الموضوع: رابطة مالكي الشارك- لانسر 2008 : 2012

رجالة الشارك ايه اخباركم لو سمحتو ممكن لينك احمل منه الكتالوج بتاع الشارك لان كتالوجاتى ضايعه

فى اقتراح
ممكن كل واحد يقول عيوب العربيه بالنسبه ليه انا بالنسبالى خامات الصالون تعبانه بالذات الدريكسيون الجلد بتاعه بيمسح والاجزاء الفضى اللى فى الدريكسيون بتمسح وده كله والعربيه لسه 36الف كيلو المفروض الخامات تكون احسن من كده ومش عربيتى بس انا شفت عربيه 2009 لسه ماشاء الله كسر زيرو وبرضو اجزاء الدريكسيون ماسحه
انا بالنسبالى هى دى عيوب العربيه لكن غير كده ربنا يباركلى فيها وفى عربياتنا جميعا

المشاركة الأصلية كتبت بواسطة mido353235

فى اقتراح
ممكن كل واحد يقول عيوب العربيه بالنسبه ليه انا بالنسبالى خامات الصالون تعبانه بالذات الدريكسيون الجلد بتاعه بيمسح والاجزاء الفضى اللى فى الدريكسيون بتمسح وده كله والعربيه لسه 36الف كيلو المفروض الخامات تكون احسن من كده ومش عربيتى بس انا شفت عربيه 2009 لسه ماشاء الله كسر زيرو وبرضو اجزاء الدريكسيون ماسحه
انا بالنسبالى هى دى عيوب العربيه لكن غير كده ربنا يباركلى فيها وفى عربياتنا جميعا

ازيك يا احمد؟؟؟عامل ايه؟؟؟
يا رب تكون بخير
بص يا سيدي بالنسبة للكتالوج للاسف معرفش اذا كان ليه لينك او لا
بالنسبة للعيوب,,الحمد لله لحد دلوقتي مفيش مشكلة
بالنسبة للعيب اللي عندك انت,,انا شايف ان خامات التابلوه كويسة و الدريكسيون جلد كويس و الابواب كويسة
و تقريبا الجلد بش موجود غير في الهاي لاين و الهاف سبورت على ما اتذكر
انت عندك الجلد اتمسح ازاي؟؟؟؟؟ يعني ممكن نقول الجزء الفضي ماشي
بس الصراحة بش عارف يعني ايه جلد يتمسح,ياريت بعد اذنك توضح اكتر
امين يا رب

المشاركة الأصلية كتبت بواسطة tjp

عايزين اسعار واماكن تواجد قطع الغيار هو باين احنا اتورطنا ولا ايه

السلام عليكم
حضرتك احنا اتورطنا في ايه؟؟؟
حضرتك احنا شاريين عربيات بايظة مثلا ولا ايه؟؟؟؟
بلاش نكبر حجم الحاجة اكبر من حدها
قطع الغيار موجودة في منفذ البيع اللي في الكيت كات في شارع السودان
و طبعا موجودة في التوكيل,,و التوكيل عنده نقص شوية في قطع الغيار و ان شاء الله حتتوافر قطع الغيار عنده
خلال اسبوع على حسب كلام المهندس طارق
و قطع الغيار برده موجودة في الحرفيين,ده غير كمان ان التوكيل الجديد قرب ينزل خلاص ان شاء الله و اكيد لازم يوفر قطع الغيار قبل ما ينزل العربيات نفسها
حضرتك ياريت تقولي ايه قطعة الغيار اللي حضرتك عاوزها و انا اجيبها لحضرتك
بس بلاش بعد اذنك الكلام الكبير ده اتورطنا ولا غيره

و تقبل مروري

المشاركة الأصلية كتبت بواسطة abcdefghi

ehh akbar zeat el motor ya gam3a . Castrol wala ....l ?

ما الاستاذ عمر جربه و قال عليه كويس
و قال كمان ان صوت الماتور اصبح اهدى
بس انا عن نفسي حجرب موبيل وان الاول ان شاء الله,معجبنيش ححط كاسترول

ازيك ياباسم عامل ايه يارب تكون بخير فعلا الجلد بيمسح وقابلت النهارده ابن عمى معاه اوكتافيا a5 هاى لاين وشفت الجلد عنده ماسح برده يعنى مش احنا لوحدنا الالمانى بردو كده بالنسبه بقى للحته الفضى دى مش بتتباع ولا ايه؟؟
معلش ياباسم هاتقل عليك كومبيوتر الرحلات فى جزء مش فاهمه الخاص بالصيانه بمعنى انه كاتبلى الصيانه الجايه 37 الف وتحت كاتب خمس شهور يعنى ايه العربيه كده هاتعمل المسافه دى فى خمس شهور ولا انا مش فاهم شكرا ليك جدا ياباسم على اهتمامك