الموضوع: رابطة مالكي الشارك- لانسر 2008 : 2012

المشاركة الأصلية كتبت بواسطة mendy113

ياجماعه هو تغيير الكاوتش بيساعد على ثبات العربيه انا كل اسبوع تقريبا بعمل ترصيص وظبط زوايا بس عربيتى 2008 خليجى يعنى 2000 سىسى وبعد اسبوع الدركسيون برضو بيحدف وبعد الميه الدركسيون بيترج رحت لميكانيكى وطبعا الميكانيكيه فى الخليج الى انا عايش فيه كفته خالص قالى غير المقصات بس انا كوتشاتى ماتغييرتش ولا مرة من 2008 والعربيه ماشيه 88 الف

ارجو الافادة سريعا

السلام عليكم

هو الكاوتش عامل من عوامل ثبات العربية

حضرتك اللي اعرفه ان الكاوتش لو نوعه نظيف زي بريدج ستون مثلا بيبقى اخره 80 الف كيلو
حضرتك بالنسبة لرجة الدريكسيون هل و انتي ماشي ولا و انت بتهدي؟؟
عشان لو انت بتهدي يبقى في حاجة في الطنابير
حضرتك تقدر تروح التوكيل عندك هناك و اكيد هما حيقدروا يحددوا المشكلة ايه بالضبط
و ان شاء الله خير

موضوع اكثر من رائع ويستاهل التقيم
بس انا بقالي شهر بدور علىى شارك وتكون 2009 كامله وتكون خليجي عشان الصب والزينون
ارجوكم حد يساعدني والي يعرب حد بيبيع مستعمل او واحد عاوز يبيع عربيتوا يقولي
وانا متشكر جدااا

المشاركة الأصلية كتبت بواسطة basemsaeed

اهلا بيك يا استاذ خالد معانا
حضرتك فعلا كنت سألتني على الخليجي
حضرتك لقيتها جديد ولا مستعمل؟؟و ياريت تقولنا اشتريتها بكام؟؟
هي فعلا العربية ما شاء الله محترمة و مريحة,,ساعات بحس فيها بالمازدا 3 شوية
بالنسبة لانتشار العربية,,العربية فعلا موجودة و منتشرة,,حضرتك انا بشوفها كتير والله
بس المشكلة السوق كله راح للبومة,,حضرتك شوف البومة نازلة من امتى و مازالت بتنزل
و السوق ماشي حسب التجار اللي فيه,,و بعدين الشارك بش بقالها كتير زي البوما
و ان شاء الله حتنتشر اكتر و اكتر
و السبب ان قطع الغيار غالية هو ان التوكيل منزل قطع غيارها غالية,,فالتجار بيستغلوا ده و بيبيعوا غالي برده
مع ان لو واحد بس سافر الكويت ولا اي دولة خليجية,,حيجيب قطع الغيار من التوكيل هناك ارخص من هنا
و ان شاء الله التوكيل الجديد ينزل و ينزل في اسعار قطع الغيار

امين يا رب,,فعلا العين فلقت الحجر,,ربنا يحفظنا جميعا من الحسد و الحاسدين
و يباركلنا في عربيتنا و يكفينا شرها

و تقبل مروري

انا كنت بدور علي عربية زيرو بس تكون كويتي اللي فيها الصب والزينون واللون الاسود اللي انا عاوزه ملقتش خالص ومقدرتش اصبر صراحة فاشترتها مستعملة والحمد لله اشترتها بسعر كويس جدا جدا 99 الف وماشية 80 الف كيلو بس العربية زيرو والحمد لله كشفت عليها فالتوكيل واطمنت الحمد لله بس التوكيل في ناس مش فاهمة مثلا بيقولوا في حدفة شمال والعربية مافيهاش الهوا وبيقولوا الطنابير محتاجة تغيير مع ان الفرملة فلة شمعة منورة ومفيش رجة فالدركسيون حتي انا شكيت فنفسي زي ما تقول عايزين يبيعوا قطع الغيار وخلاص اي حاجة فيها لمسة يقولك محتاجة تغيير
بس بردو انا مبحبش اركب الا الزيرو وان شاء الله لو نزلت زيرو بكماليات الخليجي هشتريها يا اما حد يكون عارف معرض عنده واحدة كويتي وانا شاري
وتقبل مروري

