خبر مقلق جدا

**amr_love523** · 01-05-2011 10:28 AM

السلام عليكم
صباح الخير علي كل الاخوة اعضاء المنتدي الجميل
كان في خبر منشور في اخبار السيارات انبارح 30/4/2011 نص الجبر بيقول
(بعد تسرب الاشعاعات النووية من محطة فوكوشيما اليابانية الحكومة تفحص جميع السيارات اليابانية الواردة لسوقنا المحلية)

انتهي الخبر
بصراحة الخبر دة قلقني جدا انتو ايه رايكو في الخبر دة وخصوصا ان انا كنت مقدم الورق في البنك علي اساس اجيب نيسان صني لكن اعتقد كدة هعيد تفكير في الموضع تاني بعد الخبر دة ولا انتوايه رايكو

**ahmed_halim197** · 01-05-2011 10:41 AM

متابع باهتمام

**mohamedbook** · 01-05-2011 10:49 AM

والله لو فيها اشعاع او شك في حاجة بلاها يباني خالص
المشكلة في قطع الغيار الي ممكن يحطوها لتكون مشعة هي كمان تبقي مصيبة سوداء خصوصا ان البلد بتعتنا في بوظان كامل جمارك استيراد تصدير فساد في فساد حتي لو طلع قرار بحظر الاستيراد اكيد هتخش بالطريقة الحلبنتيشية بتاعة زمان

**kabara** · 01-05-2011 12:38 PM

سيدي الفاضل
اليابان ليها طريقة فريدة في الإنتاج عموما
وهي إنشاء معظم المصانع خارج اليابان يعني مصانع التيوتا و النيسان و الميتسوبيشي هتلاقيها في كوريا و جنوب أفريقيا و هكذا
لحل مشكلة المكان بها لأن حضرتك عارف إن مساحة اليابان صغيرة و خاصة مع عدد السكان الكبير

**fady_anis** · 01-05-2011 01:03 PM

متابع بإهتمام

**Bishoy.Girgis** · 01-05-2011 01:14 PM

انا كمان متابع باهتمام
لكن في نقطة للي بيشتري العربية .. اعتقد لو حضرتك اشتريت دلوقتي .. مش هيكون لسة في حاجة جاءت من بره و تكون في تركيب العربية اللي حضرتك هتشتريها
يعني اعتقد ان في مخزون من قطع الغيار كتيرة في مصر
والا ايه راي الاعضاء

**amr_love523** · 01-05-2011 01:35 PM

المشاركة الأصلية كتبت بواسطة kabara

سيدي الفاضل
اليابان ليها طريقة فريدة في الإنتاج عموما
وهي إنشاء معظم المصانع خارج اليابان يعني مصانع التيوتا و النيسان و الميتسوبيشي هتلاقيها في كوريا و جنوب أفريقيا و هكذا
لحل مشكلة المكان بها لأن حضرتك عارف إن مساحة اليابان صغيرة و خاصة مع عدد السكان الكبير

كلام حضرتك صح بس المشكلة هنا العربيات اللي هتنزل مصر من المصانع اللي في اليابان ولا من المصانع اللي خارج اليابان

**م/محمد** · 01-05-2011 02:33 PM

يا جماعه بلاش القلق و الخوف من كل حاجه كده
ده احنا حتي متعودين علي الاشعاعات في الاكل خايفين منها في العربيات!!!!!!!!!!!!!!
و بعدين مين اللي قال ان المنتجات الياباني كلها بتتصنع في اليابان
هاتلي اي منتج دلوقتي مكتوب عليه صنع في اليابان
ده حتي الالات الحاسبة الكاسيو بقت كلها صيني واللي عنده واحده قديمه ياباني ماسك فيها بايده وسنانه ومش عايز يرميها ههههههههههه
التلفزيونات الباناسونيك يقولك البورده صنع اليابان !!!!!!!!! يا فرحتي
من ده كتير...........
الي صاحب الموضوع اتوكل علي الله ومفيش حاجه تقلق خالص و ابتعد عن الضجه الاعلاميه الي في صالح ناس تانية

**tarekmomo** · 01-05-2011 02:46 PM

كلااااااااااااام مظبوووط يا بيشووووى

**Ahmed.TV** · 01-05-2011 05:21 PM

احنا حنبطل قلق امتى !!!

انا عاوز اعرف , طيب احنا ممكن بالفلوس والرشاوى نعدى حاجة وندخل حاجة بلدنا , لكن فى اليابان , وهما بلد الصناعة , وعليهم رقابة عالمية , هل حيطلعوا حاجة مشعة , وحتعدى بسهولة !!

ده غير لو اثبت فعلا ان فى حاجة مشعة , مش حتقصر عليهم هناك وتضرهم !!

هل بردوا لو اثبت ان فى حاجات مشعة , الدنيا حتقف ومش حينتجوا فى مصانعهم اللى منتشرة فى كل بلاد العالم , سواء جنوب افريقيا وانجلترا والمكسيك , وغيره وغيره !!

وبعدين هى امريكا حتقف تتفرج على اليابان وتسكت, وبعدين امريكا بتاخد عربيات تويوتا ونيسان وهوندا منهم ,

فا بلاش نجرى ولا الهواجس وورا الخوف

امريكا اخدت من تويوتا صفقة عربيات مضروبة وكان فيها مشاكل , وقلبوا الدنيا عليهم . يبقا حيخدوا منهم عربيات مشعة , ويسكتوا !!!

العقل زينة فى البترينة

تحياتى

الموضوع: خبر مقلق جدا

LinkBack

أدوات الموضوع

عرض

-

-

-

-

المواضيع المتشابهه

الموضوع مقلق بجد

مقلق

عاجباني بس مقلق.........

سؤال فنى مقلق

في سخونية مقلق منها

الكلمات الدلالية لهذا الموضوع

المفضلات

المفضلات

ضوابط المشاركة