الموضوع: أعطال الكليو و طريقة الإصلاح واماكن الاصلاح من ملاكها

انا شاري العربية 2003 1200 كليو العربية بتبرجل لما اشغل الانوار او المروحة تشتغل مع العلم شيكت علي الحساسات والفيش الحساسات وقيست الشحن كله مظبوط وغيرت البوابة ونظفت الرشاشات ومازال العيب موجود ؟؟؟؟ مع العلم ان لمبة الاعطال مش منورة عندي
لما غيرت البوابة بقيا اسمع صوت صفارة بسيطة في الموتور جي من عند البوابة ويزداد الصوت عند سرعة 80 كم كانك سامع صوت كرونة زيتها محروق بس علي خفيف والسحب بقي احسن من البوابة القديمة بكتير هل يوجد عيب في البوابة ؟
افيدونب افادكم الله
وشكرا

بسم الله الرحمن الرحيم
السلام عليكم ورحمة الله وبركات
اشتريت رينو كليو 2003 1200 سي سي من شهرين كانت عامله 173009 دلوقتي عامله 175670 تم عمل صيانة الاتية
1.تغير سيور الكاتينة والدينمو و التكييف
2.تغيير البليتين العجل الخلفيتين
3.تغيير الموبينة والبوجيهات فرنساوي
4.تغير طلمبة البنزين
5.تغير كوتش الكابلين
6. تم تنضيف دورة المياة
7.تغير البوابة لان العربية كانت بتنطط في الغيار الاولني مع تنضيف الرشاشات
8. تم تغير الفلاتر بنزين وهوا وزيت
9. تغير زيت موتور وفيتاس و باور وغيرت حساس البور
10.تغير الدينمو استيراد
لاحظت ان السيارة اصبح سحبها افضل بس عندي مشكله ياريت حد بقولي اعمل اية؟
السيارة لما الانوار ايده العربية بتبرجل وده كان سببب لتغير الدينمو لان لقيت الشحن طالع ونازل وصوت العربية الموتور برده بيطلع وبينزل كانها هتبطل وبعد ما غيرت الدينمو الموتور صوته اتظبط سلانسيىه بس لما الانوار مطفية حد يقولي ممكن يكون حساس الكرنك قبل ما اغيره؟ والسؤال الثاني لقيت منظم الهواء اللي تحت الفانوس اليمين بجاني الرادينير اللي خارج منه خرطوم منة وواصل للموتور بينفس ممكن يكون سبب ولا لاء واشترية جديد ومنين وبكام ؟ وشكرا

بسم الله الرحمن الرحيم
السلام عليكم ورحمة الله وبركات
اشتريت رينو كليو 2003 1200 سي سي من شهرين كانت عامله 173009 دلوقتي عامله 175670 تم عمل صيانة الاتية
1.تغير سيور الكاتينة والدينمو و التكييف
2.تغيير البليتين العجل الخلفيتين
3.تغيير الموبينة والبوجيهات فرنساوي
4.تغير طلمبة البنزين
5.تغير كوتش الكابلين
6. تم تنضيف دورة المياة
7.تغير البوابة لان العربية كانت بتنطط في الغيار الاولني مع تنضيف الرشاشات
8. تم تغير الفلاتر بنزين وهوا وزيت
9. تغير زيت موتور وفيتاس و باور وغيرت حساس البور
10.تغير الدينمو استيراد
11. تم تنضيف تنك النزين
لاحظت ان السيارة اصبح سحبها افضل بس عندي مشكله ياريت حد بقولي اعمل اية؟
السيارة لما الانوار ايده العربية بتبرجل وده كان سببب لتغير الدينمو لان لقيت الشحن طالع ونازل وصوت العربية الموتور برده بيطلع وبينزل كانها هتبطل وبعد ما غيرت الدينمو الموتور صوته اتظبط سلانسيىه بس لما الانوار مطفية حد يقولي ممكن يكون حساس الكرنك قبل ما اغيره؟ والسؤال الثاني لقيت منظم الهواء اللي تحت الفانوس اليمين بجانب الراديتير اللي خارج منه خرطوم منة وواصل للموتور بينفس ممكن يكون سبب ولا لاء واشترية جديد ومنين وبكام ؟ وشكرا

السلام عليكم لو سمحتم ياشباب عايز حد يفدنى فى معرفة وظيفة منظم الهواء فى الكليو 1200 وهل البوابة وحساس الايدل يؤثرو فى استهلاك الوقود ؟

المشاركة الأصلية كتبت بواسطة m_mancy

السلام عليكم لو سمحتم ياشباب عايز حد يفدنى فى معرفة وظيفة منظم الهواء فى الكليو 1200 وهل البوابة وحساس الايدل يؤثرو فى استهلاك الوقود ؟

متااااااااااااابع

المشاركة الأصلية كتبت بواسطة m_mancy

السلام عليكم لو سمحتم ياشباب عايز حد يفدنى فى معرفة وظيفة منظم الهواء فى الكليو 1200 وهل البوابة وحساس الايدل يؤثرو فى استهلاك الوقود ؟

