سؤالين هامين في تشطيب الشقة بخصوص العزل الحراري والباركيه

**sara2001** · 01-05-2011 03:26 AM

المشاركة الأصلية كتبت بواسطة ashturbo

متشكر جداً يافندم على مساعدتك القيمة ونصائحك المفيدة تقبلي تحياتي .

العفو
لو في اي حاجه تانيه عايز تسأل عليها اتفضل
ومبروك مقدما وربنا ييسرلك تشطيبها

**sara2001** · 18-05-2011 03:43 PM

المشاركة الأصلية كتبت بواسطة ashturbo

شايلك للتقيلة ياباشمهندسه دلوقتي وصلنا الحمد الله لمرحلة النقاشة وأتفقت مع النقاش على 3 سكاكين معجون فهل بيبقى في سيلر قبل المعجون ولا بعد المعجون يعني بعد المعجون بيكون في أيه وكام وش فينيش قبل البطانة بتاعت الدهان وكام وش بطانة وكام وش ضهارة .... مش عارف أنا تقريباً قربت أتجنن ومخي أتلسع وحاسس بخنقة رهيبة ومش عارف أعمل أيه... المهم أنا عاوز أجيب حاجة نظيفة واللي سمعته أن أحسن نوع دهانات يوتن وفي حاجة تانية مش فاكر أسمها .

السيلر قبل المعجون
وبعدين 3 سكاكين معجون
وبعد الصنفره تاخد وش دهان بطانه ابيض
وبعدبن التشطيب وشين او ثلاثه حسب ما يحتاج
الألوان الغامقه ساعات بتحتاج 3 وشوش
ولازم تحدد التشطيب هيكون ايه قبل البطانه
احسن الأنواع يوتن
وربنا يوفقك وتخلص على خير

**akramlail** · 18-05-2011 05:33 PM

ياريت يا جماعة اللى عندو فكرة عن الباركية الالمانى وان فى منة صينى وحجات تانية اسعارة اية واماكن بيعة فين فى اسكندرية ؟

**AshTurbo** · 19-05-2011 02:31 AM

المشاركة الأصلية كتبت بواسطة sara2001

السيلر قبل المعجون
وبعدين 3 سكاكين معجون
وبعد الصنفره تاخد وش دهان بطانه ابيض
وبعدبن التشطيب وشين او ثلاثه حسب ما يحتاج
الألوان الغامقه ساعات بتحتاج 3 وشوش
ولازم تحدد التشطيب هيكون ايه قبل البطانه
احسن الأنواع يوتن
وربنا يوفقك وتخلص على خير

متشكر جداً ياباشمهندسه على ذوقك وتحملك لأسئلتي الكتيره جعله الله في ميزان حسناتك .

**sara2001** · 20-05-2011 01:14 AM

المشاركة الأصلية كتبت بواسطة akramlail

ياريت يا جماعة اللى عندو فكرة عن الباركية الالمانى وان فى منة صينى وحجات تانية اسعارة اية واماكن بيعة فين فى اسكندرية ؟

حضرتك اكيد تقصد الhdf في منه الماني وصيني وسويدي واسعاره بتبدأ من 65 الى 200 سعر المتر

المشاركة الأصلية كتبت بواسطة ashturbo

متشكر جداً ياباشمهندسه على ذوقك وتحملك لأسئلتي الكتيره جعله الله في ميزان حسناتك .

العفو على ايه
لو في اي حاجه تانيه اتفضل اسأل في اي وقت

**sara2001** · 21-05-2011 01:55 AM

المشاركة الأصلية كتبت بواسطة ashturbo

طيب بما أني مش عارف أزهقك مني خدي السؤالين دول :

1- هل لازم نعمل عزل لأرضية الحمام مع العلم أن المواسير المستخدمة هي البلاستيكية اللي لونها أخضر ( مش عارف أسمها أيه بصراحة ) على كلام السباك بيقول المواسير دي قوية جداً وبتتلحم في بعضها بتبقى حته واحدة وصعب تتكسر أو تسرب وبيختبرها قبل ما يخلص شغله .

لازم جداً جداً ولابد
عزل الأرضيه والحوائط بإرتفاع 30 او 40 سم
وخلي السباك وهو بيعمل العزل في الأرض مع الحائط يعمله واخد زاويه قائمه مش curve
علشان بتاع السيراميك وهو بيركب ممكن يبوظه وهو بيركب لو المنسوب مش مظبوط

2- أرتفاع الأرض في الشقة مفروض يبقى كام بعد تركيب السيراميك عشان النجار عندي ركب حلق البكونة على أرتفاع 15 سم من الأرض يعني جلسة البلكونة مرتفعة 15 سم عن الأرضية الخرسانية فهل دة صح ولا كتير ؟

هو كتير 15 سم للتشطيب وحمل زياده كمان على السقف
بس ممكن يكون النجار واخد المنسوب من باب الشقه