شكرا ياباسم باشا على متابعتك
أنا ماغيرتش نوع الزيت لإن اللى كان فى العربية أصلا موبيل وان
أنا طبعا سألتكم كتير أحط زيت نوعه إيه وقبل ماأروح مركز الصيانة كنت على يقين تام إنى هاحط زيت كاسترول إيدج وسألت أجيبه منين علشان أروح بيه - وعرفت من أحد الأعضاء معانا إنه موجود فى محطة طاقة اللى موجودة على طريق السفر بين بورسعيد والقنطرة وقررت إنى أشتريه وأنا مسافر - وكنت سألت كمان وعرفت إن ليه موزع داخل الاسماعيلية وكلمته ولقيت عنده الزيت المطلوب وقاللى إنه بيفتح بدرى من الساعة 7 صباحا.
لكن يا أستاذ باسم...........العبد فى التفكير والرب فى التدبير.
وأنا مسافر أغفلت تماما أن أقف عند محطة طاقة عشان أشتريه. ومافتكرتش إلا بعدها بعشرات الكيلومترات ... قولت مش مهم أجيبه من الاسماعيلية... إتصلت بالموزع اللى قاللى إنه بيفتح بدرى ..رد عليا وقاللى النهارده رايح البنك وهايتأخر...
قولت مش مهم لما أوصل قرب القاهرة أكلم واحد فى الحرفيين أروح ألمع عنده العربيه وبالمرة أشترى الزيت من هناك وبعدين أبقى أرجع على مركز الصيانة فى العبور........
الكلام ده كانت الساعة بقت 9 صباحا إتصلت بالراجل بتاع الحرفيين قاللى مش قبل الساعة 11
ماكنتش لسه وصلت للعبور.
روحت داخل على مركز صيانة الرواس وهما هناك بيحطوا زيت موبيل وان
هى دى الحكاية ....
العبد فى التفكير...والرب فى التدبير
فكر وخطط زى ماأنت عايز ... لكن فى النهاية لن يحدث إلا ما قدره الله لك
والسلام عليكم ورحمة الله وبركاته
المفضلات