ناوي تصيف فين السنة دي؟

**Akram** · 03-05-2011 04:22 PM

المشاركة الأصلية كتبت بواسطة mailo

لو عايزين على البحر الأبيض أنا لسة راجع من بورسعيد كنت في كيت مرحبا
تحفة في كل حاجة الشاليه مساحته 90 متر غير طبعا الجنينة واسعاره كويسة قوي مع اعتبار إن بورسعيد مدينة مش قرية

ممكن تفاصيل اكتر ,
المكان فين و الاسعار و هل الاسعار تشمل حاجة تانية , و الفسح ايه نظامها , و هل فيه حمام سباحة ...

**mailo** · 03-05-2011 04:22 PM

المشاركة الأصلية كتبت بواسطة azmeralda

بكام ؟

الشاليه bed & breakfast
4 أفراد
سرير كينج و 2 كوين

650 LE

فيلا دورين 3 غرف 6 أفراد

1260

الفطار أوبن بوفيه

**mailo** · 03-05-2011 04:27 PM

المشاركة الأصلية كتبت بواسطة Akram

ممكن تفاصيل اكتر ,
المكان فين و الاسعار و هل الاسعار تشمل حاجة تانية , و الفسح ايه نظامها , و هل فيه حمام سباحة ...

فيه حمام صباحا قدام الشاليهات فيه حوالي 2 أو 3 كل مجموعة شاليهات و فلل محاوطة لحمام سباحة كبار وأطفال

وال مكان ده أصلا كان معمول قرية سكنية ولمفروض يتبع كله تمليك فهتلاقي ملاك كتير قوي فالمكان مش كلهم مأجرين زي ماهتروح

طبعا الشاليه مفروش وفيه مطبخ بالتلاجة ولبوتجاز بس للأسف كهربة مش غاز
و samsung lcd سريوس 4
وتليفزيون تاني في المستر bedroom

تكيف فالأوض

والباقي مش فاكره أنا كنت واخد 2 جنب بعض 1111 و 1112
عشان دور ارضي بالجنينه احجز 11-12 لو عرفت

**mailo** · 03-05-2011 04:29 PM

بالمناسبة أخويا لسة راجع من الغردقة في شم النسيم
كان واخد في أغلى hilton هناك اسمه جراند مش عارف إيه كده
كانت الليلة ب 700 والمفاجأة بقى إنه كان

all inclusive

**azmeralda** · 04-05-2011 10:36 AM

650 ج فى اليوم كتير قوى

ويعنى ايه all inclusive

**Dr_ElSioufy** · 04-05-2011 11:37 AM

المشاركة الأصلية كتبت بواسطة azmeralda

طالما اساسيك اسكندرية منصحكش تروح راس البر وجمصة خاااااااااااااااااااااااا اااالص هتحس انك قاعد على ترعة

جبتي الكلام ده منين ؟ وإيش جاب راس البر لجمصه ؟؟؟؟

راس البر تحفه و اللي مرحهاش من سنه او اتنين بالكتير يبقى ميعرفش راس البر

راس البر من اجمل الاماكن اللي صيفت فيها لكن بلاش تروح البحر يوم جمعه لان الناس من الاقاليم بيجوا يوم الجمعه غير كده راس البر مكان راقي جدا و نضيف و مريح جدا وطبيعه مش هتكرر في مصر

**mailo** · 04-05-2011 11:58 AM

المشاركة الأصلية كتبت بواسطة azmeralda

650 ج فى اليوم كتير قوى

ويعنى ايه all inclusive

إنت دلوقتي فالصيف وده موسم بتاع البحر الأبيض فطبيعي إن أي حاجة على البحر الأبيض تكون أغلى من أي حاجة على الاحمر دي حاجة

الحاجة التانية إنت مربوط بالقرى السياحية والفنادق وكده كده 90 % منها بتكون بعيدا عن المدينة
القرية دي في بورسعيد شخصيا في وسط البلد وجنبها ارقى الشوارع هناك وأعلى المستويات

إنت بتتكلم في ارقي مكان في بورسعيد وأحسن قرية باجماع الكل

وأنا زي ما قلت رحت موسى كوست و مرسليا فالساحل وكمان بورتو سخنة ودهب وكذا مكان تاني
وبجد أحسن مكان عجبني شاليه ونظام ومنظر وخدمة كان القرية دي

