الموضوع: بن لادن عاش بطلاً ومات شهيدا

(ولا يجرمنكم شنئان قوم على ألا تعدلوا اعدلوا هو أقرب للتقوى)

الله يرحمه بس هوا قتل وسفك دماء الالاف ودمهم فى رقبته
و قتل المدنيين فى اى مكان حرام
ده قتل من المسلمين اكتر من الامريكان واليهود
حلال ده ولا حرام

المشاركة الأصلية كتبت بواسطة ams

زى ما عبود الزمر بطل يبقى اكيد طبعا بن لادن بطل و شهيد و مناضل و مجاهد فى الحق
انا اللى وحش

+111111111111111
كلام حضرتك صح الصح
وضيف عليهم كمان بطل الامه صدام حسين

والله العظيم الواحد زهق و قرف
هو مش برضه احنا مسلمين
ومش برضه النبي بتاعنا قال لنا في حجة الوداع ان حرمة دم المسلم عند الله اعظم من حرمة الكعبه
و مش برضه ربنا في القران قال ان من قتل نفسا فكأنما قتل الناس جميعا
و مش برضه الرسول بتاعنا اللي قال ان القاتل و المقتول في النار وان المذنب لا يزال في سعة و يرجو الرحمه حتي يصيب دما

امال ايه بقي ان المجرمين يبقوا هم الشهدء دول ؟

اكيد بقي احنا كفره و دمنا زي دم الصراصير حلال
هو تفجيرات شرم الشيخ كانت جهاد
قتل الناس في معبد الدير البحري جهاد

هو تنظيم الحهاد اللي هادانا بالمجاهد البطل ايمن الظواهري الدراع اليمين بتاع البطل الشهيد الشيخ اسامه مش كان بيجاهد بضرب القطارات بتاعة الصعيد في ولاية واشنطون البلد
و لما حاولوا يغتالوا عاطف عبيد حطوا له القنبله جنب مدرسه اطفال و ماتت فيها طفله صغيره اسمها شيماء
(معلش هم بيعملوا اللي عليهم وربنا هو اللي عايز كده و البنت ماتت لأن ده اجلها و عمرها لحد كده)

الي جنة الخلد يا شهيد اسامه
مغ الشهيد مناحم بيجين و الشهيد مبارك ان شاء الله

المشاركة الأصلية كتبت بواسطة mohser

عندك حق... ده هو كان عنده اختيار يعيش ملك فى قصر لو كان عاوز ده بس هو اختار الجهاد... الله يرحمه

يعيش في قصر يعيش في غيط هو حر ...براحته لكن المهم ان يسلم الناس من لسانه و يده

مش معني انه حارب الروس او الامريكان ان دم المسلمين صار مباحا له يلغ فيه كما يشاء

هل تفجير السفارة المصريه بباكستان جهاد؟ و دم ضحاياها في رقبة مين؟

اليوم السابع | نصر فريد واصل: بن لادن شهيد لأنه قتل بأيدى الأعداء

المشاركة الأصلية كتبت بواسطة human12

بن لادن بطل؟؟

طيب الشيخ حافظ سلامه و رفاقه ناويين يمشوا على نهجه و يعيشوا ابطال و يموتوا شهداء ولا ايه ؟؟

سؤال مهم جدا ..... عايزين نعرف الشيخ حافظ و رفاقه و مؤيديه ..... حيمشوا زيه ولا ايه ؟؟؟؟

على العموم انا مستنى تعليقات ناس معينة و اتجاهات معينة على مقتل بن لادن .....

المشاركة الأصلية كتبت بواسطة عمرو عمارة

بارك الله فيك يا د.أحمد

اللهم ارحمه وتقبله عندك من الشهداء....نعم كان له أخطاء وكلنا لنا أخطاء ولكنه كان بطلاً وزعيم المجاهدين
اللهم اغفر له اللهم ارحمه وارفع درجته في عليين

الأمريكان قتلوا الملايين من الأبرياء والأطفال وشردوا ودمروا شعوب بأكملها ولكنهم أبطال في نظر الجميع

يخرج الكلب النتن ياهو ويهنىء بمقتل السفاح !!!......من هو السفاح يا حقير الذي يقتل ألاف الأطفال والأبرياء يومياً دون حتى الإستنكار من حليفها بل وتمويلها وتشجيعها على ذلك

إنا لله وإنا إليه راجعون

أدى اول التعليقات ......