أعطال الكليو و طريقة الإصلاح واماكن الاصلاح من ملاكها

**ramy_gamal** · 13-04-2011 10:38 PM

المشاركة الأصلية كتبت بواسطة عمرو عمارة

الرعشة البسيطة دي هتبتدي تزيد وتحس بيها خصوصاً في المطالع وإنت على الخامس بين الـ70 و100كم

أنا مروحتش أكشف قياس أبعاد العربية بعد ما الميكانيكي فهمني موضوع الوردة دي وإنها حركة معروفة وكل مشكلتي كانت الرعشة البسيطة دي..... والعربية كانت متزنة ومفيش حدف لإي جهة ولا تأكل في الكاوتش وده إلي كان مطمني

الموضوع مش خطير بالدرجة دي.....بس غير مريح وإنت سايق العربية وأكيد حتوصل لمرحلة الإنزلاق الكامل

إنت بس إعمل حسابك على شراء كوبلن عشان تطمن وحوشله من دلوقتي حتى تشيل 100 جم على جنب من كل شهر :oc_sun1[1]:

طيب الوردة اتحططت ليه !!!!!!!!!! اكيد بتسد فراغ صح ولا لأ لما قولت كدة ل الميكانيكى معرفش يرد عليا قالى عشان تحكم الصليبه فا دة اللى مخوفنى يكون فى مشكله فى ابعاد العربيه وبعدين لما باظت اول مرة وغيرتها باظت تانى ولما حطيت الوردة لغايه دلوقتى مفيش مشاكل مش عارف المشكله فى ابعاد العربيه ولا فى الكوبلن نفسه مع ان دة الكوبلن الاصلى بتاع الفابريكه
بس على العموم انا فعلا همل زى ماقلتلى هحوشله من دلوقتى تحسبا لاي مشكله

**عمرو عمارة** · 14-04-2011 10:43 AM

لا تقلق إن شاء الله مفيش مشكلة في الجزء اليمين ده خالص

إنت هتعرف بنفسك لما تفك الكوبلن القديم هتلاقي مرخي خالص وفيه خلوص جامد عند الحلة الداخلية إلي راكبة فيها الصليبة وهو ده الفراغ المكون من التأكل وبالتالي بيركبوا الوردة دي عشان الصليبة متهربش من مكنها

**ramy_gamal** · 14-04-2011 06:59 PM

المشاركة الأصلية كتبت بواسطة عمرو عمارة

لا تقلق إن شاء الله مفيش مشكلة في الجزء اليمين ده خالص

إنت هتعرف بنفسك لما تفك الكوبلن القديم هتلاقي مرخي خالص وفيه خلوص جامد عند الحلة الداخلية إلي راكبة فيها الصليبة وهو ده الفراغ المكون من التأكل وبالتالي بيركبوا الوردة دي عشان الصليبة متهربش من مكنها

تمام انا فهمت من كلامك ان المشكله فى الكوبلن مش العربيه الف شكر على المعلومه

**ahmed_samir12** · 17-04-2011 05:59 PM

ممكن نصيحة من اهل الرينو كليو تحديدا ان شاء الله قررت اشترى عربية جديد وكنت بقارن بين الرينو الكليو والفيات السينا نفس السنه موديل 2002 ونفس السعر . أختار إيه ياريت تفيدونى ؟

**tkdemad** · 28-04-2011 12:31 AM

السلام عليكم ورحمة الله وبركاتة
هذة اول مشاركة لية انا عندي كليو موديل 2002 1200 سى سى واجهتني عدة مشاكل منها
الفتيس صعب في الغيار الاول بيعض ركبتلة كاوتشة واتعدل وبعد فترة كان بعض احيان مش بيجيب مرشدين الميكانيكي ظبط شوية في الصاجة بتاعة الحارات وماشي الحال بس بردة الاول بعض احيان يعض لكن شغال
حدث تسريب لمياة الرداتير بالكامل داخل الصالون الميكانيكي لاغي خرطوم السخن وكلة تمام
العربية بتسخن جدا ولمبة الانجكشن بتنور والعربية متستحملش تمشي في الزحام اكثر من 10 دقائق ولازم اركنهالما تبرد العربية خالص والحل ركبت خرطوم في مدخل فلتر الهواء واصل في ابعد مكان عن الموتور علشان يدخل هواء بارد للموتور واتحلت المشكلة
وكان مركز الصيانة كشف علي العربية علي الكمبيوتر وقال بوابة الانجكشن ممكن تتنظف ولو منفعتش تتغير وتم التنظيف والمشكلة زي ماهي والحمد لله لما ركبت الخرطوم اتحلت المشكلة ولا غيرنا البوابة ولا حاجة
كانت العربية فجاة تبطل ومتدرش الابعد عناء مافيش احساس بالمرش خالص مع وجود الكهرباء رحت لكهربائي وربط كابل الموبينة كويس واتحلت المشكلة
مقاومة الحرارة بتشتغل عند 97 وتنزل عند 92 ودة نسبة عالية بالنسبة للجو عندنا في مصر وكل حاجة في العربية سليمة والرداتير سالك وطرمبة المية شغالة وغسلت السربنتينة في البنزيمة كويس عملت فكرة كدة من اختراعي في مقاومة الحرارة وبقت بتشتغل 92 الي 85 والحمد لله كلة تمام وفي الزحام تمام