المشاركة الأصلية كتبت بواسطة ma7oo

طبعا باسم باشا مينفعش يطلب منى حاجة ومعملهاش وانا تحت امر اى شاركاوى
بالنسبة لموضوع الزينون اللى فى الفوجات جايبه ب 300 جنيه بالتركيب وضمان سنة وده صينى وكل اللى موجود فى مصر صينى بس ده صينى نضيف يعنى انا جبته من بتاع كماليات عادى وركبته عند الكهربائى بتاعى وان شاء احاول اجبلكم صور قريب وشكراااااااااااا

ربنا يباركلك يا ماحو
متشكر جداا على ذوقك
و ربنا يديم المحبة
و متشكرين على الاضافة دي و في انتظار الصور ان شاء الله

المشاركة الأصلية كتبت بواسطة sey3a

موضوع اكثر من رائع ويستاهل التقيم
بس انا بقالي شهر بدور علىى شارك وتكون 2009 كامله وتكون خليجي عشان الصب والزينون
ارجوكم حد يساعدني والي يعرب حد بيبيع مستعمل او واحد عاوز يبيع عربيتوا يقولي
وانا متشكر جدااا

متشكر جدااا لذوقك

والله انا سألتلك قبل كده ملقتش
بس انا وصيت تاجر لو وقع في ايديه حاجة يقولي ان شاء الله

المشاركة الأصلية كتبت بواسطة khaledmekawy2008

انا كنت بدور علي عربية زيرو بس تكون كويتي اللي فيها الصب والزينون واللون الاسود اللي انا عاوزه ملقتش خالص ومقدرتش اصبر صراحة فاشترتها مستعملة والحمد لله اشترتها بسعر كويس جدا جدا 99 الف وماشية 80 الف كيلو بس العربية زيرو والحمد لله كشفت عليها فالتوكيل واطمنت الحمد لله بس التوكيل في ناس مش فاهمة مثلا بيقولوا في حدفة شمال والعربية مافيهاش الهوا وبيقولوا الطنابير محتاجة تغيير مع ان الفرملة فلة شمعة منورة ومفيش رجة فالدركسيون حتي انا شكيت فنفسي زي ما تقول عايزين يبيعوا قطع الغيار وخلاص اي حاجة فيها لمسة يقولك محتاجة تغيير
بس بردو انا مبحبش اركب الا الزيرو وان شاء الله لو نزلت زيرو بكماليات الخليجي هشتريها يا اما حد يكون عارف معرض عنده واحدة كويتي وانا شاري
وتقبل مروري

طيب الحمد لله انك لقيت واحدة كويسة,ربنا يباركلك فيها و يكفيك شرها
على فكرة كان فيه واحد هنا في المنتدى عنده شارك مانيوال عاملة 520 الف كيلو,,تخيل؟؟!!!!!!
ما شاء الله,,ربنا يباركله فيها و يكفيه شرها
بالنسبة لموضوع التوكيل,,انا بش عارف فعلا هما بيتلككوا على اي حاجة و خلاص عشان يبيعوها ولا لا
بس اهم حاجة تأكد برده من حوار الطنابير دي من عند واحد يكون كويس
و ان شاء الله يكون خير

انا زيك برده مبحبش اركب الا زيرو

السلام عليكم

فين رجالة الرابطة؟؟؟اختفوا ليه كده؟؟؟
يا جماعة محدش عمل حاجة في عربيتو خالص ولا ايه؟؟؟و لو حتى جاب شمسية :)))
ولا حد لا قدر الله قابل مشكلة او غيره و حلها ازاي؟؟؟
محدش طيب عاوز يعمل تقرير مفصل كده على العربية و يكون ماشي بيها كتير؟؟؟؟