رابطة مالكي الشارك- لانسر 2008 : 2012

**IronHead** · 02-11-2011 09:31 AM

المشاركة الأصلية كتبت بواسطة mshmshsalah

السلام عليكم ياشاركاويه انتوفين معلش ممكن حد يفيدنىفى المشكله دى
انا معايا لانسر شارك 2008 اسود ممتازه بصمه جميع الكماليات ماعدا فتحة السقف
تعمل بكفائه معادا مشكله فى الاسكاترا دقدقه فى المطبات مش من المساعد
اتقالى الاسكاترا عايزه حشوه او تتغير

ممكن حد يفيدنى فى سعر الاسكاترا الكهربا فى لانسر القرش كام فى التوكيل وكام بره ولو استيراد تعمل كام

غريبة قوى ان علبة الدركسيون محتاجة تتغير والعربية موديل 2008 اللا لو عملت بيها حادثة
انا كنت سامع ان علبة ادركسيون الهيدرولك بتاعت البومة ب 3000 فى التوكيل
بس مش عارف الباور كهرباء بتاعت الشارك بكام, بس مظنش انها هتقل عن الرقم دة

بس هو طبيعى اساسا انك لو مشيت على طريق زبالة وفى نقر كتير تسمع تخبيط بسيط فى العفشة بس مش ترزيع جامد
وموضوع انك تغير الحشو ده فاكس تماما, علبة الدركسيون لو اتفكت من جوه عمرها مبترجع زى الاول وعن تجربة فى عربيتى القديمة السكودا

**mshmshsalah** · 02-11-2011 07:46 PM

المشاركة الأصلية كتبت بواسطة IronHead

غريبة قوى ان علبة الدركسيون محتاجة تتغير والعربية موديل 2008 اللا لو عملت بيها حادثة
انا كنت سامع ان علبة ادركسيون الهيدرولك بتاعت البومة ب 3000 فى التوكيل
بس مش عارف الباور كهرباء بتاعت الشارك بكام, بس مظنش انها هتقل عن الرقم دة

بس هو طبيعى اساسا انك لو مشيت على طريق زبالة وفى نقر كتير تسمع تخبيط بسيط فى العفشة بس مش ترزيع جامد
وموضوع انك تغير الحشو ده فاكس تماما, علبة الدركسيون لو اتفكت من جوه عمرها مبترجع زى الاول وعن تجربة فى عربيتى القديمة السكودا

ha;v;
شكرا لذوقك واهتمامك وان شا الله هجيبه استيراد وهعمل بنصيحتك مش هركب حشوه والكلام الفارغ

**Eng_hatemfathy** · 05-11-2011 05:29 AM

السلام عليكم كل عام انتم بخير
ارجو الافادة هل كا سيت الشارك 2009 البيزك اوتوماتيك ليس عليه علامة ميتسوبيشى ومكان الشرائط الذى تحته مجرد علبه سوداء شكلها ليس بجذاب
اتمنى الرد بسرعة ان امكن ولى سؤال اخر اين كمبيوتر الرحلات فى هذا الموديل حيث انى فتحت الكونتكت ولم ارى غير مبين المسافة فقط

**Eng_hatemfathy** · 05-11-2011 08:08 PM

المشاركة الأصلية كتبت بواسطة ironhead

اللى اعرفه عن البيزك ان الكاسيت مش مدمج فى التابلوه زى الهاف او الهاى لاين, برضو فى الهاف والهاى لاين بيبقى cd mp3 مش شرايط, وبعدين كلو مفيهوش علامة ميتسوبيشى, الكاسيت على ما اظن rockford
بخصوص كمبيوتر الرحالات فى زرار عاى شمال الدريكسيون مكتوب عليه info اضغط عليع بعد ماتدور العربية او تفتح كونتاكت والابواب كلها موجودة هيقلب الى شاشات تانيه غير بتاعة الكيلومتر

جزاك الله خيرا وكل عام انت بخير -اصل انا عاينت السيارة اللى سألتكم عليها من كام يوم ولفت نطرى الكاسيت والعلبة السوداء التى باسفله وعداد الرحلات وانها عاملة 107 كيلو بس للاسف نسيت انزل تحتها علشان اتأكد من سلامة الشاسيه وبفكر لما ربنا يكرمنى واتوفق فى بيع اللادا بفكر اروح مع اللى هينقلها من المخزن للمعرض واعدى بيها على محطة وارفعها
ربنا يسهل وشكرا على الاهتمام بس لم تجبنى بخصوص العلية اللى تحت الكاسيت هل كده طبيعة انك تحس انها كاشة شوية او مش حلوة كده فى خامتها
وتقبل تحياتى

**M_Marwan** · 13-11-2011 11:41 AM

سلام عليكم يا شاركويه

كل سنه وأنتوا طيبين معلش متأخره شويه عشان كنت فى الحج السنه ديه

الحمد لله ربنا كتبهالى والحمد لله دعييت لاخونا باسم بالرحمه والجنه من البيت الحرام وعرفات

المهم اليومين دول الزيوت الستورده كترت أوى زى كاسترول وفالفولين وأخيرا loqui

ياريت الساده مالكى الشارك يحكولنا عن تجاربهم مع أنواع الزيوت ديه

طبعا أهم حاجه صوت المحرك أنتوا عارفين أن المايفيك أصلا صوته عالى فهل الصوت قل شويه

مع الزيوت ديه ؟؟

**carboniferous** · 13-11-2011 12:10 PM

حج مبرور و ذنب مغفور بإذن الله
أنا عندي شارك 2008 خليجي عامله 137 ألف كيلو و شاريها مستعمل
بانسبة للزيوت:
انا اشتغلت بنوعين من موبيل :
الاكس اتش بي و ده بغيروه كل 5 آالاف كيلوا
و الموبيل وان العشر الاف كيلو
الموبيل ممتاز طبعا بس المشكلة عندي انه بينقص شوية و لسه مش عارف ايه السبب مع ان التوكيل قاللي ان الماتور كويس جدا قبل ما تحصل المشكلة دي و لا في دخان ابيض من الجكمان و لا في نقط زيت تحت العربية
بالنسبه لصوت الموتور ففعلا المايفك صوته عالي

**IronHead** · 13-11-2011 01:46 PM

انا قلبى بيقلى ان موضوع الزيوت ده اى كلام ودعايه على الفاضى, الزيوت التخليقية تقريبا واحده فى الاضافات اللى عليها,
الاهم من ده كله تغيير الزيت فى معاده وتركيب الفلتر الاصلى
لحد دلوقتى مشفتش اى تقرير بيثبت ان استعمال زيت معين ممكن يطول عمر الموتور بالاحصائيات

**Hkawetsh** · 23-11-2011 08:19 PM

السلام عليكم جميعا .
انا اسمى هشام و لسه شارى شارك 2011 الفئة الثانية من دياموند موتورز . جبتها من شهر واحد اول ما جتلى فرصة . انا من المتعصبين ل العربية دى من قبل ما تنزل فى السوق و الحمد لله جبتها .

هدخل فى الموضوع على طول : استفسارى هو ك الاتى : انا حاسس ان العربية من ورا طرية شوية . الله اعلم هى كده ولا لأ بس مقارنتا ب عربية اخرى , حاسس انها طرية حبيتين [ there is a simple rebound ] من ورا . انا عارف انها اريح و كل حاجة بس السؤال التانى : هل حد عنده ورا عمود ميزان [stabilizer bar ] or sway bar ] . ؟

و شكرا