**ae_yg** · 04-05-2011 09:01 PM

بسم الله الرحمن الرحيم

انا معايا رينو كليو 2004 1200cc من 3ايام وكان صوت المتور هادى وجميل لحد مرحت لتوكيل موبيل وغيرت زيت موبيل 3الى5 الف كيلوا وفلتر وبعديها علطول صوت الماتور على مش عارف ليه

**Emadiro** · 06-05-2011 11:44 AM

انا معايا كليو 2003 1200 اول ماشتريتها قولت اغير بوجيهات و فلاتر المهم اشتريتهم من عند واحد اسمه سان جورج و ركبتهم عند ميكيانيكي عامل فيها بيفهم في الرينو المهم العربية مبقتش بتسحب و لما بشغل التكييف تبطل رجعت للميكانيكي قالي البوجيهات مرطبة طبعا سان جورج مرديش يرجعهم وركبتهم تاني وتاني يوم روحت فرنش موتورز غيرت بوجيهات و موبينة ب 800 جنيه

بس فضلت مشكله في التكييف بقي بيطلع ريحة زي ريحة عادم او حرق محدش يعرف حل للموضوع ده

و لو في ميكانيكي في شبرا بيفهم ممكن اسمه و رقم تليفونه ولا التوكيل افضل

و جزاكم الله خيرا

**ramy_gamal** · 07-05-2011 12:49 AM

هو حضرتك غيرت بوجيهات وطقم كويلات الكويلات لوحدة انا مغيرة برة التوكيل ب 425 جنيه هو غالى بس بيتغير كل 70 الف كيلو
كدة حضرتك محتاج واحد بتاع تكيفات بس يكون كويس وامين ممكن الاخوة من القاهرة يدلوك على حد كويس

**ramy_gamal** · 07-05-2011 12:51 AM

المشاركة الأصلية كتبت بواسطة ae_yg

بسم الله الرحمن الرحيم

انا معايا رينو كليو 2004 1200cc من 3ايام وكان صوت المتور هادى وجميل لحد مرحت لتوكيل موبيل وغيرت زيت موبيل 3الى5 الف كيلوا وفلتر وبعديها علطول صوت الماتور على مش عارف ليه

هو الزيت اللى اتحط 10 40 ولا 20 50 ال 10 40 بيكون خفيف شويه فى الحر دة اتاكد وقولنا واخبار اداء العربيه ايه بعد الزيت بتشد كويس ولا تقلت

**Emadiro** · 07-05-2011 01:07 PM

شكرا علي رد حضرتك انا اصلي لسه شاري العربية و كانت الكويلات بتهرب فقولت اغيرها و انا معرفش اللي كانت معاه غيرها امتا

هي تمنها لوحدها 550 + 145 البوجيهات+80 مصنعية و بس

و في كمان ضمان علي قطعة الغيار 6 شهور

ممكن يكون اكتر من بره بس والله احسن متعد تجرب ميكانيكي كل شويه
و جزاكم الله الخير

الموضوع: أعطال الكليو و طريقة الإصلاح واماكن الاصلاح من ملاكها

LinkBack

أدوات الموضوع

عرض

-

-

-

-

-

-

-

المواضيع المتشابهه

ايهما افضل الاصلاح فى التوكيل ولا الاصلاح فى الحرفيين

تقرير : مجموعة أعطال شائعة ,, وكيفية طرق الإصلاح بالتدريج,,

خبايا الكليو ( تجربتى مع الكليو 5 سنوات ) تكملة 2

أعطال الكليو وطريقة إصلاحها

الى كل خبراء الكليو فى المنتدى وخاصا ليمو باشا خبير الكليو

الكلمات الدلالية لهذا الموضوع

المفضلات

المفضلات

ضوابط المشاركة