الموضوع: تقرير رحله mickey الي مدينه بورسعيد 1- 5- 2011

السلام عليكم ياايها الرجال
استكمالا لموضوع الاخ اسامه بونانزا وكان هوا عمل رحله لبورسعيد اشتري بعض قطع الغيار لسيارته
http://www.nilemotors.net/Nile/212458-a.html
جتلي سفريه لبورسعيد وطبعا استغليتها في اني ازور اشهر منطقه لقطع الغيار في مصر قبل الحرفيين كمان
واليكم تفاصيل الرحله
وصلت منطقه بنك الاسكان في الساعه العاشره صباحا

طلعت لسته الطلبات
وبدأت الف
ربنا وفقني كده لحد ما وصلت لمنطقه الياباني
اغلب الناس حاطه بضاعه وبصراحه في البيع والشراء ذوق جدا
يعني مش زي عندنا كده تلاقي واحد قاعد عالكرسي وعمال يتنطط

المهم خلاصه الجوله كانت الاتي

1- لا يوجد في بورسعيد تعديلات هائله ولكن تعديلات عاديه جنوط كبيره فاميه دهانات ولكن لا اعتقد بوجود اباطره تعديل السيارات كميكانيكا وعفشه يعني مفيش حاجه اسمها هناك ديفيل سيستيم ملقيتش كوني ملقيتش كراسي ريكارو ولا مواتير 1600 مايفيك ولا 1800 ولا كربون فايبر

2- لاحظت ان الايفو نادره الوجود حيث انها غير موجوده غير في محلين فقط وسيارات كامله مش قطع غيار

3- اعتقد ان الكريستاله او الميراج تحديدا اكتر من الناس هناك :) والهوندا سيفيك اكتر من الكريستاله

4- بسم الله ما شاء الله اكاد اكون مشفتش حد مش مركب جنوط وايه مفيش حاجه اسمها 13 و14
كله اقل حاجه 15 ان لم يكن 16 وده طبعا راجع لنضافه الطرق بالمقارنه بالقاهره وشوارعها الجميله

5- لاحظت قله عدد الجنوط الاستيراد والله اعلم هل ده تقصير مني ولا فعلا مفيش جنوط الله اعلم

6- فيه مكان اسمه هناك الحرفيين او حي مبارك (سابقا) فيه قطع غيار بس جديده مش استيراد
بس للاسف ملحقتش ازوره لان والدي كان معايا وكان عاوز يولع فيا بس ظبطته وجبتله اكصدام امامي وجوز فوانيس خلفي لعربيته مازدا فسكت :)
صحيح امي اغمن عليها اما شافتنا واحد طالع بشنطه والتاني طالع باكصدام بس عادي الحمد لله عدت
تسألوني ازاي اتحطوا في العربيه اقولكو معرفش :)
اهو روحنا وخلاص


نيجي بقي للطلبات

العضو prisoner
1- صره كامله امامي ميراج 14 بالطنابير يوجد محل واحد فقط عنده صره واحده فقط مش الجوز
السعر 250 جنيه

2- شدادات خلفيه او Strut Bar
وقاللي جاي له منها يوم السبت الجاي
اسم المحل محمد محسن عبد الحليم

3- شكمان ميراج 1800 كامل
من خلال جولتي في بورسعيد ملقيتش فيها ما يسمي بميراج 1800 اصلا
كل الموجود 1500 توين كام او 2400 بتاع الايفو

4- زراير تكيييف تاتش
شفتهم طبعا بس اللي عرفته ان الزراير التكييف لازم تتغير الضفيره كامله وراهم وحيحصل تعديل جامد اوي وبالتالي مهتميتش اوي بالسؤال عن السعر وعالعموم هما موجودين عند محل مشالي

العضو مومو
1- عداد ايفو 220 لا يوجد

العضو BLOODY_STONE
1- مرايه لانسر شارك
للاسف واحد بس اللي قاللي عاوز موديل كام وطبعا حضرتك مقولتليش عالعموم في اخر الموضوع حتلاقي اسماء التجار وارقامهم ممكن حضرتك تسأل علي اي حاجه نفسك فيها

العضو احمد سعد
1- سبويلر بيكانتو
للاسف لفيت علي بتوع الكوري كلهم
وما اكتر مواتير الدايو والهيونداي وقطع غيارهم انما كيا قليله جدا جدا هناك حتي القطع الاساسيه

العضو محمد الجرجاوي

1- قنطره كامله وقواعد موتور اماميه السعر 350 جنيه
2- قواعد موتور خلفيه السعر 120 جنيه للقاعده الواحده

دي الحاجات اللي اتطلبت مني من الاعضاء
نيجي بقي للحاجات اللي انا سألت عليها لنفسي وكمعلومات عامه

عفشه ميراج كامله بالطنابير 14 1200 كناري

عفشه ميراج كامله بالطنابير سكاكين 1500 محمد محسن

سقف ميراج بفتحه 1700 كناري

كبوت ايفو عادي مش كربون 1200 كناري

طقم مساعدين كوني اصفر + سوست 2000 محمد محسن

مرايات ضم كهرباء 3 طرف 300 محمد محسن

شنطه ميراج 350 مشالي

شنطه ميراج محلات اخري متوسط سعر 450

قربه مساحات 2 موتور 175 مشالي

قربه مساحات من عالرصيف وبالصدفه البحته 40 جنيه (وبلاش قر :))

موتور 1500 توين كام بالفتيس مانيوال 3500
موتور 1500 توين كام بالفتيس اوتوماتيك 4000

ودول مخدتش اسم المحل اصلا عشان الواد مقتنع انهم 1300 مع ان الوش سيلفر ومش شبه بتاعنا العادي اساسا

بكده اكون خلصت اللفه بتاعتي
وفاضل ارقام التليفونات وعناوينها

1- محمد ابو المعاطي قطع غيار ميتسوبيشي - هوندا - نيسان - تويوتا - مازدا
بنك الاسكان عماره 12 محل 7 . 8
ت: 0663733736
م: 0121191272

2- مشالي لقطع غيار السيارات اليابانيه
بنك الاسكان عماره 11 محل رقم 7.8

تليفون 0663724766

3- الفتح (السيد سليمان )
بنك الاسكان عماره رقم 10 محل رقم 10
ت: 0663744947
م: 0127255398

4- محمد محسن عبد الحليم لقطع غيار السيارات الياباني
بنك الاسكان عماره 21 رقم 5 بجوار الاسعاف
م: 0127186502

5- كناري لقطع غيار السيارات الياباني
احمد كنايرا 0123614914

نيجي بقي لحاجه حلوه كلنا بنحبها ومعتقدش اصلا حد فينا شافها عالطبيعه وانا شخصيا كان مصطفي معايا عالتليفون وقلتله اقفل دلوقتي يادرش قاللي ليه قلتله قدامي حته ايفو اقفل :)
صراحه الراجل قفل علي وعد مني بمكالمه احكيله اللي انا شايفه


اسيبكو تتفرجوا ومش حتكلم






















وشفت واحده بيضاء بس الشكل العادي اللي كلنا عارفينه






اللي شدني للسوده البدي كيت بتاعها اول مره اشوفه علي ايفو
عمري ما شفتها
معرفش دي ايه

اسعارهم
السوده 28 الف جنيه
البيضاء 30 الف جنيه

هل حييجي اليوم اللي اعملكو تقرير عن الايفو وسواقتها
ياااااااااااااااااااااااا ااااااااااااارب

اتمني اكون وفقت في الجوله بتاعتي والي اللقاء في تقارير اخري قادمه