الموضوع: رابطة مالكي الشارك- لانسر 2008 : 2012

رحمة الله عليه..لا اله الا الله محمد رسول الله....اللهم ارحمه واسكنه فسيح جناتك وصبر أسرته

اللهم أرحمه وأغفر له ذنوبه يا كريم

الموضوع ده فعلا ملوش اى طعم من غير باسم الله يرحمه, عايزين دايما ماننساهوش بالدعاء

حبيت انقل موضوع للافادة للمعاهم شارك, عشان انا عانيت من الموضوع دة من ساعة ماجبت العربية
الشنطة عالية بغباء وكمان عندى سبويلر فمبشوفش خالص ابعاد اى عربية ورايا الهم الا جيب, وفنفس الوقت كنت بتنك على البارنج سنسورز او الكاميرا الخلفية عشان العربية عزيزة عليا قوى ومش عايز اخرم فى الاكصدام اللى ورا. والنتيجة انى كنت بخيش كتير فى العربيات الورايا والاكصدام بقى كله خرابش
لحد مشفشت بالصدفه فى شارع دمشق واحد عنده كاميرا خلفية بتركب من غير ميتخرم فى الاكصدام. بس بتركب فى العربيات اللى تجويف النمر فى الاكصدام زى الشارك والمازدا, متنفعش تركب فى العربيات اللى مكان النمر فى الشنطة زى البومة. المهم ركبتها وركبت شاشة على التابلوه والنتيجة مذهلة. بقيت فعلان بستمتع ونا بركن s وحد ورايا.
انا هحاول اصور مكان الكاميرا والشاشة وارفعلكم الصور بكرة ان شاء الله

الله يرحمك يا باسم ويسكنك الجنة

المشاركة الأصلية كتبت بواسطة Eng_hatemfathy

السلام عليكم
عضو جديد واول مشاركة سوف تكون طلب نصيحة حيث انى مقبل باذن الله على دخول نادى لانسر بس محتار اى الابواب اسلك امن باب الشارك ام من باب البومة طبعا انا الان امام باب الشارك ومنوقع النتيجة
ولكن اسمحوا لى بدقائق من وفنكم لنكون النصيحة وافية
امامى شارك 2009 زيرو كلاسيك اوتومانيك ب 113:115 والبديل بومة 2011 هاف اسبورت (لتحتوى على وسائل امان) ب 123.5 فايهما اقدم ولماذا

اهلا وسهلا بيك يا ريس, عامتا فى فرق جيل مابين الشارك والبومة رغم ان ميتسوبيشى حدثت شوية فى البومة 2010 و2011 بس مش تعديلات جوهرية, يعنى تقريبا الفتيس بقى استبترونك مش CVT, شكل العدادات اتغير, الجنوط السبور شاكلها اتغير, الشبكة الامامية تغيير بسيط
بس رغم كل دة تفضل الشارك متطورة اكثر بكثير عن البومة للاسباب الاتية:
1- قاعدة عجلات اكبر, تعطى ثبات اعلى
2- شاسية تصميمه اكثر امانا
3- موتور 1500 MIVEC متطور بيخرج عزم وقدرة اكبر من البومة 1600 مع استهلاك بنزين اقل
4- فرق ملحوظ فى الثبات والhandling
5- باور انعم عشان كهرباء مش زيت زى البومة
6- صالون اوسع وتابلوه شاكله حديث, تابلو البومة اساسا بتاع الشكل القبليها (2000)
7- صيانات اقل (البوجيهات كل 100000 والكاتينة مبيتغيرش, مفيش زيت باور)
8- كماليات اعلى بكثير وخصوصا فى الهاى لاين
9- جنت 16 بوصة (سواء سبورت او حديد), البومة 15
10- الكمبيوتر فيها متطور ( 2 trip meters - معدل استهلاك البنزين - البنزين الى معاك يمشيك كام كم - معاد الصيانة الجايه - رسائل تحذيرية كتير لما يكون فى حاجة مش مضبوطة - Alarm )
11- الفرامل افضل عن تجربة

بس الحق يقال برضه- مميزات البومة عن الشارك
1- سعر اعادة بيع احسن
2- الفتيس استبترونك - فيه shift mode, الشارك ال1500 مافيهاش
3- الشنطة اكبر (عشان الشارك الجنت الاستبن 16 مصغرها, فى ناس بتغير جنت الشارك الاحتياطى بجنت اصغر وبيفرق كتير فى الوسع)

لو ناوى على الشارك فكر فى الفئة الثانية اوتو 2009 مواصفات الوكيل القدم (هاف سبورت), كان فى اخ عامل موضوع قريب ان فيه عربيتين عند سمير الريان, فرق السعر مابين الكلاسيك والهاف سبورت 8 الاف تقريبا بس يستاهل, بص على الموضوع القديم بتاع عرض التصفية للمصرية عشان تعرف فرق الكماليات
http://www.nilemotors.net/Nile/213198-2009.html

بس ابعد عن الفئتين دول خليجى, مبينزلش فيهم ABS & EBD
وربنا وفقك