الموضوع: في سخونية مقلق منها

السلام عليكم
انا يا جماعة عندي مشكلة وياريت حد ينصحني
انا عندي العربية بحس بسخونية جامدة من عند فيشة الكونتاكت لما بحط ايدي عليها
المهم روحت لكهربائي وقاللي دي فيشة الكونتاكت وواصل بيها سلك الكهربا العمومي
و قاللي ده عادي علشان السلك ده بيسخن لما بنور النور
ففك الفيشة وقعد يلف الاسلاك كلها تاني بالشيكارتون و ركبها تاني
بس انا بردو مقلق من السخونية دي
مع العلم:ان انا مش ملاحظ اي لخبطا في كهربة العربية و ان اننا بمشي بيها كتير

شوف يا باشا سلك يسخن او فيشه تسخن معناها علي طول في حاجه خطر .
بمرور الوقت السخونيه دي هتحمص العازل وينكشف وممكن يتفرك وبذلك السلوك هتلمس بعضها ويبقي ماس خطير في هذه المنطقه وممكن تولع لا قدر الله.
السخونيه علي طول تحميل زائد ولازم الكهربائي يقيس تحميل السلوك وشوف اذا كان فيه كهربائي سابق عملك كوبري لما معرفش يوصل لعيب معين وده غلط جدا وللاسف شائع ويؤدي الي تحميل زياده علي باقي السلوك وعلي الفيوزات .او نقل حمل الولاعه علي باقي السلوك اللي بتسخن ...الخ
وممكن يكون السلوك فيها توصيلات مش مربوطه كويس ودي تؤدي الي سخونيه والنتيجه واحده
متسكتش الموضوع مش سهل ولا بسيط