الف مبروووووووووووووووووووووو وك يامعلم ...... وبسم الله ماشاء الله ....... واهلا بيك في ال Fiat club :D
رقم العضوية : 30093
تاريخ التسجيل : 14Jan2009
المشاركات : 373
النوع : ذكر
الاقامة : المحله الكبرى
السيارة: Punto Evo PKG II 2011
السيارة[2]: Toyota Corolla 2007
دراجة بخارية: noooo
الحالة :
بسم الله الرحمن الرحيم
دا اول تقرير ليا عن الايفو بعد اول 1500 كم.....انا مش عارف عملتهم بسرعه كده ازاي :$
اولا مرحله البحث
انا كنت اتكلمت عليها قبل كدا فاللينك ده
http://www.nilemotors.net/Nile/207867-a.html
ثانيا الشراء
انا روحت كذا معرض عندنا فالمحله....كله كان بيقولي نجيبهالك بس كانوا بيخوفوني منها "مش عارف عشان يبيعوا العربيات اللي عندهم ولا عشان مش شغالين فيها" بس انا كنت خلاص استقريت عليها بعد ما شوفتها مع واحد صاحبي وكلمت كذا حد عليها من اللي جايبينها
برضو رحت التوكيل بتاع اوماترا في طنطا....بصراحه المعامله هناك كويسه سواء المهندس محمد او الانسه منه بس كل كلامهم العربيات كلها في الجمارك ومستنيين الافراج الجمركي,,,,فضلت انا معاهم حوالي 10 ايام يمكن يجيبوا حاجه مافيشL لحد ماربنا هداني لمعرض محترم و قالي ان العربيه موجوده و التسليم بعدها بيومين JJ
توكلت على الله و دفعت المقدم و حجزت المانيوال باكادج 2 و رحت استلمت بعدها بيومين ...انا كنت عايز الابيض او الفيراني الفاتح بس ماكنش فيه الا اللون الفضي الفاتح هو جايب على ابيض كتيير انا كنت خايف منه الاول بس لما روحت استلم العربيه..................... تحفه JJ طلع لون تحفه قولت الحمد لله
الخلاصه: 1-لازم تلف على كذا مكان و تجيب من احلى سعر و مكان مضمون انه يجيبلك العربيه مافيهاش حاجه كدا ولا كدا و بلاش تجيب من التوكيل...اغلى 2000 جنيه !!!!!!!!! ليييه
2-العربيه نازل منها الوان كتييير اوي لما روحت اوماترا عندهم بروشور فيه الوان العربيه حوالي اكتر من 20 درجه و على كلامهم كلهم موجودين
ثالثا اول سواقه للعربيه
دفعت فلوس العربيه و مضينا العقود و شيكت على كل حاجه فيها كله تمام
طبعا كان معايا سي دي قران شغلته و سميت الله و مشيت بيها...العربيه بسم الله ما شاء الله حلوه جدا خصوصا لو بالليل شكل التابلوه جاااااامد ...و من فرحتي بالعربيه نسيت اربط الحزام و طبعا انتو عارفين LLL فضلت تصفر مرة متقطعه ومره طوييييله,,,يعني من الاخر هتزهقك في حياتك لو ماربطهوش
رابعا العربيه
دخلت البيت و قفلت جراجي عليا و فحصتها بالمللي JJ
انا مش هنزل صور العربيه تاني عشان معظمها كان نزل قبل كده بس انا هنزل الحاجات اللي ماحدش من الاخوه جابها و هتكلم عنها ان شاء الله
صورةه العربيه من بره "فالصور شكلها من قدام مش اوي انما صدقوني على الطبييعه حاجهتانيه خالص"
من الجنب
من ورا
من جوه بالنهار
من جوه بالليل " شكل التابلوه بالليل جامد"
مثبت السرعه
العتب مكتوب عليه punto بصراحه شيك جداااا بس قدام معدن انما ورا مطاط البلاستك,, بس بجد حلوه جدا
الكنبه ممكن تتنى التلتين او التلت "انت بتمسكها من الحته اللي جوه الدايره"
نيجي لاهم نقطه...الموتور
امكانيت العربيه كتييير جدا و العربيه تستاهل فعلا سعرها "القديم مش الجديد" وبالرغم من كل اللي فيها ده بينشال منها كتييير مقارنه العربيه اللي بتنزل اوروبا !!