متنساش أنا قلت فالأول إنها كانت معمولة عشان كلها تتملك بس الإدارة شكلها طمعت في شوية اجزاء وعملتها فندق

وطبعا بتاخد الخدمة الفندقية بتاعتك كاملة

all inclusive
bed & breakfast
half board

دول نظم حجز الفنادق
الاخيرة يعني فطار وعشا
التانية يعني فطار بس
الاولى يعني فطار وغدا وعشا مع المشروبات كلها في أي وقت
يعني مابتدفعش ولا مليم زيادة على أي حاجة إلا اللي فلمني بار طبعا

**Bonanza** · 04-05-2011 01:14 PM

المشاركة الأصلية كتبت بواسطة azmeralda

بصراحة الأوتيل خرافة بس سامعة ان الليلة بقت ب 600 ج دلوقتى

كان فى ايام ما روحت فيلا دورين ب 110 فى الليلة وفيها ماء متوفر بس خفنا لأن كان الدور التحتانى فيه قزاز كتييير

معلش مع احتراكمي لحضرتك
ولكني انا بروح العريش كل سنة قهرا من سنة 1992
الحاج معرفش حب فيها ايه العريش دي و راح خد حتة ارض و بنا عليها
و عليها كل سنة لازم نروح والا يزعل
البلد لا تطاق الصراحة
مفيهاش اي مكان يتراح في اي وقت
مفيش اماكن خروج بالمرة
هو شارع واحد اللي بيتنزل كل مرة و هو شارع البلد
و ده مايفرقش اي حاجة عن شوارع العتبة مع الفارق ان العتبة فيها كمية محلات اكتر
نفسي اشوف مطعم واحد عدل فيها و بيعمل اكل عدل
مفيش غير من سنة واحدة فقط فتح هناك مطعم معقول اسمة " بساطة " قبل فندق اوبروي من ناحية المساعيد
مفيش هناك اي مطعم من مطاعم الفاست فود و مفيش حتي كبابجي عدل
اخري هناك يومين و ببقي مش طايق نفسي من الزهق
البحر وحش و مش نظيف بتاتا و الامواج عالية زي اسكندرية
غير ان شهر 6 و 7 و اول 8 بيبقي في قناديل
الفندق اللي حضرتك بتقولي عليه ده فعلا نظيف من حيث الغرف
بس الشط و حمامات السباحة عادية جدا
الفندق فيه 2 حمام سباحة واحد منهم صغير و التاني كبير و الكبير ده المياه بتاعتة مالحة
و الفندق دلوقتي بقي اسمة ( سويس ان ) يعني اوبوروي باعت الفندق
و طبعا هو نظيف زي ما انا قولت بس لسبب ان النزلاء هناك قليلين جدا
المحلات بتقفل الساعة 10 بالليل و البلد كلها بتنام علي 11 او 12 بالكتير
مفيش اي حياة ليلية هناك و مفيش مواصلات بعد 12 غير لو حظك حلو و لقيت تاكسي
المدينة بصراحة لا تصلح للتصيف نهائيا .. اخرها ناس عواجيز تروح تستمتع بالهدوء القاتل
حاولنا كتير نخلي الحاج يبيع البيت اللي هناك و لكنه مصمم عليه

للامانة في فندق افخم من سويس ان و لكنة قبل العريش بحوالي 25 كيلو اسمة كورال بيتش
حلو جدا و شيك و لكنة فاااضي من النزلاء تماما بردو
مانصحش اي شاب انه يروح العريش غير يوم او اتنين بالكتيير اوي
معلش انا رغيت كتير و لكني بكرة العريش دي كرة شديد الصراحة
هو احلي حاجة فيها منظر النخيل علي شط البحر فقط لا غييييييييير

**Dr_ElSioufy** · 04-05-2011 01:27 PM

رأس البر بقى في الصيف مدينه لا تنام و تلاقي الناس في الشوارع بنات اطفال شباب عائلات لحد الصبح متحسش الا والفجر بيدن والناس في الشوارع انا عن نفسي بعشق هواها