منظم الهواء شكله عامل زي منظم البوتجاز وظيفته بينظم كمية الهواء اللي داخله للموتور ومن غيرة وبعد الدواره تلاقي العربية فيها رجة لمدة دقيقة وطبعا بتاثر علي استهلاك البنزين
الايدل دة شكله زي الصباع وظيفته ظبط الموتور من خلاله اي يجعله منتظم نظبط منه السلانسية

بسم الله الرحمن الرحيم
معايا رينو كليو 2003 1200 سي سي اشترتها من شهرين وتم عمل الاتي
1 تم تغير طرمبة البنزين والموبينة والبوجيهات والبوابة والدينمو ومسامير الميزان وحاسس البور وفيشة حساس الكرنك والبليتين الخلفية والسيور والفلاتر كلها وتنضيف الرشاشات وشداد موتور
غيرت البوابة لان العربية بتتنطط في الغيار الاولني وده عيب بوابة
وفجاءة ظهر عيب وهو صوت العربية غير منتظم وتحس كأنها هتبطل علشان كده غيرت الدينمو
ومطلعش السبب ده ؟
قررت اني احطها علي جهاز كشف الاعطال وظهر العيب وهو ضغط العوا اللي داخل للموتور مش مظبوط علشان كدة كان صوتها غير منتظم
هتلاقي خرطومين داخلين في الموتور خرطوم بنزين وخرطوم هوا تتبع سير لبخرطون الهوا هتلاقي في الاخر حاجة شبة منظم البوتجاز بايظ ومفيش منه لا جديد ولا مستعمل حد يدلنا ننكم القيه فين؟

الأحد 26 صفر 1435[
بسم الله الرحمن الرحيم
انا محمد عضو جيد احب اعرض عليكو المشكلة وحلها علشان الناس كلها تاخد بالها
انا اشتريت رينو كليو 2003 1200 سي سي كانت عامله 173 الف من شهرين تم عمل الاتي
تغير سيور الكاتينة وشداد وسير التكييف والدينمو وتغير كل زيوت العربية فتيس وموتور وباور والفلاتر كلها هو ا وزيت وبنزين
اول مشكله واجهتني .... لقيت الزيت ضارب في العربية ومغرقه المصفحة كشفت عليها لقيت ان حساس البور ضارب زيت تم تغيره ولقيت كوتش الكوبلين مفطوعة وزبت الفيتيس وعلشان كدة الغيارات كانت بتعضعض
تاني مشكله ....... العربية في الغيار الاولني كانت بتنطط كانك مديها غيار غلط فغيرت البوابة ونضفت الرشاشات
اتظبطت الغيارات
تالت مشكلة لقيت غطا زيت معرق وفية رين ابيض كأن الزيت مطحن فحكيت مع صحبي حاتم معاه بيجو 307 وقالي الزيت وحش وقلي غير الزيت انا كنت حاطط شل الجركن الاحمر غيرت لموبيل بقيت فعلا كان عيب زيت
رابع مشكلة لحظت بعديها علي طول لقيت العربية بتبرجل والنور عمال يعلي ويوطي والعربية بتفف غيرت الدينمو لقيت العيب موجود فقلت لصحبي قالي غير البوجيهات من التوكيل لان البوجية لية رقم اذا اتغير يخلي العربية تتفف
كنت حاطط بوجيهات فرتساوي رقمها 212 والقديمة رقمها 114 غيرت لبوجيهات الماني بوش 205 فرقت العربية في صوت الموتور وفي السحب بس والنور مطفي بنا النور ييأيد العربية تتفف علي خفيف اوي والنور بيعلي ويوطي قيست الشحن الكهربائي قالي كاتوت الشحن الداخلي تعيش انت يا حج غيرت الكاتوت والشحن انتظم والعربية انتظمت الحمد لله
الدروس المستفاده
1 . اختار الزيت اللي بناسب العربية الافضل موبيل ومن البنزينة
2.غير البوجيهات بتفس الرقم بتاع القديم
3. ركب قطع الغيار الاصلية لانها تفرق

مرحبا انا عضو جديد وعندي مشكلة مش عارف حلها انا معيا رينو كليو 2002 1200cc عاملة 173000 كلم
المشكلة هو ان العربية هي وماشية تكتم وصوت الشكمان يكتم و لمبة الاتشيك تنور و تطفي و سحب العربية يقل و كل ما أدوس بنزين أحس أنها بتتكتم أكتر الأغرب أني غيرت البوجيهات و غيرت فلتر البنزين و أشترت طلمبة بنزين بس لسة ما غيرتهاش و الغريب اني حاسس أن ضخ البنزين قدام الخرطوم الي بيدي الماتور ضعيف وانا من القصير البحر الاحمر و أقدر أقولكم أن مفيش ميكانيكية خالص للرينو أعمل أية

