ريم ماجد في otv زعلانين عشان هيشيلوا البوس والاحضان من الافلام ...؟؟!!!

**abogogo** · 04-05-2011 03:51 AM

العالم دي مش عارف عايزين ايه ..؟؟!! حاجة تحرق الدم

( إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ )

YouTube - ‫ط´ط§ظ‡ط¯ ط.ط³ط±ط© ط±ظٹظ… ظ…ط§ط¬ط¯ ظ…ظ† ط.ط°ظپ ط§ظ„ظ…ط´ط§ظ‡ط¯ ط§ظ„ط¬ظ†ط³ظٹظ‡ ظ…ظ† ط§ظ„ط£ظپظ„ط§ظ…‬&lrm;

**MNabeih** · 04-05-2011 04:32 AM

لما نشيل البووس من الافلام هو دة اللي هايودينا ايران و افغانستان,
الحقيني يا اما, حسبي الله و نعم الوكيل.

علي كدة بقي لو خلينا البووس و زودنا العملية شوية هانبقي زي اليابان و المانيا.
يشيلك قطر انت و القناة بتاعتك

**M7amD_7amDy** · 04-05-2011 04:37 AM

الظاهر ان الاخت ريم كانت ناوية تخش فيلم جديد و..... :d

**dramir1** · 04-05-2011 04:40 AM

ربنا يهدينا جميعا لما يحب ويرضى

**r0xer** · 04-05-2011 06:12 AM

مشفتش الفيديو..ولكن أنا ضد مسح أي حاجة من أي فيلم. واللي مش عاجباه الأفلام و شايفها قليلة الأدب ببساطة ميتفرجش عليها و يروح يتعبد أحسنله من تضييع وقته قدام التلفزيون.

ومش من حق التلفزيون المصري ولا أي حد تاني العبث أو المساس بالتراث السينمائي المصري..هو الأفلام كدا لو عاجبكم تشوفوها شوفوها، مش عاجبكم يبقى كفى الله المؤمنين شر القتال و اتفرجوا على قناة إقرأ وغيرها من القنوات الدينية التي لا تذيع أي لقطات خارجة.

دا ميمنعش إن هناك بعض الأفلام مستفزة جداً ومتتشافش، زي أفلام العسول أبو شعرتين بيض خالد يوسف اللي بيحسسني إن خلاص مصر بقت ..........ولكن مش من حق حد يحجر عليه ولا على غيره.

والحمد لله إن الخبر دا طلع فشنك...وإلا كانت هتبقى مشكلة كبيرة والحدق يفهم!

**heshamzaky** · 04-05-2011 06:22 AM

مشاركة منقولة

المشاركة الأصلية كتبت بواسطة m3_dolphen

الشريف: حذف القبلات قرار متخلف لن اتخذه .....

نفى رئيس اتحاد الإذاعة والتلفزيون المصري سامي الشريف، ما تردد على مواقع الكترونية وصحف عن اتخاذه قرارا بحذف مشاهد القبلات والأحضان من الأفلام المصرية والعالمية، التي تُعرض على قنوات التلفزيون، مشيرا إلى أنه لا يتخذ قرار متخلفا بهذا الشكل.

وعبر الشريف في تصريح لموقع "أم بي سي" عن استيائه من هذه الشائعات، موضحا أنه "لم ولن أتخذ قرارا متخلفا بهذا الشكل، الذي وإن دل على شيء فإنه يدل على حجب حرية الإبداع، وتدمير تراث السينما المصرية".

القرار الذي نفاه الشريف كان قد أثار جدلا كبيرا في الأوساط الفنية، حيث إعتبره البعض أنه قرار "قلة أدب" فيما أشار المنتج أحمد السبكي إلى أن القرار لو اتخذ فعلا فإنه يدل على انتماء الشريف لجماعة الإخوان المسلمين وسيؤدي إلى هروب جمهور التلفزيون المصري نحو القنوات الخاصة.

في المقابل، أكد الفنان عبد العزيز مخيون أن القرار صائب وجدير بالاحترام، وعلى صناع الفن جميعهم احترام عادات وتقاليد الأسرة المصرية.