بتشتم وانت سايق

**Eng_aly** · 15-05-2008 09:38 AM

انا صوت بقفل الزجاج وكدة يعنى بس بردة بشتم كتير اوى لدرجة انى مرة شتمت واحدة وقفت ادامى مش عارف لية وولدى كان معية وانا ولدى حافظ القران الكريم وخطيب فتح الزجاج وراح شاتمها واقعد يقول ناس متفهمش وكلام من دة لدرجة انى اعت اهدى فية

**nasr-eldeen** · 15-05-2008 02:12 PM

المشاركة الأصلية كتبت بواسطة Eng_aly

انا صوت بقفل الزجاج وكدة يعنى بس بردة بشتم كتير اوى لدرجة انى مرة شتمت واحدة وقفت ادامى مش عارف لية وولدى كان معية وانا ولدى حافظ القران الكريم وخطيب فتح الزجاج وراح شاتمها واقعد يقول ناس متفهمش وكلام من دة لدرجة انى اعت اهدى فية

ربنا يخليهولك ويباركلك فيه بس هو سنه كبير يعني خطيب مسجد يعني وحافظ القرآن الكريم ، طب الواجب انه يعرف هو بياذي الناس ليه ، إذا كنت معاليك بتقول انت شتمت وانت نفسك مش عارف بتشتم ليه ، أوم هو يشتم طب ليه

**el3awaam** · 15-05-2008 07:46 PM

نصر باشا الراجل بيقول ( مرة شتمت واحدة وقفت ادامى مش عارف لية ..)
مش هو شتمها مش عارف ليه ...

**nasr-eldeen** · 15-05-2008 11:40 PM

المشاركة الأصلية كتبت بواسطة el3awaam

نصر باشا الراجل بيقول ( مرة شتمت واحدة وقفت ادامى مش عارف لية ..)
مش هو شتمها مش عارف ليه ...

يعني هو شتم السيدة لانه مش عارف هي وقفت ليه
مش علشان هو مش عارف شتهما ليه
آآآآآآآآآآآآآآآآآآآآآآه
أنا أعتذر بشدة وأرجوا من سيادته تقبل إعتذاري هو وولده .
ده سوء فهم مني .
والمرة الجاية يا ريت يصبوروا شوية .
للمرة الثانية أرجو تقبل إعتذاري .

**samehafez** · 16-05-2008 04:03 AM

انا مبشتمشي بصوت عالي انا بشتم بصوت واطي يعني مجرد رد فعل علي الهبل اللي بيحصل
عادة ( i gave him the look )
عارفين انتم نظره ذات مغزي
بس امس علي اساس ان النهاردة الجمعة و احد خرجني عن شعوري و لاني متعودتش اشتم ...الكلام انحبس في زوري مدريتش بنفسي الا و انا ماسك في خناقه ...
ربنا ستر

**Eng_aly** · 16-05-2008 06:53 PM

المشاركة الأصلية كتبت بواسطة nasr-eldeen

يعني هو شتم السيدة لانه مش عارف هي وقفت ليه
مش علشان هو مش عارف شتهما ليه
آآآآآآآآآآآآآآآآآآآآآآه
أنا أعتذر بشدة وأرجوا من سيادته تقبل إعتذاري هو وولده .
ده سوء فهم مني .
والمرة الجاية يا ريت يصبوروا شوية .
للمرة الثانية أرجو تقبل إعتذاري .

مفيش داعى للاعتذار اكييد مختش بالك بس هو فعلا الست دى خلتنى هموت من الخوف وطبعا والحاج معايا علشان تصرفها الغير مبرر وبعدين يعنى مشتمناش بكلام خارج ولا حاجة لا قدر الله ...انما لما ببئى لوحدى مئلكش بقى ههههههههها

**mohamed_mohsen** · 28-05-2008 11:33 AM

بتخنق قوي من التاس اللي بتلف من غير اشارات ببقي طاير ورا واحد و فجأه الاقيه قام مهدي جامد و لافف شمال
(بتحصلي كتير قوي في شارع الهرم)
او مثلا الاقي واحد ماشي في شارع فاضي ببطء قوي و ماتبقاش عارف هو هيركن ولا هيمشي و الا هيقف و بتشل من الحكايه دي
نفسي ينسفوا الحته بتاعت الطالبيه و كايرو مول و العريش علي طول بتبقي زحمه
و اه انا بشتم لما حد يستغبي أو شاب يعمل نفسه ناصح و يحاول ياخد غرزه مني
لكن ده مايمنعش ان في ناس محترمه و لما تغلط بتعتذر و دي الواحد مابيفتحش بقه معاهم