.................................................. .................................................. .................................................. ..........*
ألف شكر ياباسم باشا على متابعتك وأهتمامك بمشكلتى وإن شاء الله سأتصل بهم وأبلغك بالنتيجة
على فكرة فى أثناء بحثى عن حل لهذه المشكلة عرفت بعض المعلومات الجميلة - ربما كتير يعرفوها لكنها كانت جديدة بالنسبة لى - منها مثلا :
("cool air scoop") جزء بلاستيك أو فيبر بيركب على بداية الفتحة المؤدية الى فلتر الهواء عند مقدمة السيارة مباشرة أول ماتفتح غطاء الموتور وهى معمولة لتركيز دخول الهواء البارد الى فلتر الهواء ومنه للموتور وأعتقد إنها فكرة جميلة للمهتمين بأداء الموتور.
كمان لقيت مواضيع جميلة جدا عن عزل الصوت ("Car Soundproofing") - سواء لتخفيض الضوضاء وإنت قاعد فى صالون السيارة (زى العربيات الفاخرة ) أو حتى وده المهم كمان ... الشباب اللى عندهم صب وخلافة يسببون إزعاج جامد فالعازل ده بيقلل من الضوضاء والصوت العالى الصادر من أجهزتهم - كمان بيحسن لهم الصوت داخل السيارة بشكل جيد جدا.
كمان عرفت ما هو كاتم صوت الشكمان ("Muffler Silencer") وده حاجة جميلة ممكن تركب على الشكمانات التى تسبب صوت مزعج جدا - فده بيقلل من حدة الضوضاء الصادرة من الشكمان.
صدقنى أنا مش بتفزلك بالكلام الإنجليزى اللى أنا كتبته -لإنى مش من أنصار الناس اللى بتتكلم كلمة عربى وكلمة إنجليزى - بس أنا حبيت أسهل عملية البحث للى يحب يدور على المواضيع دى - فالكلمات دى هى أفضل كلمات للبحث عن هذه المواضيع .
الفرامل ممتازة وليس بها مشاكل على الإطلاق .... إنت تقصد لو ماشى بسرعة وفرملت فجأة ...برضه جامدة .... وياريت حد من حبايبنا اللى معاهم شارك يكون ليهم تعليق على إستفسار حضرتك بخصوص الفرامل ( لكن أنا قولت اللى عندى) والحمد لله.
لك خالص شكرى وتحياتى وبارك الله فيك
المفضلات