوكس انا مش عايزة موج

وعالعموم استفدنا من زعلك اهو ان ليا عزومة فى راس البر