الموضوع: رابطة مالكي الشارك- لانسر 2008 : 2012

المشاركة الأصلية كتبت بواسطة emam_co

انا أمامى شارك 2008 إماراتى اتوماتيك ( اول فئة ) عاملة 133000 كم فابريكة بره و جوه و تم التأكد من ذلك
صاحبها مركب ليها جنوط 16 عريض وكاسيت بشاشة دفى دى و كاميرا خلفية و جبى اس ( اصلى ) - زينون عالى و وواطى

مطلوب فيها 86 الف كده كويس ولا كتير و ممكن اجيب فئة اعلى بنفس الثمن و لا ايه

متجبش 80000 جنيه

المشاركة الأصلية كتبت بواسطة Eng_hatemfathy

133 الف كتير اوى يعنى اكيد معظم التعليق قرب يتغير من كبالن ل مساعدين ل جلب ل مساتر وطبعا مفروض جنزير الكاتينة يكون اتغير او محتاج يبتغير
دلوقتى اول فئة ب 122 الف و1600 سى سى وملتى فنكشن رأيي خليك فى الجديد او كسر الزيرو
وانا عن نفسى ميمنيش رشت برة حزام ولا لأ لانى واحد عربيتى بتتخبط وهيا واقفه او تتحك ومبحبش اركب عربية فيها خدش فبرش اى حاجه تتجرح يعنى فى سنة رشيت 3 ابواب ورفرف والعربية بفضل الله فلة وعاملة 13 الف بس لكن كل حاجة فيها الحمد لله لكن انا مفرحش بعربية مرشتش برا بس قربت تفتح بقها او فتحته بالفعل ومحتاجه مصاريف وطبعا مصاريف الشارك مش بسيطة وقطع غيارها لاسعة خاصة فى التوكيل ومعتقدش ان حد بيهتم بعربيته هيجيب قطع غيار من بره لانه هيكون مخاطرة ومغامرة كبيرة لو طلعت مضروبة -ده رايي وربنا يباركلك

أشكرك جدا على النصيحة أنا عارف انها ممكن تكون غاليه 2000 جنيه او 3000 بس العربية كانت عربية بيتى بمعنى انا تانى يد بعد الزيرو و انا قبل ما أشترى رفعتها عند مكانيكى مضمون و سمكرى مضمون ايضا و الإثنين أصحابى فده يمكن مصبرنى شوية و كمان انا دورت كتير مش لاقى عربيات نظيفة فى السوق أغلبها يبقى كاتب مواصفات غير حقيقية او كاتب مواصفات مظبوطة بس معندوش نية للبيع ( حصلت معايا شخصيا) فأخيرا عثرت على السيارة ديه بالصدفة البحتة عن طريق صديق لى و بس

المشاركة الأصلية كتبت بواسطة movies

متجبش 80000 جنيه

أشكرك على النصيحة بس انا خلصت فيها على 85 و نص بس فى نقطة إنى انا تانى يد من الزيرو

المشاركة الأصلية كتبت بواسطة emam_co

أشكرك جدا على النصيحة أنا عارف انها ممكن تكون غاليه 2000 جنيه او 3000 بس العربية كانت عربية بيتى بمعنى انا تانى يد بعد الزيرو و انا قبل ما أشترى رفعتها عند مكانيكى مضمون و سمكرى مضمون ايضا و الإثنين أصحابى فده يمكن مصبرنى شوية و كمان انا دورت كتير مش لاقى عربيات نظيفة فى السوق أغلبها يبقى كاتب مواصفات غير حقيقية او كاتب مواصفات مظبوطة بس معندوش نية للبيع ( حصلت معايا شخصيا) فأخيرا عثرت على السيارة ديه بالصدفة البحتة عن طريق صديق لى و بس
:copy of m-s5:

و على فكرة انا كان معايا لانوس 2 (دايو ) موديل 2002 قعدت معايا سنتين و نص و كانت وقت ما إشتريتها عاملة 145 ألف كم و الحاجات اللى فاتت ديه العربية ما إشتكتش منها خالص و بعتها و هى عاملة 157 الف حاليا و لسه برده ما اشتكتش منها فى حاجة سوى حاجات فى الكهربا ( تغيير موبينة - بطارية ) حاجات عادية

و عامة ربنا يستر إن شاء الله إدعى ليا تفضل ما تشكتيش من حاجة
و ياريت تدينى مجموعة نصائح للعناية بالشارك لأن أخوك جديد فى الشارك و جديد على الأتوماتيك و لو أحد الأخوة يحب ينصحنى فياريت ما يبخلش عليا فى شىء يفيدينى فى العربية ديه

المشاركة الأصلية كتبت بواسطة emam_co

و على فكرة انا كان معايا لانوس 2 (دايو ) موديل 2002 قعدت معايا سنتين و نص و كانت وقت ما إشتريتها عاملة 145 ألف كم و الحاجات اللى فاتت ديه العربية ما إشتكتش منها خالص و بعتها و هى عاملة 157 الف حاليا و لسه برده ما اشتكتش منها فى حاجة سوى حاجات فى الكهربا ( تغيير موبينة - بطارية ) حاجات عادية

و عامة ربنا يستر إن شاء الله إدعى ليا تفضل ما تشكتيش من حاجة
و ياريت تدينى مجموعة نصائح للعناية بالشارك لأن أخوك جديد فى الشارك و جديد على الأتوماتيك و لو أحد الأخوة يحب ينصحنى فياريت ما يبخلش عليا فى شىء يفيدينى فى العربية ديه

الف مبروك وان شاء الله نتبسط بيها
انت هتبقى محتاج تراجع من المالك السابق اخر معاد تغيير المستهلكات
1- زيت موتور وفلتر زيت (كل 10000)
2- فلتر هواء وفلتر تكييف (كل 40000)
3- بوجيهات (كل 80000 او 100000)
4- فلتر بنزين (كل 60000)
5- السير المجمع (كل 40000)
6- زيت الفتيس والباكم ومياه التبريد (كل 40000)

بالنسبه للاوتوماتيك مافيش اسهل منه, بس انت تاخد بالك من الاتى
1- متجبش R او D الا والعربيه واقفه تماما
2- لما تكون واقف فى اشاره ابقى هات N عشان ال D والعربيه واقفه بيحمل على التيل وال torque converter
3- لما تحب تجيب ال P هات الاول N , وارفع فرامل اليد عشان ثقل العربيه يحمل عليها وبعدين هات P

ولو ليك اى استفسار احنا تحت امرك

المشاركة الأصلية كتبت بواسطة civic_vtec

كنت عملت موضوع بخصوص تغيير زيت الشارك
محتاج اعرف الشباب بتحط تخليقى ولا معدني
وبتحط كام على كام تحديدا عشان انا بحط 50w20 وحاسس انه تقيل على طلمبة الزيت
والعربيه الصبح بيبقى صوتها عالى جدا على ما امشى شويه والزيت ينتشر فى الموتور
وهل الزيت التخليقى افضل مع انه اخف ولا لا ؟؟ وبيتغير على كام ؟؟ وياريت كلام واقعي بدون مبالغات من اللى بسمعها فى موضوع الزيت دا :)

دا انا اتنفضلى تنفيض السنين :)
ايه ياشباب مفيش رد على سؤالى ولا ايه ؟؟

محتاج رايكم بالله عليكم فى الموضوع ده
http://www.nilemotors.net/Nile/32322...post3874681275