· الكاسيت امكانياته حلوه جدا و الصوت جااامد مع اني مابحبش اعلي الكاسيت و الجو ده
· الملتي فانكشن ظريف جدا بس الازرار تحس انها تقيله شويه
· لو هتشغل فلاشه "ركزوا معايا عشان ماتعملوش زيي عشان كنت هاتجنن L لازم تكون FAT32 مش NTFS والا مش هتشتغل
· العربيه من جوه واسعه جدا مش ضيقه خالص طولها الكلى يفرق عن الكورولا حوالي 40 سم و الشنطه معقوله جدا بالنسبه للهاتش باك و بتزيد كتييير لما تتني الكنبه
· العربيه بتنزل متفيمه الازاز الوراني بس....كان هيبقى اظرف لو كان اغمق من كده كمان شويه
· الازاز الوراني كله حته واحده بتتحرك ما فيهوش جزء ثابت زي العربيات الكوري او الياباني
· العدادات جميله جدا بس بتاخد وقت على ماتتعود عليها عشان التدريج فردي مش زوجي و مكان عداد السرعه و ال ار بي ام معكوسين عن العربيات الياباني
· التابوه ممكن يكون 2 لون احمر في اسمر بس انا جبت ال 1 لون
· العربيه فيها كل حاجه ومش محتاجه تظبيط خالص اللهم الزينون بس للي عايز يجيبوا....العربيه متجنطه , متفيمه والتفييم مثبت عالرخصه....انا ممكن بعد كده افيم اغمق وما حدش هييقدر يقولي حاجه هاههاهاهاها J, الساوند سيستم جميل جدا
· مثبت السرعه جميييل بس اكيد في الاوتو هيبقى اجمل واجمل...الحكايه دي خليتني اقول يا ريتني جبت الاوتو.....اكيد طبعا فاهمني
· انت بتتحكم في معظم الاوبشنز بتاع العربيه مش زي باقي العربيات الاوبشنز اللي فيها بتبقى fixed....عجبني اوي التحكم في ارتفاع النور الامامي JJJJ وكمان حكايه الday light بس انا بطلتها عشان لما كنت بامشي بيها كان الناس يشاورولي طفي النور
في كذا حاجه فالعربيه مش هقول عيوب بس كانت هتبقى احلى لو كانوا اخدوا بالهم منها ...انا هقولهم بترتيب الاهميه من الاكتر للاقل
· العربيه 2 ازاز كهربا امامي بس ورا لا ....ماشي عادي عشان السعر ما يعلاش مع اني شايف انو مش هينقصهم حاجه بس اللي مش عادي انه مافيش وحده رفع مع الريموت LLLLكذا مرة انزل منها و اضطر ركب و ادور تاني عشان اقفله L(((دي اكتر حاجه بكرهها في العربيه)))
· فرش الكراسي جميل جدا بس الارضيه مش حلوه خالص L حاجه كدا زي الشمواه بتلم التراب بسرعه جدا كنت عايز اعملهولها جلد بس خفت لما عرفت انه لازم تفك الكراسي و العتب
· الحاجه اللي فى كوووووووووووووووووووووووو وول الاوروبي و تخنق جدا......ضهر الكرسي بيرجع ببكره!!!!
