الموضوع: ريم ماجد في otv زعلانين عشان هيشيلوا البوس والاحضان من الافلام ...؟؟!!!

المشاركة الأصلية كتبت بواسطة r0xer

احلى ما في المواضيع دي إنها بتثبت إنه لو تم تطبيق اي حجر على الآراء من منطلق إسلامي فهنلاقي ناس كتيرة بتجيب آيات وتفسرها على مزاجها وتمنع اي حاجة مش على مزاجها..فبصراحة انا بكون سعيد لما بشوف الأفكار دي تعلن على الملأ لان الناس بتنفر منها والحمد لله.

على كل حال، موتوا بغيظكم..مصر دولة معتدلة ومن المستحيل أن تصبغوها صبغة ثيوقراطية تحارب الفن بعدما كانت في طليعة البلاد التي تصدر الفن للعالم كله.

مات الكلام في الموضوع دا...بالنسبالي بمشاركتي اللي وضحت فيها اللي انا عايز أقوله.

فعلاً صدقت....بس للأسف أسوأ ما في المواضيع دي إنها بتكشف عن أراء أصحاب الأفكار الحرية المزعومة وسبب رفض الحكم بشرع الله والدفاع عن أرائهم الفاسدة بإستماتة وللأسف بكون حزين حين أرى أصحاب هذه الأفكار لما هم فيه من ضلال

موتوا بغيظكم ؟؟.....سبحان الله من الذي يرفض منع هذه الفواحش ؟؟....نحن ولله الحمد لا نشاهد هذه المنكرات وفي غنى عنها.....أما الذي يتضرر من منعها هو من يموت بغيظيه

مصر دولة إسلامية ولن تكون في طليعة البلاد لنشر هذا الفن المزيف القذر وستكون بإذن الله منارة نشر القيم والأخلاق الحميدة

والكلام لا يموت أبداً وإنما تموت الأرواح والأفئدة داخل أجسادنا

طب نعمل ايه بقى في مشاهد فيها ممثلات كاشفة عن أجزاء من أجسامهم زي الدراعات والأكتاف و في مسلسلات كوميدية تستهدف شريحة منها أطفال؟

أو مشاهد عند دكتور سنان و المريض خايف من خلع الضرس...فيتولد عند الطفل الخوف من قبل ما يمر بالتجربة؟!!

زي برضوا الشتائم: يا حيوان ...يا حمار..!!!

التدخين!!

أمثلة كثيرة لو أنا مش موجود مع ابني مين هايصلح الصورة ديه؟؟

ليه يبقى العبأ الأكبر على البيت أن يخلي الأب أو الأم كل خمس دقايق يفهم الطفل و يقولوا ده غلط

الطفل يقول ايه ساعتها لما أبوه و أمه يقولوا على كل حاجة في التلفزيون غلط؟!!!

الموضوع مبيتوقفش بس على أحضان و بوس..في قيم كتير غير كده يبيهدموها أو بيشوهوها أو بيخلوا الأطفال ياخدوا عنها فكرة غلط

المشاركة الأصلية كتبت بواسطة hobiko

هي دي فايدة التصنيف ....... و بعدين معظم أجهزة الرسيفر الحديثة ........ فيها خاصية فلترة البرامج و الأفلام بناءً على تصنيفهم


حضرتك تفعل الفلتر ..... و خلص محدش حيعرف يشوف أي حاجة من غير password

الفلتر هايلاحق على ايه والا ايه...طب ما ألغي التلفزيون بقه :)

وليه الحل بطريقة: ودنك منين يا جحا!!

ليح أحط الفلتر عندي...ليه ميكونش في مدينة الانتاج؟؟

لو في بيت سمعته مش كويسة في الشارع بتاعي...لما أنزل أنا و ابني نغمي عنينا؟؟

والا نشيل البيت من الأول؟؟

المشاركة الأصلية كتبت بواسطة hobiko

أنا عامل كدة عندي و بنتفرج على التلفزيون و القنوات الأجنبية كلها


و لما تعمل كدة حتكتشف إن في حاجات كتير ممكن تتشاف


و بعدين من امتى التلفزيون المصري بيجيب حاجات خارجة ؟؟؟؟


محنة طول عمرنا بنتفرج عليه ...... القناه الأولى و التانية و القناه الخامسة :))))))


