رابطة مالكي الشارك- لانسر 2008 : 2012

**shaker_alz** · 02-10-2014 10:15 AM

مشكورا لو تكرمتم انا كنت عاوز اجيب كاسيت الشارك الاصلى التاتش اجيبة منين وبكام ولو عاوز اجيب نوع تانى تاتش يركب ويكون مظبوط اجيب نوعة اية وبكام ومنين ؟

**wessam426** · 08-10-2014 12:30 AM

السلام عليكم
يا تري انهي فيهم احسن يا جماعة
انا بسال عشان قدامي عربية شارك 2008 مانيوال سعرها حلو و عاملة كيلوهات قليلة اوي
و متشجع اني اجيبها
بس متخوف من موضوع انها كانت اول شارك تنزل باين و دي كان فيها مشاكل يا ريت يجماعة تنصحوني ضروري اتوكل على الله و اشتريها
و لا بلاش و اشوف غيرها
و ايه اخبار قطع غيارها بردو

**bebo33** · 08-10-2014 11:55 AM

المشاركة الأصلية كتبت بواسطة bmya

يا جماعه بخلص ان شاء الله في عربيه شارك توب لاين 2008 صب وبصمه وفتحه تاني حاجه الفئه دي النفروض فيها زينون بس الفانوسين اللي فيها عاديين مش زينون هل فيها حساس إضاءه ومطر ولا لاءه ؟ وتأكد ازاي انهم شغالين والفانوسين الزينون بكام اسيتيراد
المهم العربيه فبريقه جوه وبره ماعادا اكصدامين وحته صغيره في رفرف خلفي ماشيه 83 الف طالب 98 بعد الفصال وصلت 95 اخرها السعر ده حلو ولا ايه ؟
العربيه لو اخدتها اعملها ايه يعني اغير سيور ايه وزيت ايه ؟ ابص على ايه وانا بخلص فيها ؟

صباخ الخير يا باشا
بالنسبة للزينزن فعلا العربية بتنزل بزينون بتاعها ومعنى كده يبقى العربية مغيره الفانوسين
بالنسبة لحساس المطر والاضائة
تجرب بتاع الاضائة بانك بتضلم على الحساس (موجود خلف المرايا الامامية) وبتكون جايب الاضاءة على الاتوماتيك
وبالنسبة لحساس المطر هو هو نفس المكان وممكن تجربة عن طريق رش مايه على الحساس مع وضع ذراع المساحات على الاتوماتيك

بالنسبة لاول صيانه حتعملها فى التوكيل افضل
حتغير زيوت وحتغير سير الدينامو والفلاتر
بالنسبه للبوجيهات لو الاصلية دى بتتغير كل 100 الف
وسير الكاتينا جنزير يعنى ملوش تغيير

وربنا يباركلك فيها ويديلك خيرها ويكفيك شرها

**د/محمد مكاوى** · 08-10-2014 12:32 PM

السلام عليكم
عيد سعيد
ناوي على الشارع
ياريت تقرير مفصل
عيوب مزايا
اعتماد
إعادة بيع

**Engkhourshid** · 27-10-2014 05:10 PM

أول مشاركه ليا ---- السلام عليكم
أنا معايا شارك من 2010 جايبها ستوك موديل 2008 خليجي مواصفات سعودي هاي لاين
ماشي بيها 94000 كيلو وجميله جدا جدا جدا جدا اجدا
أول عربيه ركبتها كانت كريستاله وقعدت بيها 6 سنين كانت عظيمه
جبت بعديها لانسر بومه قعدت بيها سنه واحده وبيعتها عشان زي الزفت
وحالياً أهو معايا الشارك من 2010 جميله جدا ثبات فوق الوصف زينون أصلي عظيم عربيه محترمه بمعني الكلمه بجد
حالياً بفكر أبيعها بس طبعاً بواجه معاناه كبيره جدا عشان الأوبشنز اللي عندي فتحه سقف وزينون مش عاوز أجيب حاجه أقل من كده عشان أحس اني غيرت بس للأسف المواصفات دي في العربيات الجديده متقلش عن 220 ألف جنيه :(
عاوز أعرف العربيه تجيبلي كام لو جيت أبيعها هي هاي لاين مفيهاش خدش لا بره ولا جوه صياناتها كلها في التوكيل حتي بعد الخروج من الضمان وبالفواتير مفيهاش أي مشكله وأنا من الناس المحسوكه يعني أي صوت في العربيه أو أي ملاحظه بالنسبه لي غير مقبوله ...
وآسف للإطاله وسعيد بيكو جدا جدا

**tawnasr** · 27-10-2014 09:17 PM

الأخوة الأعزاء كام سؤال أرجو الإفادة
عندي شارك 2014 الفئه الثالثة عايز
أكب فرش جلد نوعيه كويسه فين و بكام أنا من بنها أرجو الإفادة عن تجربه
الكاسيت يظهر aux ولكنه غير واصل أزاي اوصله فين وبكام ولو حبيت أغيره واجيب واحد به gps بكام وإيه أفضل نوع و منين وتنصحني اعمل كده وإلا لا
إيه أفضل كاميرا خلفيه فين وبكام
عايز احسن وسيله حمايه لمنع السرقة
لكم جزيل الشكر مقدما

**Alaa Henin** · 28-10-2014 02:54 PM

السلام عليكم

يا جماعة انا معايا شارك 2008 لسه شاريها و هى بتاكل زيت عاندى . ياعنى و انا فى وسط البلد مافيش مشكلة مافيش اكل زيت و لو سافرت 500كم سفر على سرعة 140 الى 150 مثلا الاقيها ناقصة 1/2 كيلو او اكتر شوية و لون الزيت يتحول اسود و ريحتة تكون شايطة .
على فكرة مافيش دخان ازرق من الشكمان بس لما اكبس بنزبن و انا واقف الاقى دخان اسود خفيف .

لو حد ممكن يساعدنى علشان اعرف السبب؟؟

**Alaa Henin** · 28-10-2014 02:57 PM

كان عاندى مشكلة فى تسريب ويت من اويل سيل الكرنك اللى تحت سير المجموعة و غيرته ب واحد اصلى . و منعت نزوال الزيت
ياعنى كمان مافيش تسريب خارجى
؟؟؟؟ لو حد يعرف السبب مشكورا يساعدنى ...

انتم جروب رائع فى تداول المعلومات

**ashraf bahaa** · 01-11-2014 08:47 PM

مساء الورد علي الجميع
انا معايا شارك 2008 هاي لاين ،،ركنت اشتري حاجه وجيت اقفل العربيه من البصمه مقفلتش وجربت بالريموت مقفلتش واول مره تعمل كدا،،،حاولت ادورها الكونتكت مرديش يفتح وكتبتلي key mising والريموت معايا،،،حاولت ادورها بمفتاح الطوارئ الكونتكت فتح بس مش بتدور ولا المارش بيدور ،،،كل دا فجأه واول مره ومش عارف دا عيب ايه ولا اعمل ايه ،،،
مستني نصايحكو وانا راكن العربيه فالشارع بعيد عن البيت

**ahmed_120s** · 06-11-2014 02:45 PM

يا ريت يا جماعه حد يفيدني و يسعرلي لانسر 2009 اتوماتيك هي فيها جنط و اتوماتيك برة و جوة راشة جنب شمال و عاملة 120000 كيلو فيراني رخصة سنة و هي خليجي لان فيها ابانوس علي التابلوة و كاوتش حالته كويسة

و سؤال هي الفئة دي بتنزل بزينون ولا الكاملة ؟