اصدقائى الاعزاء تسمحولى اخذ من وقتكم شوية واحكليكم على اللى حصلى فى مركز محمود عثمان (عثمان موتورز) - شارع محمد اشتناوى متفرع من شارع فيصل (بعد محطة التعاون)
رحتلهم عشان عندى مشكلة صغيرة عبارة عن ان العربية لما بدور الكنتكت شغال والمارش شغال بس ما بتدورش غير بعد 4 أو 5 دقايق المشكلة التانية أن جوان غطاء التكهات جايب زيت:
وديت العربية الساعة 10 صباحا استلموا منى العربية وخذوا بيانتى وبيانات العربية ومشيت على انتظار تليفون منهم انهم خلصوا
وبعد مكالمت كثيرة رحت استلم العربية لاقيت العربية حالتها ساءت عن الاول كتير بقت بتقطع جامد وبتطلع رحيت بنزين نى ومكتومه سالتهم ايه اللى حصل قالولى
1. البوجيهات عندك مش بتعات العربية رغم انى مغيرهم قريب وجايبهم من بائع قطع غيار رينو وهما حطو طقم قديم من عندهم عشان اجرب بيه العربية وتمن البوجيهات 185 جنيه
2. الشيخ عادل قال ان طرمبة البنزين عندى ضعيفة ولازم تتغير رغم انى لما بفتح كونتكت بسمع صوت الطرمبة شغاله ممكن تغيرلها ماتور 250 جنيه
3. البوابة عندك لازم تتغير وتمنها 3500 جنيه
4. حساس الحرارة بايظ وتمنه 400 جنيه وعايز فيشه تمنها 200 جنيه
5. حساس الشكمان بايظ وتمنه 1000 جنيه والمفاجأة انت ما عندكش علبة بيئة ودى مش موجودة بتتركب فى العربية وقت صنعها فقط
6. حساس الكرنك بايظ وتمنه 500 وفيشه 350 جنيه
7. المروحه دى مش بتاعته عايز مروحه 500 جنيه
8. سيرفوا الفرامل عايز يتغير
9. احنا غيرنا زيت وفلتر 500 كيلو 350 جنيه
10. جوان غطاء التكهات 350 بتركيبه
وحسسونى ان العربية ما تنفعش تمشى اصلا رغم انى كنت رايحلهم بيها وهى بتجيب سرعة 140
وبعد كلام وشد وجذب دفعت 700 جنيه تغيير زيت 5000 كيلو وفلتر وجوان غطاء التكهات ومشيت بالعربية
تانى يوم سمعت صوت حاجة بتخبط فى الماتور وهى دايرة فتحت الكبوت لاقيت قربة المياه مشروخة رغم انها كانت سليمة قبل ما اروح عند عثمان والصوت يخبط ويروح صحابى دلوني على المهندس على فى المقطم ماكدبتش خبر خت رقمه واتصلت بيه وقلتله على المشكلة قال مش فاضى تعاللى بعد يومين رحتله زى ما قال وحكيت على كل اللى حصل عند عثمان بص على العربية وقال هنغير قربت المياة وتجيب طقم بوجيهات وتجيب موبينه والعربية هتظبط قلت ماشى اروح اجبهملك واجى قالى مش فاضى النهاردة تعال بعد 4 ايام عشان عنده شغل قلت ماشى ورحتله الساعة 7 الصبح خذ العربية ومشيت رحت على شغلى رجعتله الساعة 5 مساءا ماكنش عمل حاجة فى العربية وبدا شغل فيها الساعة 7 مساء وحسسنى انه بيفهم وفك الوش وقعد ينضف البوابة ويرش اسبراى وركب الحاجة اللى قال عليها وطلعنا نجرب وكانت المفاجأة العربية زى ماهى وصوت الخبط موجود والتقطيعه موجودة وكأن العربية متكتفة ومش قادرة تمشى(بس مرضاش ياخذ فلوس مصنعيه) وقالى على ميعاد اجيله تانى بس مش قبل 4 ايام عشان عنده شغل والعربية فيها شغل كتير ومشيت من عنده على انتظار الميعاد الاخر ؟ اكلمه مايرضش ـ اكلمه يقولولى تعبان مافتحش النهارده ـ مايرضش زهقت سألت على مكانيكى تانى قالولى على الاسطى على عز الدين رحت خت ميعاد ووديت العربية الراجل فعلا صنيعى شاطر ظبط العربية ورجعها احسن من الأول والحمد الله وتعب فيها ربنا يبارك له
العيوب اللى وجدها :
1. غطاء التكهات اللى عمله محمود عثمان فوتو مسامير عمود التكهات خلوا التكهات تخبط فى وش السلندر
2. البوابة سليمة والطرمبة سليمة (الرشاشات هى اللى مش كويسه)
3. فى خرم فى الشكمان رغم انى عند عثمان سألتهم على الشكمان ليكون مخروم قالولى لا
4. غير طقم جوانات
5. غير رشاشين واعمل الصح بجد فى العربية وختها اكنها عربية تانية
وفى النهاية اقدر اقلكم ان عثمان موتورز اللى فى محطة التعاون عالم نصابين ومش بيفهموا حاجة عايزين ياخدوا فلوس وخلاص بالاضافة انهم ماعندهمش صنايعيه شويت عيال صغيره لا بيعرفوا يقروا ولايكتبوا والشيخ والبيه ابو نظاره منظره فقط لا غير