الموضوع: بن لادن عاش بطلاً ومات شهيدا

المشاركة الأصلية كتبت بواسطة أبومريم

طبعا مختلفين مع بن لادن في كثير لكن أدعو ربنا يغفرله ويرحمه و يتقبله في الشهداء إن صح الخبر لأن أغلب ظني إنه مسلم إجتهد وأصاب و أخطأ و أحسبه أن همه كان رفعة هذا الدين و عزة هذه الأمة والله حسيبه و أنا مقتنع بالمقولة اللي بتقول عدو عدوي صديقي و رعب قتلة أخواتنا في العراق و أفغانستان منه كان بيبرد نار قلوبنا قليلاً من اللي بيعملوه في أخواتنا و إحنا مكبلين مش قادرين نعمل حاجة
بس في رأيي الشخصي إن بن لادن مرة بمرحلة أولى وهي الجهاد الواضح المحض ضد السوفييت في افغانستان وهو في هذه المرحلة كان الفتي الشاب الفتي صاحب الملايين الذي كان يستطيع أن يسكن أفخم القصور و عشان نتعرف على مدى غنى عائلته يكفي أن نعرف أن مؤسسة بن لادن تتقدم سنويا في المناقصة الخاصة بخدمة و صيانة الحرم بعرض قدره واحد ريال فقط و بالتالي هم يقومون بخدمة الحرم المكي من سنوات لوجه الله تعالى من أموالهم الخاصة المهم إنه كان شاب عنده كل ده و تركه لله وراح عاش في الجبال و جاهد المحتل لتكون كلمة الله هي العليا و كذلك نحسبه و الله حسيبه
أما المرحلة التالية فهي التي فيها ما الله به عليم و نترك حسابه على الله فيها

اتفق معك تماما فى ما قلته عن فتره الاحتلال السوفيتى


بس ماتزعلش منى
لما حد بيهاجم اى شيخ و بيغلط فيه لاختلاف الاراء انا بشوف حده فى الدفاع و فى النصح تكاد تصل للاشتباك دفاعا عن علماء المسلمين

كنت اود ان ارى مثل هذه الحميه دفاعا عن الاسلام ممن انتسب له و قتل بأسم الاسلام
مش تعدى بالقول - قتل -
و اعتقد كلكم عارفين يعنى ايه قتل وعقاب القاتل فى الاسلام

يا ريت نبطل نغذى عقول الناس ان قتل الابرياء جهاد و امر هين نقول عنه ربنا يحاسبه عليه و كان راجل كويس

بن لادن نختلف معه و لكن نحترمه




[youtube]http://www.youtube.com/watch?v=4PkeVOoMsdI[/youtube]

[youtube]http://www.youtube.com/watch?v=3lMNRX9ntBY[/youtube]

المشاركة الأصلية كتبت بواسطة أبومريم

ممكن تطلع من كلامي إني بقول ان قتل الابرياء جهاد أو أمر هين ؟
أنا ولا انت عندنا يا طارق باشا ما يؤكد إنه كان وراء قتل أبرياء أو إنه قتل أبرياء بنفسه وعشان كدا أنا قلت إن اللي حصل في المرحلة اللي بعد كدا الله أعلم بيه و حسابه عند ربنا بس اللي مؤكد عندي إنه جاهد و ترك عيشة الرفاهية وقت ما غيره كان بيتفرج على اللي بيحصل للمسلمين و بيمصمص شفايفه

معلش يا ابو مريم انا اللى قلته انى اللى عمله مع السوفيت ده جهاد و متفق معاك تماما
بس بعد كده حضرتك بتقول كلام ممكن نقوله على واحد سرق محفظه و ربنا يسامحه و كده
مش قاتل ارهب العالم بما فيهم المسلمين نفسهم

يا ريت تراجع تسجيلاته و اعترافه بانه اللى قام بتفجيرات سبتمبر
غير اعتراف تنظيم القاعده بعمليات عده تحت قيادته - يعنى تنظيما و تدريبا و تمويلا من الشيخ المجاهد ده

يعنى الموضوع مش محتاج تأويل او اننا نتكلم اكن الموضوع مش واضح

و كنت اتمنى ان يكون الكلام يدين ما فعل بصيغه اقوى و ليس باسلوب هين حتى يصبح الكلام فى سياق متوافق مع ما قام به من افعال

المشاركة الأصلية كتبت بواسطة د.أحمد السعيد

بن لادن نختلف معه و لكن نحترمه




[youtube]http://www.youtube.com/watch?v=4pkevoomsdi[/youtube]

يا ريت نقول الكلام ده لاب او لام فقدت اطفالها فى تفجير للشيخ المجاهد المغوار
و يا ريت قبل ما نرد نفكر لو ولادنا هما اللى قتلهم هنكتب احترمه ديه وننقل كلام ناس بتمجد فى قاتل؟