و بعدين واحدة واحدة ...... لما المجتمع يتغير و يرفض الحاجات دي محدش حيعملها


و لما يبقى في بيت سمعته مش كويسة ...... حضرتك تروح تبلغ في القسم


و هو يحقق و يشوف لو بيت دعارة ..... يهاجمه و يمسك الزبالة إلي فيه


بس مش حنروح نهده بنفسنا ولا إيه ؟؟؟؟

أولا: لو أنا عملت زي ما بتقول مش هايتبقى غير التوك شو و شوية رسوم متحركة

لأن معاييري غير معاييرك...أنا مش عايز ابني يتعود يشوف فلانة في المسلسل العلاني وهيا معرية كتفها ورجولها دايما...مش عايزه يفتكرها حاجة اعتيادية

ثانيا: مين قالك أن المجتمع مش رافض الحاجات ديه؟؟

وهل السحاق مثلا في مصر مقطع بعضه عشان مخرجين يطلعوه في أفلامهم؟؟ على أساس كلامك يبقى السحاق هوا شغلنا الشاغل

ثالثا: هل أنا قلت على بيت الدعارة أنو نهدوا بنفسينا؟؟ ليه بتقولني كلام مقلتوش؟؟

أنا عايز أفترض حسن النية

لكن لو أنا مقرتش ردك ..ممكن يتعمل حوار جديد على حاجة متقالتش

المشاركة الأصلية كتبت بواسطة otefa

أسمحلي العار كل العار أن يتم أنتاج أفلام فيها خلاعة وياريت بتأثر علينا داخليا بس لا دي بتدي صورة في غاية السؤ عن الشعب المصري بالدول العربية والأسلامية شوف سمعتنا في الدول العربية بسبب الأفلام دي (كباريهات ورقص وعري وقماروووووو....) طيب وليه نشوه صورتنا بأيدينا وأيه الفايدة ألي بتعود علينا في المقابل!!!!!!!!!!!!!!!!
موضوع دولة ثيقنوقراط أسلامية فأنا شايف في خلط جامد للأوراق عايز تفهمني أن أخواننا المسيحين موافقين بالأجماع على المسخرة ألي في الأفلام؟! أشك
ولو عايز تاخد الموضوع بمبدأ الديمقراطية بسيطة أن شاء الله ننتظر لما ننتخب مجلس الشعب وهو هاينفذ رغبات الأغلبية أن شاء الله

فكرتني بموقف حصل لي من اسابيع كان لي اصدقاء من قطر وصديق من الامارات كانوا اول مرة ينزلوا مصر كنت انا بفسحهم وبخرج بيهم فواحد منهم كان هيموت ويشوف شارع الهرم زي مابيشوف في الافلام بنات ليل واقفين تحت كل عمود نور كابريهات وناس ماشية سكرانة طينة في الشارع وعربده هو كان عايز يشوف حب استطلاع مش اكتر المهم اخدتهم ودخلت شارع الهرم من اتجاه الجيزة بعد النفق كان في مسجد وناس خارجة منه بعد صلاة العشاء محلات عادية عمارات وبيوت سكنية الستات ماشية محترمة في الشارع الجو كان عادي جدا كانوا مش مصدقين ان ده شارع الهرم ركنت وخلتهم يسألوا ويتأكدوا وورتهم الكام ملهى ليلي يتعدوا على صوابع الايد الواحده ده وكان كام واحد منهم محروق ماكنوش مصدقين عارف واحد منهم قالى انتم طيب لما الوضع كده ليه بتشوه صورة بلدكم كدة ده انا شيفه شارع عادي جدا هو زحمة خالص بس مش الشكل اللى كان مرسوم في دماغي من اللى بشوفه في افلامكم .... طبعا كان دمي محروق وفهمتهم ان الاماكن دي نادر جدا لما بيخشها مصريين وغالبية الرقصات والبنات اللى في الاماكن دي من المغرب وتونس والعراق وجزء من مصر الناس اللى احنا بنسميهم غجر مالهمش نخوه ولامبادئ انما حد محترم يخش الاماكن دي استحاله

العزيزة ازميرالدا لا احد يستطيع ان ينكر حجم الانفلات الاخلاقى فى دولة تمنع الكثير مثل السعودية فكم الشذوذ هناك لا اعتقد انه تاثر بالافلام ولكنه نتيجة طبيعية لحجم القمع الذى يعانى منه المجتمع وهذا مجرد مثال
تقبلى مرورى