الموضوع: استفسار لملاك الشارك

المشاركة الأصلية كتبت بواسطة bassem_sams

بالنسبه لشارك متقلقش عاليه و مش بتحك و صالونها واسع انما شنطتها ضيقه شويه 330 لتر تقريبا تقدر تقول وسط عفشه و ثبات و اداء محترمه متقلقش مواصفاتها فيها باور كهرباء و مرايات تعتيم ذاتيه و صوت كاسيت بيعلى مع سرعه سيارة و مواضفات شارك توكيل 2009 ايه
- كاملة سبورت

o فتيس أوتوماتيك
o تكييف اوتوماتيك
o باور ستيرنج
o راديو سي دي تشنجر (6 سيديهات) واريال سقف و6 سماعات
o زجاج كهرباء ومرايات كهرباء
o سنتر لوك مع ريموت كنترول
o ايموبيليزر (مانع للسرقة)
o فرامل abs و ebd
o اتنين ايرباج للسائق والراكب الأمامي
o لمبات شبورة
o غطاء محرك
o جنوط اسبور
o انذار سرقة
o نظام مانع للضوضاء
o اعتاب امامية وجانبية
o دركسيون مالتي فانكشن به مفاتيح الصوت
o دركسيون جلد
o نظام تشغيل المحرك بدون مفتاح (بصمة)
o فتحة سقف
o سبويلر خلفي
o زجاج فيميه خلفي وابواب خلفية مثبت على الرخصة
o حساس ضوء ومطر
o تبريد في صندوق القفازات
o السعر 128000 جنيه

و لو عايز عربيه منافسه

فكر فى رينو فلوينس و مازدا 3 شكل جديد و دول ممكن يبقى فئه تانيه اتوماتيك و فى نيو سيراتو كامله بس خلى جنط 16 علشان 17 ناشف و بيطلع فيه بالونه فى شوارعنا جميله
انا اخترتلك عربيات دى علشان من رأى شخصى و ذوقى انهم يتمتعوا بكماليات محترمه و اداء و ثبات و سعر معقول

و مش هتكلم على مميزات و عيوب كل عربيه لأنى رجع من شغل مرهق لكن باحتصار
لو اخذت شارك او فلوينس او مازدا او سيراتو كامله

دى عربيات محترمه و كمالياتها حلوة و اداء مرضى جدا

شارك يابانى 100% موتور 1500 اقتصادى فى بنزين و اداؤة فى باور هورس و عزم قريب من فلوينس و مازدا عيوبها قطع غيار عاليه خصوصا فى فلتر بنزين و صوت موتور رياضى عالى او مسموه و شنطه متوسطه حجم

فلوينس عربيه جميله و تصميم رائع و كامليات حلوة عيوب نتشه خفيفه فى نقل فتيس الى تانى و ليس محسوس و بردوا قطع غيار غاليه سنه و يجب عند تزود ببنزين تطفى عربيه علشان قراءة عداد متبقاش خطأ

مازدا 3 يابانى 100% و عفشه و ثبات و هاندلينج رائعه ومشكلتها فى قطع غيار و كنبه خلفيه ضيقه نسبيا و ارتفاعها بقى معقول لكنى لما اجربها و هى محمله مع مطب عالى

سيراتو كامله جميله بس بلاش جنط 17 و املى كاوتش نيتروجين علشان عفشه ناشفه و فى ناس بتقول ان موتور على سرعات عاليه بيكون كسول شويه

انا عن نفسى بحب شارك و نفسى اجبها لكن لما ربنا يسهل مش دلوقتى انا مكتفى بالبومه لحد ما اجهز شقه ههههههههههههههههههه

شوف كماليات كل سيارة وروح معرض و اقعد فى كل واحدة وصدقنى هتعرف مين اكتر واحدة تناسبك و تناسب احتياجاتك
انا عملت كده و انا بشتر لانسر بومه و كان ايامها سيراتو شكل قديم و اوبترا و نيسان صنى و بروتون جين2 و كنت محتار ما بينهم روحت معرض و قعدت فى كل عربيه لكن بصراحه ارتحت فى بومه فجبتها على طول و مش ندمان خالص الحمد لله لأنى جبتها بعد اقتناع و بحث فى عربيات اللى كانت موجوده فى سوق وقتها
اتمنى انى اكون ساعدتك و لو بقليل و لو فى استفسارات انا تحت امرك

استاذ باسم بجد رد رائع
مفيش بعد كده
زي ما الاستاذ باسم قالك,,الشارك فعلا عربية محترمة و واسعة في الصالون و عالية عن الارض
بس شنطتها صغيرة شوية و تقريبا 380 لتر
و زي ما الاستاذ باسم قال على البدائل و كلهم كويسين ما عدا(في رائي انا)السيراتو
المازدا حلوة و محترمة,,بس عيبها الصالون ضيق ورا و قطع غيارها غالية شوية
اما الفلونس فأنا معرفش فيها اوي الصراحة
بس بالنسبة لفئتها اول فئة ب120 الف ناقل مانيوال
و تاني فئة ب130 الف ناقل اتوماتيك
و تالت فئة ب 140 الف
و رابع فئة ب 150 الف و الهاي لاين ب 167 الف
و زي ما قال لحضرتك الاستاذ باسم,,حضرتك روح و شوف العربيات بنفسك و شوف حترتاح لاني واحدة فيهم
لان الراحة النفسية عامل مهم
و اخيرا صلي استخارة و اللي فيه الخير يقدمهولك ربنا ان شاء الله

المشاركة الأصلية كتبت بواسطة bassem_sams

و الله يا استاذ باسم انت انسان محترم ردك على مشاركتى و الله اسعدنى و انا بعتبر ناس فى منتدى اخواتى فبحاول اساعدهم على قد ما اقدر و يارب صاحب موضوع يعمل استخارة و يأخذ وقتوا بس مينساش يفرحنا هو جاب ايه

حضرتك اللي محترم و ذوق والله
و فعلا ردك والله رائع و مفصل و عجبني بجد
و طبعا حضرتك زي اخويا ,,بش كفاية اسمك زي اسمي
و بعتبر بقية الاعضاء اخواتي في الله
و جزاك الله خير على مساعدتك للاعضاء
و عموما العضو صاحب الموضوع لو حب انزل معاه و نبص على العربيات ,انا معنديش مانع
و انا تحت امرك يا استاذ باسم في اي وقت

و تقبل مروري

المشاركة الأصلية كتبت بواسطة hesham_one

الف شكر يا استاذ باسم علي عرضك يا ريت و الله لو حضرتك فاضي ده لو مش هاعطل حضرتك
وبجد ماشاء الله علي المنتدي كله ناس محترمة ربنا يجازيكوا عني كل خير

الشكر لله يا فندم

و انا تحت امرك في اي وقت بجد
و انا معنديش مانع خااالص انزل مع حضرتك و نشوف العربيات و نتفرج و نشوف اللي يريحك ايه
انا فاضي ,مفيش مشكلة خاالص,,شوف حضرتك عاوز تنزل امتى و انزل مع حضرتك
عموما انا بعت لحضرتك نمرتي على الخاص,حضرتك شوف الوقت اللي يريحك و انا تحت امرك