الموضوع: رابطة مالكي الشارك- لانسر 2008 : 2012

المشاركة الأصلية كتبت بواسطة viva2010

طيب انا رايح استلم الشارك بكره المفروض بقه اعمل ايه وانا بستلمها واتأكد من ايه ؟؟؟؟؟؟

ربنا يكرمك يا رب واهم حاجه تاخد منهم:
الافراج الجمركى
الكتالوجات
فاتورة شراء اوايصال دفع+استلام
شنطة العدة
الاستبن الاصلى >نفس مقاس الجنط+كاوتش دانلوب يابانى)
الاريال السقفى
الولاعة
الطفاية
تجرب كل حاجه -مساحات-انوار-نور فرامل-كاسيت-تكييف -سخان زجاج-اشارات-سنتر-تعلية اضاءة التابلوه-زجاج كهرباء يمسن وشمال امامى وخلفيى-مرايات -تهز الطارة والعربية دايرة وتسمع ان مفيش بوش صغير او تكة لانها كانت عندى وغيرت علبة دركسيون كاملة فى الضمان
اتأكد من قراية العداد انها مش عامله كتير يعنى اخرها 100 كيلو مثلا او 150
وطبعا تتأكد ان مفيش خبطات فى العتب او تحت بنظرة بسيطه وانت موطى جنبها
اكيد مكن تلاقى بعض الخدوش البسيطه وطبعا هيقولك يعنى هيا مش هتمشى فى الارع كأنك دافع نص تمنها مثلا او لاقى فلوسك فى الشارع -بس للاسف هيا دى مصر -بره العربيه بتيجى زيرو بجد مفيش 100 متر على العداد لان نقلها كله على كساحات
وبرده اتأكد من منسوب الزيوت والمياه وان مفيش لمبه اعطال منوره
ان الاكصدامات راكبه فى مكانها مش مزحزحه
اتأكد ان الاربع فرد دانلوب يابانى جديده واتأكد من البطايرية الاصلية -ميتسوبيشى
اتاكد من وجود الكوريك

ده اللى انا فاكره وربنا يحفظك ويحميك

المشاركة الأصلية كتبت بواسطة viva2010

الحمد لله استلمت الشارك من ساعتين لونها ابيض وتقريبا بصيت علي كل حاجه وان شاء الله تكون تمام بس في حاجه شوفتها بعد ما وصلت انها ملهاش دواسات او بمعني اصح في فرش اسود كده في الارضيه هل هي فعلا بتيجي من غير دواسات ؟

الف الف مبروك -ربنا يملاها خير وبركه ويرزقك خيرها ويجنبك شرها ويحفظها
الدواسات دى هديه من بعض المعارض زى سمير ريان لكن فى معارض بخيله اوى مبتديش علبة مناديل حتى فى عربيه مدفوع فيها 120 الف بل على العكس بتلاقى 3 او 4 واقفين مستنيين الحلاوة واذا اديتهم 50 او 100 يقولك احنا بناخد 200 لزوم السايس اللى نضفها والسواق اللى جابها وكده
عامه قدامك حاجه من اتنين اما انك تنزل تشترى طقم دواسات نضيف او انك تفرش الارضيه جلد عند جينز كار تقريبا ب 300 جنيه لو هتحب شكله لان قماش الارضيه ضعيف اوى وحسساس جدا ومش بيستحمل
وخلى الاريال مفكوك علشان السرقه وعلشان الكلاب بتحب تطلع تعض فيه والراديو الاف ام شغال من غيره وايفى ركبه فى السفر او المناسبات وطبعا اول الف متحرقش عليها اخرك 4 الاف ار بى ام والافضل متزودش عن 3 الاف ودول هيوصلوك ل 100 او 110 كيلو فى الساعه
هتلاقى السحب ضعيف شويه متقلقش اول 5 الاف وبعد كده هتفتح معاك حلو
خلى بالك ان القوايك اللى قدام وخاصة اللى قدامك مش بتبين مساحه من اللى قدامك خصوصا لو هتلف صينيه شمال او يوتيرن وممكن تخليك تطلع على الرصيف او تحك فيه فلف على واسع شويه وعلى الكرسى بتاعك لاعلى مستوى لو انت مش طويل
برده خلى بالك على الاكصدام الحلفى لان العربيه عاليه وممكن اللى وراك ميتفش خاصة لو حجر مثلا او عربيه واطيه
خلى بالك من طول العربيه وانت بتختار مكان للركن لانها اطول من عربيات كتير فى نفس الفئة
وبرده خلى بالك وانت بتناور لان النقط العاميه فيها كتير والمرايات مش واسعه
واخيرا ربنا يحفظك

المشاركة الأصلية كتبت بواسطة viva2010

تسلم يابشمهندس وكده كده هجيب دواسات وبعدين ابقي شوف حوار جينز كار ده وبالنسبه بقي للابعاد لفه لفتين كده وهتظبط ان شاء الله والعربيه بالنسبالي في التليين يعتبر سحبها ممتاز تكاد تكون طياره بالنسبالي طبعا لاني كان معايا فيليشيا فمش هقوللك ايه شعوري دلوقتي انا خايف بس حد يقوللي اعملنا تقرير لاحسن احسسكو انها مرسيدس ههههههههههه

يا رب يسعدك كمان وكمان وهيا طبها بالنسبه للاسكودا جاجوار مش مرسيدس-هههههه