· مافيش نور صالون ورا قدام بس
· الكلاكس صوته واطي
العربيه شايف انها بطيئه شويه acceleration بطئ L واحد صاحبي معاه جولف 4 بيقولى لا العربيه حلوه !! انا شايفها بطيئه "انا معايا كورولا 2007" ممكن يكون مكان و تدريج العداد السبب؟؟ مش عارف
بس العربيه من 90 ل 160 كويسه فعلا زي ما قرأت وهي فعلا اتحسنت عن الاول
بالنسبه للتكييف حلو ,,هو مش زي الياباني بس حلو اديلو7 وادي للكورولا 9 من 10
العزل جمييييييل جدا ياخد 9 من 10 و الكورولا نفس الحكايه
الشكل ياخد 10 من 10 الكورولا 7.5
الامكانيات 10 من 10 الكورولا 6
العفشه لسه ناشفه شويه بس بدأت تنظبط عشان كده مش هاحطلها سكور دلوقتي و كمان انا لسه ماحطتش نيتروجين بس بصراحه النيتروجين بيفرق جامد انا لسه حاطه فالكورولا
خامساعلى الطريق
العربيه بسم الله ما شاء الله ثابته جدا على الطريق و كمان في الملفات ....انا جبت بيها 160 كاني ماشي على 90 و حجمها الصغير كمان يساعدك على المناوره و ال....الغرز JJ
اديلها فالنقطه دي 9.5 من 10 الكورولا 7
المرايات الجانبيه تحس انا طالعه اوي بره و تسوق وانت خايف عليهم بس مع الوقت تتعود.. هما ومرايه الصالون كاشفين الطريق كويس
السواقه بالليل....كشافات العربيه جميييله جدا و كاشفه قدامك الطريق كويس مش محتاج انا اركب زينون خالص ,,على الاقل دلوقتي وفعلا بتنور اكتر شويه ناحيه الشمال
بالنسبه للسعر....انا كنت جايبها ب 99.5 وزي ماقلت هي مانيوال باكاج2 سعرها حلوجدا بالنسبه لكل الاوبشنز اللي فيها....الكلام ده عن السعر القديم
السعر الجديد بقى ربنا يكون مع اللي هيشتري ,,,,اوفررررررررررر جدا ال10 الاف الزياده دول
دي كل حاجه دلوقتي أي حد عايز أي استفسار عن العربيه انا موجود في أي وقت معلش التقرير اتاخر شويه بس عشان الدراسه و الامتحانات.....اخر سنه بقى ادعولي J
كان فيه كام سؤال انا كنت عايز اسألهم لاخوتي اللي معاهم العربيه يا ؤيت تردوا عليا فيها :
1- الكتالوج فيه ان موديل عربيتنا بيعرض درجه الحراره في شاشه التابلوه...انا ماعنديش الحاجه دي!!!!!!!!!!!!!!!
2- حد بيحط 95 للعربيه زي مامكتوب فالكتالوج؟؟ انا بحط 92؟
3- العربيه بطيئه كده برضو معاكو ولا انا اللي مش متعود عليها لسه ؟
4- انا بحس ان العربيه صوتها عالي ده عادي و لا ايه
5- اظبط النيتروجين على كام؟ كله 30 ولا ايه؟
6- هو فين اللوحه اللي بيبقي مكتوب فبها الدرجات الي ممكن تضيط عليها صغط الهوا فالعجل
و شكرا
كريم حماده
رقم العضوية : 21490
تاريخ التسجيل : 08Oct2008
المشاركات : 2,792
النوع : ذكر
الاقامة : new damietta
السيارة: chevorlet Aveo 2010
السيارة[2]: Fiat Palio 1.0 8v FIRE
دراجة بخارية: ..
الحالة :
الف مبروووووووووووووووووووووو وك يامعلم ...... وبسم الله ماشاء الله ....... واهلا بيك في ال Fiat club :D
[aldl]http://store2.up-00.com/Jan12/l6z75685.png[/aldl]
رقم العضوية : 21490
تاريخ التسجيل : 08Oct2008
المشاركات : 2,792
النوع : ذكر
الاقامة : new damietta
السيارة: chevorlet Aveo 2010
السيارة[2]: Fiat Palio 1.0 8v FIRE
دراجة بخارية: ..
