المشاركة الأصلية كتبت بواسطة r0xer
أولاً ليس من حق أي حد اهانة شخص اخر يختلف معه في الفكر و الإعتقاد، يعني مش من حق حد يهين ريم ولا غيرها لمجرد أنها بتدعوا لحاجة مش على هواه، وإلا بكل بساطة يعني ممكن حد يجي ويقول إن اللي يدعوا لحذف الأفلام هو شخصية مريضة تتأثر بما تراه في الأفلام ولا تعتبرها مجرد وسيلة للترفيه وتضييع الوقت.
نيجي للموضوع نفسه..
العالم كله لم يجرم الأفلام ومفيش حاجة أسمها يشيلوا مشاهد البوس و الأحضان والمعرفش ايه دا..دا كلام ممكن نقوله واحنا قاعدين عالقهوة وضاربين حجرين قص ولا زغلول، لكن في الواقع الكلام دا مينفعش تطبيقه.
خلونا نتفق على الآتي :
الفيلم دا عمل فني و كل مشهد فيه بيكون له هدف ومدلول.
الناس بتقول إن هي بتتكسف تتفرج على الفيلم مع أهلها و كدا..ودا شيء كلنا بنتعرض له و لكن المشكلة مش في الفيلم ولكن في القنوات نفسها.
ازاي؟
العالم برة دلوقتي بيتبع نظام أسمه "تصنيف الأفلام" بمعنى أن في حاجة اسمها الفيلم دا family او pg او pg 15 او +18.. ودي تصنيفات وفي غيرها تصنيفات تانية للأفلام
بحيث أن انا دلوقتي لو جبت قناة ميلودي افلام مثلا هلاقي مكتوب على الفيلم من فوق family..يبقى اذن الفيلم دا مفيهوش اي مشهد خارج او بوسة او حضن او اي مشاهد عنف او دم او اي حاجة من دي..وبالتالي أقدر أتفرج عليه.
في مثلا فيلم +18 ودا معناه انه مخصص للكبار فقط، يعني لازم اللي يتفرج عليه يكون اكبر من 18 سنة، وطبعا الفيلم هيكون فيه مشهد خارج سواء عنف او مشهد ساخن.
وبكدا نبقى حلينا المشكلة وبرضو مقربناش لتراث السينما العظيم بتاعنا.
وبرضو بكدا نبقى خلصنا الحجة بتاعت الأخوة اللي بيقولو أترضاها ومترضاهاش والكلام الشخصنة دا كله.
انما لو لمسنا الافلام، فالخطوة الجاية هتكون أسوأ و أكثر تشدداً وهلم جرا..ونلاقي ان حصل زي ما حصل في ايران...اللي قام بالثورة هما الشيوعين أصلا و هوب الإسلامويين نطوا عليهم بالبراشوت بطيارة المخابرات الفرنسية ولاقينا ايران الإسلامية التي تحكم بأمر الفقيه.
ومش بعيد نلاقي قانون يطلع ان اللي يبص لوش واحدة يتعدم ولاحاجة لحسن شاف القمر بالنهار :d
حلو الكلام ده بس اسمحلى اتناقش معاك فيه
1- مش كل العالم و لا حاجه بيتبع النظام اللى حضرتك بتتكلم فيه و لا حاجه يا ريت حضرتك تكون دقيق و تقول العالم الغربى او العالم الليبرالى او العالم اللى بيحاول يغزونا فكريا و ثقافيا بالافلام و ماكدونالدز و غيره و غيره او سميهم بالدوله يعنى بالاسم و قول امريكا و اسرائيل و انجلترا و ايطاليا و و و الى اخره
2- فيه دول تانيه ليها شخصيه و بتحترم نفسها زى ما الاخوه تفضلوا و اتكلموا عن الصين و الهند و انا ضربت مثل بإيران و اللى شهد لها العالم الغربى نفسه بفنها الرفيع و اداها اوسكار ( برغم عنصريتها و انها مسيسه اصلا) فى فيلم تحفففففه انا اتفرجت عليه اكتر من مره و افلام تانيه من وجهة نظرى تستحق برضه
3- عايزه اقول ان حتى لو زى حضرتك ما بتقول ان العالم كله بيعمل حاجه اقول لحضرتك برضه انا ليا شخصيتى برضه و ليا الحق انى اختلف و احكم بالطريقه اللى اشوفها انا مناسبه لى و العالم ما يلزمنيش بحاجه
4- قصة بقى ان كل مشهد ليه معنى و مغزى و القصص دى معلش بقى اعذرنى ايه المغزى من مشهد (ممكن الاستعاضه عنه بكل سهوله زى ما قالوا الاخوه بقهوه بتفور او غضب الطبيعه و لا اى حاجه من الكلام ده) اتكسف اتفرج عليه مع والدى او والدتى مثلا؟؟؟ حتى لو عندى 60 سنه مش 18. فين الفن فى كده؟ بس قوللى ايه فايده مشهد زى ده؟ و الله قلته احسن . اقولك انا المغزى؟ حاجتين الاولى ان اعدائنا بيصدرولنا الكلام ده لإنهم عارفين ان اخلاقنا و تديننا بيقوونا و مش حيقدروا بهزمونا الا لو احنا افكارنا كلها بقت تافهه و يصدرولنا الجنس و الموضه و الافلام الهابطه و العربيات و الفلل و الموبيلات و الافكار التعبانه و المخدرات و العنف نبقى احنا المجتمع الاستهلاكى اللى بيعتبر اكبر سوق ليهم و نتوه فى الحلقه الدونيه دى و ننسى العلم و الحضاره و الاسره و الوطن و طبعا الكلام فى كده كتير قوى قوى انما بقى ده ملخصه. و كمان اكيد شباك التذاكر مقابل افساد جيل كامل و اهلا بك فى الليبراليه.
حكاية تقسيم الاعمار دى مش نافعه لإن الفطره السليمه تخلينى طول عمرى ماتفرجش على حاجه تخدش حيائى.يعنى الانسان بعد 18 سنه مثلا لا يستثار من مشاهد زى كده؟ يعنى المفروض عايزين يقولوا اننا كنا مسئولين عنك و عن اختيارك لحد عمر 18 سنه يعنى كنا اهو بنربيك و كنا بنقمعك و بنحد من حريتك لحد ما بقى عندك 18 سنه و سؤالى مين بقى اللى اداك الحق انك تحد من حرية اى شخص حتى لو كان قاصر؟ يعنى بتربيه طول ال18 سنه على العفه و بعديها خلاص بقى نطعن العفه فى مقتل. خلاص مش محتاجينها؟ يعنى لما بربيه على الصدق 18 سنه و يجى يزور بعد كده بوديه السجن على طول انما العغه لاااااا اقولك ليه عشان اصلها تجاره و بتجيب فلوس او سمها ان شئت نخاسه.
الطريف بقى ان واحد زى عادل امام اللى بيقول مش ممكن بنت من بناتى تشتغل فى السينما و اسيبها مع ممثل يمثلوا مشهد ساخن. طبعا مش دفاع عنه لإنه مايستاهلش انما عايزه اوريك نظرته هو شخصيا (اللى بصراحه متهمنيش لإن فيه زيه كتير برضه بيفرضوا بناتهن فرض على الشاشه انما عايزه اقولك ان ساعات الفطره بتتكلم او يمكن النفاق)
اسفه للإطاله انما الافكار كترت فى دماغى و مقدرتش اوقف
المفضلات