ان شاء الله بفكر اشتري ايبيزا

**elwakeel** · 30-04-2011 06:59 PM

السلام عليكم

انا بفكر ان شاء الله اشتري ايبيزا يوزد موديل 2001 او 2002 او 2003

انا ليه شوية اسئلة اتمني تساعدوني اجاوب عليها

رينج الاسعار كام؟

اخبار قطع الغيار ايه؟ سعر و انتشار؟

في عيوب مشهورة للموديل ده اخلي بالي منها؟

اخبار استهلاك البنزين ايه؟ و ده مهم فعلا

مستني ردودكم

**windofchange** · 30-04-2011 08:53 PM

متجيب 2004 ل2008 الشكل اللي بعده اشد من 2001 واوسع علما بان 2001 لواحد سمعت والله اعلم انها اصغر من مو94 ل99 وربنا يوفقك للخير

**eng_mohammad** · 11-05-2011 02:45 PM

طيب انا عايز ابيزا 2006 والفلوس جاهزه

**SYD** · 11-05-2011 03:30 PM

المشاركة الأصلية كتبت بواسطة windsofchange

متجيب 2004 ل2008 الشكل اللي بعده اشد من 2001 واوسع علما بان 2001 لواحد سمعت والله اعلم انها اصغر من مو94 ل99 وربنا يوفقك للخير

علي فكرة ابتداء من 2000 لحد 2002 نفس بودي ال 94 لحد 99 نفس الابواب والرفارف والبودي كله مع اختلاف الفوانيس قدام وورا والاكصدامات ماعتقدش تكون اضيق

وفي فرق كبير اوي في السعر بين 2002 و 2004 وفي قطع الغيار المستوردة بتاعة الشكل الجديد قليلة قوي علي عكس حاجة ال2002 منتشرة جداً

عموما ربنا يوفقك
والله المستعان

**Quarks** · 11-05-2011 11:26 PM

العربية الابيزا والكوردوبا 2000-2002 عربية رائعه بمعنى الكلمة ثبات خارق للعاده ووزن العربية تقيل على الارض ماسكة نفسها تقفيل اسبانى مفيهوش غلطة واحده بجد تقفيل يخليك تتعقد لما تركب اى عربية تانية حتى ولو المانى
بالنسبة لقطع الغيار انا لسه عند رائ وشايف انها غالية جدا بس ده بالمقارنه بالعربيات اللانوس والفيرنا بس بالنسبة للالمانى سعرها طبيعى و بالنسبة للوفره متوفره لان فىه ابيزا 2000-2002 مغرقه السوق فقطع غيارها جديد واستعمال متوفره, بالنسبة لاستهلاك البنزين رائعه واحد اهم المميزات
بالنسبة للسعر حسب الحاله , بالنسبة للعيوب تقريبا مفييش بس اهم حاجة الاهتمام ببوابة الماتور وتنظيفها باستمرار هتلاقى العربية معاك عربية سباق وشد وتفحيد وتقطيع للصبح وابقى قابلى لوو حد عرف يجيبك وانت بتشد معاه

**Quarks** · 11-05-2011 11:30 PM

جرب كده تمسك فرده باب من العربيه ده وترفعها لفوق وانت تفهم يعنى اية عربية متينه والعزل داخل السياره تقدر تقارنه بالعربيات اللى فوق 100 الف جنية , اقفل ازازك وشغل تكيفك ومن غير حتى ما تشغل كاست وعيش فى عالم تانى , ملحوظه بسيطة لو العربية مظبوطة التكييف مش هيأثر على سحب العربية اطلاقا خصوصا لو الماتور 1400 سى سى 16 صمام اتنين كامة