الموضوع: تفاصيل الاعداد لمقابله ميتسوبيشي الثانيه

بسم الله
اجدع ناس في احلي منتدي
mitsubishi mania
طبعا بقالنا بتاع سنه متقابلناش
وفيه ناس كتير جدا بقالي كتير شخصيا مشفتهومش
وفيه ناس كلامنا عالنت بس ولسه مقابلتهمش

بقالي اكتر من 6 شهور بحاول ارتب لمقابله بس الظروف مبتساعدش
يااما بيكون فيه مقابلات تانيه
او ظروف امتحانات او ما الي ذلك من ظروف

المهم لقيت طبعا ان اغلبنا مقدرش يروح مقابله عيد ميلاد المنتدي
للاسف
ولقيت ان انسب وقت
نعمل فيه مقابله هوا اليومين دول كده
المقابله المره دي حتكون اقوي من اللي فاتت ان شاء الله
وعشان كده الترتيب بتاعها لازم يبقي احسن

المكان المقترح مني انا شخصيا كالاتي

1- جولف السليمانيه وحجز شاليه هناك او شاليهين علي حسب عددنا ونقضي اليوم هناك ما بين نزول ميه وغدا وما الي ذلك
ودي حطلع يوم ان شاء الله استفسر عن كل حاجه هناك

2- حجز شاليه في اي نادي ظباط ودي سهله لان والدي ظابط
وبردو ننزل الميه ونقضي اليوم هناك

دي اقتراحاتي الشخصيه وطبعا المقابله حتكون يوم جمعه

مميزات المكانين وعيوبهم

1- جولف السليمانيه طبعا رائعه من حيث المكان والطبيعه والمناظر وكده بس يعيبها
أ- السعر اللي ممكن يكون غالي لبعض الناس
ب- بعد المكان شويه ولو انه مش بعيد اوي
ج- اماكن الغذاء معرفش اسعارها ايه بس سمعت انه مطعم ايطالي ولبناني وانتو فاهمين بقي احنا الكلام ده مياكلش معانا واصل :)

كل العيوب دي حتبان من الزياره اللي حعملها ان شاء الله واللي حنعرف بيها كيفيه تلافي العيوب دي

2- مميزات نوادي الظباط وعيوبها
طبعا الاسعار بتاعتهم ارخص مليون مره من جولف السليمانيه واماكن اقرب والغذاء بتاع نوادي الجيش لا يعلي عليه وحتي لو مش عاجبنا فحوالينا 100 مكان ممكن ناكل فيه وبالتالي تم حل جميع عيوب جولف السليمانيه
بس حيتوقف العيوب علي الاتي

1- لو المقابله اتعملت في الاجازه يبقي نزول البسين ممنوع تماما لاننا مش حنستمتع بالجو الهادي لانه بيكون مليان اطفال

2- المكان طبعا بالمقارنه بجولف السليمانيه يعتبر مقارنه بين وسط البلد وباريس بالظبط

عيب كبير اوي في المكانين وميزه للبعض
ان الاتنين مفيهومش شيشه هع هع هع هع
:)

طبعا باب الاقتراحات بقي مفتوح للاعضاء لتقديم اقتراحاتهم
وياريت التفاعل يبقي واضح لاننا فعلا بقالنا كتير ولا شفنا بعض ولا عملنا مقابلات

ياريت بقي المقابله دي تبقي شديده كده وتكسر الدنيا
بانتظار الاقتراحات
ملحوظه:
1- ياريت اي حد راح المكانين يقولنا انطباعه عنه ورأيه فيه
2- ياريت مواعيد امتحانات معظم الاعضاء عشان نبعد عنها عشان عاوزين كله ييجي محدش يقول عنده امتحان

الي اللقاء قريبا ان شاء الله

نصحي شويه يارجاله
نايميييييييييييييين لييييييييييييييييييييييه
منجيش نحدد المعاد وحد يقول عندي امتحانات بقي