عنوان معدل (واجهتني مشكلة بسبب السرعة الزائدة)

**AHMED1718** · 10-05-2011 01:51 AM

المشاركة الأصلية كتبت بواسطة ashouhdy

شوف مع انة غلطان بس تصرف السواقين دة غلط وقلة ادب و بلطجة...... أمتى نبقى بلد القانون

انا وانتا ناس متعلمة وعارفين حقهم القانونى ومش عارفين ناخد حقنا ولا بالقانون ولا بالادب والاحترام

هما ناس جهلة ومش عارفين القانون خدوه بايديهم

هما غلط بس متهيألى الظابط ده قبل ميفكر يفترى بعد كده هيفكر الف مرة ف اللى حصله

انا مش مع الناس انها عملت كده بس بردو مش عليهم لان انا لو معاهم بصراحة مكنتش عارف هيكون قرارى ايه

انا لا بلطجى ولا بادى بلدنج ولا منفخ بس انا بنى ادم عندم دم وكل واحد عنده قدرة على التحمل واللى بيحصل كل يوم ده مش قليل

**tamer_a7** · 10-05-2011 01:39 PM

انا بجد ما كانش نفسي اشوف المشاركه الاخيره دي
تحب اقولك نوعيه السوقين اللي ضربت الضابط
سواقين الميكروباص وسواقين النص نقل اللي واخدين الطريق يومين بالمره والاتنين والتلاته علشان هو دا شغلهم
وطبعا هما نوعيه محترمه جدا ومؤدبه من السواقين انت بنفسك اختبرت ادبهم وذوقهم لما نزل واحد منهم بالكوريك علشان يكسر ليك عربيتك
طبعا هما دلواقتي اتقدمو خطوه اكتر في اتجاه الطريق للفوضي هما مش بس بيخالفو براحتهم لا وكمان بيضربو الكمين لو مدايقهم
في ناس بتقول القادم افضل واصبرو
وانا عندي رد واحد
صدقت يا رسول الله حين قال فيما معناه (لا ياتي علي امتي يوم الا واشر من الذي قبله )
لا حول ولا قوه الا بالله

**م.احمد زكريا** · 10-05-2011 03:07 PM

المشاركة الأصلية كتبت بواسطة tamer_a7

بص يا ابو حميد
خلينا كده نبص من ناحيه تانيه خالص غير موقفك
انا النهارده نازل النفق بتاع شارع النيل السياحي عربيه نقل ورايا مصر يخش الشارع ده مع انه ممنوع ليه وخناقه اد كده مع امين الشرطه والظابط ويا كفاره انتم رجعتم زي الاول حسبي الله ونعم الوكيل وكل ما تتخيله من شتايم في الشرطه والظباط والداخليه مع انه هو اللي غلطان وعايز يخش شارع ممنوع مرور النقل او الميكروباصات منه
الموقف التاني واحده بتلف اليو ترن عاكسي قبل سجن طره علي الاتوستراد الظابط وقف قدمها بالنص كده(اتحرك يا حيوان احسن ما اشيلك بالعربيه هو انتم نسيتم نفسكم تاني ولا ايه) والله الراجل مسك اعصابه جدا وجيه رتبه تانيه اكبر منه وزقه من قدامه وهيه راحت فاركه وطالعه
الموقف الثالث قدام سيتي بنك مدخل مصدق من محي الدين واحد راكن صف تاني قدام البنك علي اللفه بالملي يعني العربيه اللي تلف استحاله تعرف تكمل اللف ولازم تقف وترجع بظهرك امين الشرطه يكلمه اتخانق معاه وكان هيضربوه لولا الناس هيه اللي اتلمت عليه واجبرته يحرك العربيه
الوقف الرابع الكلابش بيتحط علي عربيه راكنه هنا في مصدق السواق يرجع يلاقي الكلابش يطلع العصايه بتاعت الكوريك واديها تكسير في الكلابش لغايه ما كسره ورماه علي الرصيف
الموقف الخامس تاكسي ماشي عكس الاتجاه في شارع المصانع وانت رايح حلوان من الاتوستراد وماشي طلق وكان هيخرشم عربيه النترا صاحبها اتفاجيء بيه لا وايه نازل يتخانق كمان

عرفت بقي يا ابو حميد الناس محتقنه ليه
وكمان في مشاركات هنا ما خدمتش الموضوع خالص
يا عم سيبك من كل دا احنا اخوات واصحاب وهدفنا واحد وان اختلفت وجهات النظر والطرق

النظام تم اسقاطة
ولكن واضح ان اسقاط النظام مش كفاية عشان نتغير

( إن الله لا يغر ما بقوم حتى يغيوا ما بأنفسهم )

