الموضوع: رابطة مالكي وعشاق الماريا والبرافا

المشاركة الأصلية كتبت بواسطة mostafazaher

وقالي محتاجة كنترول + حساس الايديل و ده كلو هيتكلف 8000 جنيه انا مش عارف اعمل ايه ممكن حد يقولي

وجالك قلب تروح التوكيل
لو التوكيل اللي هو اوماترا يبقي انت غلطت في العنوان اكيد
توكيل البرافا والماريا والتيمبرا اسمه فاروق ودا في العزبة

المشاركة الأصلية كتبت بواسطة zago

تعمل حاجتين
1 - تنزل عزبه شلبي تجيبه
2 - تكسر ورا التوكيل قله

قله واحدة مش كفاية، مش أقل من زير و341 قله بالظبط

المشاركة الأصلية كتبت بواسطة heshamzaky

8000 جنية دول على فكرة و الله بجد مش هزار ممكن تجيب بيهم مخصوص ليك عربية برافا كاملة بس مقطوعة نصين و مش حا تاخد الصاج بتاع النص الخلفى فقط
خالد باشا نزل معانا عزبة شلبى و عرفناة على الراجل و سألة على كذا حاجة هو لما يدخل حا يقولك الاخبار أية
الموتور كلة ب 2500 جنية تقريبا

حبيبي يا أبو أدهم،

المشاركة الأصلية كتبت بواسطة mostafazaher

الاول الف مبروك علي التكريم
انا مش عارف اعمل ايه اصلا وحتي لو جبت الحاجات دي من عزبة شلبي من يكون فاهم يركبها
ممكن تقلي عي حد كويس وعلي الناس الي ممكن اجيب منها الحجات دي و يكون مضمون

انت مالك مقلق نفسك ليه الموضوع بسيط جدا والعملية مش محتاجة كنترول اصلا، انت تعمل الاتي
1- تجيب علبة منضف كرابرتير دي بـ 27 جنية النوع الاصفر الامريكي،
2- وتنزل التوفيقية تجيب منظف رشاشات علبة سوداء كده ب 10 جنية أوعي تجيب ام 30 جنية مش حلو،
3- تجيب علبة بيبسي كانز (دايت) لازم دايت.
3- تتصل بيا ونحدد معاد نتقابل فيه
5- متركزش في الترقيم دا علشان وسام
6- هنفك فلتر الهواء ونغسل البوابة بمنظف الكاربيراتير
7- ننضف فلتر الهواء
9- مقلتلك متركزش في الترقيم
11- نعمل ايدل ليرن للعربية
12 - نحط منظف الرشاشات ونطلع نحرق علي الغيارات
13- العربية بقت زي الفل
14- اشرب انا البيبسي الكانز
15 - تروح بيتكم بالسلامة وأوعي تهوب ناحية التوكيل تاني

المشاركة الأصلية كتبت بواسطة mohmdomar

اول ما الار بي ام بيعدي ال 2 بالظبط بيفصل ؟؟؟

معتقدش انه حساس الايدل نهائي لأن الايدل مسئول بس عن تنظيم عدد لفات الماتور علي السلانسيه يعني وقت ما ماتكنش دايس بنزين.. لو المشكلة في حساس حيبقي حساس ال stp لأن دا هو المسئول عن فتح بوابة الهواء لما تضغط علي البنزين

راجع الحل المفصل للمشكلة عاليه