الموضوع: سؤالين هامين في تشطيب الشقة بخصوص العزل الحراري والباركيه

المشاركة الأصلية كتبت بواسطة AshTurbo

السباك حجته التانية أن الراجل اللي هيركب السيراميك هيخرم العزل ويبوظه فأرد عليه أقوله أيه أبينله أني فاهم .

معنى كلام السباك انه فاهم انه لازم يعزل جزء من الحوائط مع الأرضيه
حضرتك قول له وهو بيعزل ما يكونش العزل بارز في الزاويه بين الحائط والارضيه
وبكده بتاع السيراميك مش هيخرمه لأنه هيكون ملاصق للحائط والأرضيه مع بعض في زاوية الإلتقاء بينهم


بالنسبة للريسبشن ده شكله زي في الصورة اللي تحت معلش السكانر مش مركبها دلوقتي ولكن ده نفس الشكل والطرقة اللي قدام باب الشقة مش عارف بصراحة منسوبها قد أيه مأخدتش بالي من الحكاية دي هأشوفها بكره بأذن الله لأن فعلاً حاجة مهمه مكنتش آخد بالي منها ونبهتيني مش عارف أقولك أيه بصراحة ربنا يبارك فيكي .

Uploaded with ImageShack.us

انا كان قصدي لو في plan معماري علشان يوضح اماكن الفتحات في الريسيبشن لو حضرتك
هتضطر تعمله منسوبين اكيد في مدخل لطرقه مثلاً مؤديه للغرف
ومهم اعرف منسوب الطرقه خارج الشقه

المشاركة الأصلية كتبت بواسطة ashturbo

على فكرة كل الكعبلة اللي حاصلة دي بسبب حمام الضيوف غير كدة منسوب الشقة هيبقى عادي جداً يعني لو حضرتك شايفة أني أعمله عتبة مثلاً وأخلي الشقة مستوى واحد وأشيل الحلق وأأقل أرتفاعه عادي لو في حل تاني أشيك من غير ما أضطر أشيل الحلق بردوا عادي بس نجارة الشقة كلها ركبت خلاص وأتعملت الشقة كلها محارة ونقاشة فهل النجار أخد منسوب كدة خلاص ولا أيه لأن النجارة كلها راكبه فأعتقد عمل مستواهم كلهم واحد على نفس الأرتفاع .... أنا حاسس أني في كابوس ومش هأصحى منه .

اكيد حمام الضيوف مفيش جنبه منور وعلشان كده الصرف هيتعمل في الأرض وده سبب انه هيكون عالي عن مستوى الشقه
طيب حضرتك مش عارف إذا كان النجار عمل الحلوق كلها على نفس منسوب ارتفاع الحمام ولا لأ؟

لو الطرقه الخارجيه نفس منسوب الحمام الحل هيبقى ان المدخل والحمام وجزء من الريسيبشن عالي
وبعدين بتنزل بدرجه للنصف الآخر من الريسيبشن حتى البلكونه
ويتعمل درجه اخرى عند مدخل الطرقه المؤديه للغرف
والنجار يعدل الحلوق بعد كده

لو الطرقه الخارجيه اقل من منسوب حمام الضيوف
يبقى حمام الضيوف هيكون اعلى من منسوب الشقه كلها بدرجه ودي حاجه غريبه طبعاً
وفي الحاله دي برضه الحلوق لازم تتعدل على منسوب الشقه مش منسوب الحمام

وحمام الضيوف فيه نفس المشكله عند جار حضرتك؟
اهم حاجه ما تقلقش كل حاجه لها حل
وفي انتظار الرد بخصوص المناسيب

في منور لحمام الضيوف بس الظاهر نسوا يعملوا سقوط لحمام الضيوف حاجة في منتهى الغباء طبعاً ....

في حاجه هنا مش واضحه او مش مفهومه بالنسبه لي
المفترض كان ان الحمام هيكون عالي علشان الصرف هيتعمل في الأرض
دلوقتي حضرتك بتنفي ده وبتقول في منور وانهم نسيوا يعملوا سقوط للحمام ..... يعني ايه
يعني بلاطة السقف في الحمام أعلى من باقي الشقه !!!!!

بالنسبة للحلوق النجار عملها على منسوب الحمام بأرتفاع 12 سم مش عارف هل ده حمل زائد على السقف مع العلم أن سمك السقف 20 سم وتسليحه يستحمل على كلام صاحب البرج أفتكر قال أنه عامل تسليح سبعة على ستة ولا ستة على سبعة للفرش والغطاء فهل كدة السقف يستحمل .

معنى كده انه عامل لحضرتك حلوق الأبواب ارتفاعها 2.32
بدلاً من 2.30 مش كده؟
لأن في جزء من الحلق بيتدفن في الأرضيه بعد التشطيب
انا مش مدني ومش هأقدر افيد حضرتك في موضوع التسليح
بس اعتقد السقف يستحمل مفيش مشكله بس هو المتعارف عليه
ان التشطيب 10 سم فقط مش 15








مش عارف منسوب الطرقة كام لحد دلوقتي لسة معملوش رخام السلم لأنه برج جديد .


يعني أيه منسوب الشقة ؟ لأن أنا سألت النجار قالي أنا بآخد من فوق من السقف لأنه مستوي لكن الأرض بتختلف من مكان لمكان .


طبعاً اللي عمله النجار ده غلط
المنسوب بيتاخد من بره عند السلم الخرسانه وبيزود عليه 10 سم قيمة تشطيب الأرضيه
وبيتعمل شيرب على اساسه لباقي الشقه


على فكره على وصف حضرتك كده هو عامل كل الحلوق بنفس مستوى باب حمام الضيوف
بمعنى ان الشقه كلها مستوى واحد وفي الغالب هتبقى عاليه عن الطرقه الخارجيه بدرجه واحده
واي تعديل في الحلوق دلوقتي معناه تكسير في المحاره