**AHMED1718** · 10-05-2011 03:11 PM

المشاركة الأصلية كتبت بواسطة osama.m

بص عايز اسألك سؤال

اي رأيك لما يطبقوا نظام النقط على الرخص .. او بمعنى اصح .. يجيبوا قانون مرور بتاع اي بلد اوروبي
لو عملت مخالفة تاخد نقطة .. تجمع عشر نقط رخصتك تتسحب نهائي ... عديت السرعة تتسجن

يعنى ده هيمنعه يتبلى على الناس ؟؟ ياسيدى انا مش معترض على القانون بس هوا اللى بيطبقه عايز يبقى عليه رقابه

يمكن غلطة الظابط الوحيدة انه قال سرعة غير اللي انت كنت عليها .. بس بردو ممكن تكون انت هديت في الوقت دا

انا ممكن تكون سرعتى زادت بس مهديتش وبعدين ده مش فرق 10 كم ده فرق كبير وتسمحلى نرجع لسببنا الرئيسى الا وهوا ان انا عامل الموضوع مش علشان مش عايز ادفع او معترض على قانون الرادار انا عامله علشان نشوف حل ومتبقاش كارتا او جباية يعنى سواء ماشى صح او غلط تتسحب رخصك او تدفع
حكاية ان انت مش شايف حد بيبلغ بلاسلكي دي مش عزر ليك لان ممكن يكون اللي بيبلغ دا انت مش شايفة ... ويمكن يكونوا اتطوروا و بقى شغلهم كمبيوتر .. لية لا

و خلي بالك انا مش بدافع عن الظابط و اي حد من الشرطة
لو انت ماشي قانوني و ملتزم .. و واحد خبطلك عربيتك عشان هو ماشي مخالف هتعمل فية اية
احنا اكتر ناس عايزين الشارع يبقى منضبط عشان نوصل بيتنا متطمنين (كلام متناقض بصرحة ) يعنى ايه القانون اللى بيحميك لو باص ولا نقل رزعك من ورا ؟انت تعرف السيناريو اللى بيحصل ديما طبعا ؟
وخليك فاكر ..

إن الله لا يغير ما بقوم حتى يغيروا ما بأنفسهم

**AHMED1718** · 10-05-2011 03:18 PM

المشاركة الأصلية كتبت بواسطة tamer_a7

انا بجد ما كانش نفسي اشوف المشاركه الاخيره دي
تحب اقولك نوعيه السوقين اللي ضربت الضابط
سواقين الميكروباص وسواقين النص نقل اللي واخدين الطريق يومين بالمره والاتنين والتلاته علشان هو دا شغلهم

انت رأيك كده يعنى ؟
تصحيح بس لمعلوماتك ان القلة بس منهم كده والباقى سواقين لشركات نقل كبيرة وشراكات سياحة فبيبقا خايف على وظيفته
والباقى اللى بتقول عليه ده بيبقا اساسا ربحه من المشوار ده ممكن انه لا يتجاوز ال 200 او 300 جم
يعنى هيفكر الف مرة انه يمشى بسرعة وخصوصا لما يبقا عارف ان فيه رادار ف المنطقة الفلانية
يعنى انت حد كلمك وقلك خلى بالك هدى علشان فيه رادار وظابط مبيعديش (ساعتها السرعة لو 90 هتمشى 60 ) بس بردو بيوقفك

اللى حصل ده استفز الناس يعنى مش من الباب للطاق
ماهو واقف بقاله اسبوعين على نفس الحال مش
وطبعا هما نوعيه محترمه جدا ومؤدبه من السواقين انت بنفسك اختبرت ادبهم وذوقهم لما نزل واحد منهم بالكوريك علشان يكسر ليك عربيتك

ياسيدى لا وجه مقارنة بين اللى السواق ده والسواقين دول
السواق بتاع الكوريك ده شغال على خط جوا حتته وعارف الف واحد يعنى عزوة يعنى يعمل الى عايزه ف الناس غير انه غالبا بيبقا مبرشم ولا شمام يعنى مش واعى
على عكس اللى بيطلعو على الطرق السياحية
انت تعرف ان فيه كماين بيكشفو فيها على سواقين السياحة وبيتحبس لو اكتشفو ف دمه حاجة يعنى شتان بين ددول ودول
طبعا هما دلواقتي اتقدمو خطوه اكتر في اتجاه الطريق للفوضي هما مش بس بيخالفو براحتهم لا وكمان بيضربو الكمين لو مدايقهم
في ناس بتقول القادم افضل واصبرو
وانا عندي رد واحد
صدقت يا رسول الله حين قال فيما معناه (لا ياتي علي امتي يوم الا واشر من الذي قبله )
لا حول ولا قوه الا بالله