الموضوع: عنوان معدل (واجهتني مشكلة بسبب السرعة الزائدة)

المشاركة الأصلية كتبت بواسطة aif

الفرعيات هي ان سيادتك بتقول مافيش رادار ...... حضرتك عرفت منين ان مافيش رادار ؟؟؟؟؟
ممكن اوي يكون سيادتك ماشفتش الرادار ..... لذلك تعتقد انه ماكنش فيه رادار
ممكن اوي يكون الرادار مستخبي بحيث السيارات ماتشوفهوش
وغالبا لما السرعة بتكون زيادة بيبلغ باللاسلكي عن السيارة بمواصفاتها ومش بيقول السرعة كام ... لأن السرعة مش بتفرق في المخالفة ... 115 زي 215 ... كلهم مخالفة واحدة
دي الفرعيات
لكن الاساسيات ان سيادتك كنت ماشي بسرعة زائدة ..... واللجنة وقفتك للسرعة الزائدة .... والناس كلموك بطريقة محترمة .... وانت مش عاوز تدفع ولا عاوز تتسحب الرخصة ولا عاوز تتاخد مخالفة .... امال حضرتك عاوز ايه ؟؟؟؟؟؟
يعني لو كانو قطاعين طرق زي ما سيادتك كاتب في العنوان اللي أفزع الناس .... لو كانو قطاعين طرق كنت ح تبقى مبسوط ؟؟؟؟؟
انت بتعترف انك ماشي بسرعة ...... وخدت مخالفة ..... انا شايف ان ده منتهى العدل وهو ده الموضوع الاساسي
كون انهم مش مسجلين السرعة بالتحديد وبيقولو على كل المخالفين 115 .... ده هو الامر الفرعي ....
كونهم بياخدو المخالفة فوري او على الرخصة ... هو ده الامر الفرعي
...

فعلا حضرتك جبت من الاخر....صاحب الموضوع اعتبر ان عدم رؤيته للرادار او اللاسلكي يبقي معني كده انه مش موجود و علي هذا الاساس يبقي الظابط ابن ستين في سبعين و حرامي و نصاب مهما اتكلم معاه بأدب و احترام

لما يكون ده اسلوب التعامل مع الشرطة من مواطن عادي عامل مخالفة سرعة (160 كم) يبقي سواقين الميكروباص و البلطجية بيتعاملوا مع الشرطة ازاي؟؟؟؟؟؟؟؟؟
لما الظابط يلاقي المواطن العادي مش عاجبه ان يطبق عليه القانون ( اعتراض علي دفع غرامة سرعة)
يا تري الظابط هايعمل ايه مع المجرم و البلطجي و الحرامي؟؟
لما المواطن العادي يرفض يسلم رخصته للظابط رغم انه عارف انه عامل مخالفة و الظابط بيطبق القانون
يبقي طبيعي سواق النقل اللي ماشي علي المحور يدوس الظابط او فرد الأمن الي بيحاول يمنعه زي ما بنسمع كل يوم

اعتقد ان احنا البلد الوحيدة الي بيفتخر في الناس بعدم احترام القانون

البلد الوحيدة اللي فيها ناس بتسوق علي سرعة 160 و ترفض تسلم رخصتها للظابط
البلد الوحيدة اللي فيها ناس بتسوق و هي تحت السن القانونية و كمان بتقفل العداد و بتعتبر دي شطارة
فاكرين حادثة البي ام بتاعة الدائري الي ماتت فيها اسرة كاملة كانت واقفة علي جنب الطريق
مش معني ان واحد عنده 12 سنة بيعرف يسوق عربية ان القانون مالوش لازمة و ان المرور بيغلس علينا عشان مش بيطلع لنا رخصة و احنا عندنا 15 سنة مع ان اننا حريفة سواقة
القوانين موجودة في العالم كله عشان تحترم مش عشان نستهزأ بيها و نقول انها مالهاش لازمة

و الناس اللي بتقول ان الشرطة ما تغيرتش بعد الثورة...فعلا الشرطة ما تغيرتش لانها جزأ من الشعب ...و الشعب ماتغيرش بعد الثورة و نفس السلبيات لسه موجودة....اشمعني الشرطة اللي هاتتغير؟ هما من بلد تانية يعني؟..ما هم مننا برده