الحالة :
هفيدك على قد مااقدر بالنسبة للبنزين 95 بتهيألي كل الفيات الجديد مكتوب كده في الكتالوج وعندي في الباليو مكتوب 95 بس شغال 92 عاااااادي واعتقد انها ممكن تفرق حاجة بسيطة في السحب على السرعات العالية مش اكتر ..... بالنسبة للصوت صوت الفيات بصفة عامة بيبقى اعلى حاجة بسيطة من العربيات التانية واعتقد ان لسسه شوية والصوت هيتحسن واداء العربية كماااان فمتقلقش
[aldl]http://store2.up-00.com/Jan12/l6z75685.png[/aldl]
رقم العضوية : 40985
تاريخ التسجيل : 23May2009
المشاركات : 1,317
النوع : ذكر
الاقامة : 6th October
السيارة: VW Polo 97
السيارة[2]: Fiat Punto Evo 2011
الحالة :
الف مبروك انك لحقت تجيب العربية دي بالسعر القديم
بالنسبة لضغط الكاوتش المفروض قدام 32 و الخلف 30
و عايز اقولك علي حاجة مهمة...انا ما كشفتش علي ضغط الكاوتش من ساعة ما جبتها في شهر 11 اللي فات غير من اسبوعين و كانت مفاجأة اني لقيت ضغط الكاوتش قداو و ورا 35!!!!! و خليتهم ينزلوا الضغط ل 32 و 30 و بصراحة حسيت بفرق جامد في المطابات و عيون القطط...العفشة بقت انعم و مش حاسس ان السحب اقل...روح اكشف علي ضغط الكاوتش و لو كان عالي بزيادة خليه في الحدود اللي قلتلك عليها و هاتحس بفرق
الموديل اللي بينزل مصر ما فيهوش مقياس حرارة الجو في التابلوه
أنا كنت باحط بنزين 95 قبل الثورة و بعدين رجعت احط 92 مع ازمة البنزين في اول الثورة و كملت علي 92...مش حاسس بفرق
رقم العضوية : 71279
تاريخ التسجيل : 22May2010
المشاركات : 2,905
النوع : ذكر
الاقامة : مدينة نصر
السيارة: لا يوجد
السيارة[2]: FIAT Tempra 1997
دراجة بخارية: لا يوجد
الحالة :
الف مبروووووووووووك و ربنا يبارك لك فيها
http://img542.imageshack.us/img542/2...mpraswpnel.jpg
.................. سبحان الله و بحمده ,, سبحان الله العظيم ....................
رقم العضوية : 1715
تاريخ التسجيل : 12Aug2007
المشاركات : 693
النوع : ذكر
الاقامة : cairo
السيارة: Corolla 1.6 sport 2007
السيارة[2]: Grande punto PK2 2010
دراجة بخارية: لا يوجد
الحالة :
اولا الف مبروك يا باشا و ربنا يباركلك فيها :)
1-مش موجود
2-مجربتش بس بيفرق المفروض في السحب و الاستهلاك بيقل و مش بيبقي في كركرة (تسقيف)
3-كلمة بطيئة طبعا حاجة نسبية لازم تقول بطيئة مقارنة بأية, بس عامة هي طبعا بطيئة بس انت لسة عامل 1500 متخفش هتعد تتحسن معاك و لما توصل ل 5000 هتحس بفرق (بس مش رهيب يعني :d
5-بردة صوتها عالي مقارنة بأية, بس هي عمتا فعلا اه صوتها عالي و خشن شوية (يعني عمرك ما هتتلغبط مثلا انت طافي العربية ولا مشغلها زي ما في بعض العربيات)
رقم العضوية : 34102
تاريخ التسجيل : 27Feb2009
المشاركات : 2,566
النوع : انثى
الاقامة : ام الدنيا
السيارة: ملكش دعوة
السيارة[2]: الله يرحمها
دراجة بخارية: لا يوجد
الحالة :
اولا ربنايعطيك خيرها ويكفيك شرها
ثانيا انت بتقول بتتحكم في النور الأمامي ازاي مش فهمة
رقم العضوية : 40985
تاريخ التسجيل : 23May2009
المشاركات : 1,317
النوع : ذكر
الاقامة : 6th October
السيارة: VW Polo 97
السيارة[2]: Fiat Punto Evo 2011
الحالة :
رقم العضوية : 66205
تاريخ التسجيل : 26Mar2010
المشاركات : 326
النوع : ذكر
الاقامة : Ras El Barr , Mansoura
السيارة: Hyundai new accent 2008
السيارة[2]: Fiat Punto Classic 2011
دراجة بخارية: No
الحالة :
ألف مبروك يا باشا و ربنا يباركلك فيها
آه بيتحكم في درجة ارتفاع اضاءة الفوانيس الأمامية عشان لو مثلا معاك تلاتة ورا و حمولة في الشنطة بتقل العربية فمستوي النور بيعلي عن الطبيعي فتقوم انت توطيه عشان يكون في مستوي الطريق ودي موجودة علي فكرة برضه في البونتو كلاسيك و لها 4 درجات
هو فعلا تركيب الفرش الجلد بيفكوا الكنبة اللي ورا بس دي حاجة تقلق يعني ولا ايه ؟؟؟
رقم العضوية : 40985
تاريخ التسجيل : 23May2009
المشاركات : 1,317
النوع : ذكر
الاقامة : 6th October
السيارة: VW Polo 97
السيارة[2]: Fiat Punto Evo 2011
الحالة :
المفضلات