الموضوع: ريم ماجد في otv زعلانين عشان هيشيلوا البوس والاحضان من الافلام ...؟؟!!!

المشاركة الأصلية كتبت بواسطة الريس

ان اوامر الله في كتبه و رسالاته على انبيائه عليهم جميعا افضل الصلاة و ازكي التسليم
تمثل النموذج المثالي لما يجب ان يكون عليه الفرد المؤمن بتعاليم دينه
و هي تمثل في مجموعها الكمال في عبادة الله تعالى
و لكن
كلنا خطائين ... و قد خلقنا الله و يعلم اننا سنخطئ .. و يحب الله ان نستغفره و نتوب اليه
فربنا كما تعلم يحب التوابين و يحب المستغفرين
و لن يخلو عبد منا من ذنب او خطيئة

هل تتذكر قول الرسول بأنه قد هم باحراق من يتخلف عن صلاة الجماعة ... لكنه لم يفعل ابدا
هو المنع بالقول .. و اظهار الجدية في بيان خطورته .. مع التركيز في الجانب الاكبر على محبة الطاعات .. لا الخوف من العقاب

هل معنى هذا ان نترك الامور على عواهنها
بالعكس
و لكن تعلمنا سيرة المصطفىصلى الله عليه و سلم كيف تربي المجتمع المسلم على التدرج في المنع
حتى ما ان وصل قدر الايمان في قلوب الكثير من صحابة الرسول صلى الي ما وصلو اليه من محبة الايمان - وجدوا يسرا واسعا في ترك المحرمات - ما ان نزل امر التحريم
و لك ان تتذكر قصة اراقة الخمور التي سالت كالانهار يوم تحريمها

تظهر هنا مشكلة
و هل نحن في صدد تدرج
الم تنزل الرسالة منذ 14 قرنا - و خلصت الليلة -
حقيقي الرسالة اكتملت بفضل الله علينا

لكن
نفكر شوية
وضعنا ايه
الشباب اللي اتخرج من جامعة و من بيت محترم بس مش لاقي شقة و عنده 35 سنة - قصته الاحضان و البوس و لا قصته نلحقه ببيت وزوجة
الاب و الام اللي نايمين مع 7 عيال في اوضة و البلاوي اللي بيشوفوهاو العيال نايمة ملزقة في بعض - مش عاوزين انقاذ
ال 3 مليون طفل شوارع اللي اصلا معندهمش اي علاقة بالمجتمع غير علاقة قطط الشارع ببيوت الناس
علاقة اللي تعرف تخطفه اخطفه - و نام تحت اي عربية - و خربش اللي يقربلك - مش اولى نلحقهم
ال 40 في ال 100 اللي ميعرفوش يقرأوا و لا يكتبوا ... و لا بصوا في كتاب الله تعالى ... و اللي بيحصل فيهم ومنهم مهازل بسبب الجهل بالدين - مش اولى بالتوعية - بدل ماهم كتلة مبهمة كده ممكن اي حد يزقها في اي اتجاه؟

و على النقيض
الناس اللي اتربت في مدارس اجنبي و خدامة فلبينية و بعدين جامعة اجنبية
الناس دي شايفاك عاوز اصلاح ولاجاهل متطرف
وده مش ذنبهم ... اتعلموا قيم غير قيمنا .. عاوزين اعادة تأهيل ... بس بالراحة
و ناس كتير غيرهم

لو فكرت شوية
هتلاقي اننا محتاجين نفكر في اولويات التوعية - وساعتها - امنع براحتك

انا فعلا مش مختلفه مع حضرتك فى اننا محتاجين باقه تحسينات فى كامله متكامله لازم تحصل عشان يبقى فى تغيير حقيقى الحياة لا يمكن تستقيم و عندنا عنوسه و عندنا بطاله و فقر و ازمة سكن و تعليم و القصص دى كلها كفيله لوحدها انها تعمل مجتمع اقل ما يقال عنه انه غير مستقر و فيه حاله من الفوضى من كل نوع. و كلمة امنع براحتك (مع التفكر فى الاولويات) دى من حضرتك تدل انك شايف انك انها حاجه مالهاش لازمه او انها فعلا غير محترمه و لا يجب اساسا وجودها. طيب حضرتك ترى ان تركها دلوقتى لحين حل المشاكل ذات الاولويه القصوى اولا على اعتبار مثلا ان اللى ما يشترى يتفرج مثلا و عشان المنع من كله كده حرام و حيوصلنا لحالة ايران و السعوديه المزريه (حسب وجهة نظرك) على اعتبار ان احنا حالتنا حلوه قوى او على الاقل احسن منهم شويه و السبب فى اننا احسن منهم ان احنا حافظنا على عدم المنع انما هما ناس منغلقه و غلطوا لما منعوا فوقعوا فى المحظور و اخلاقهم باظت....
تعرف انا دلوقتى عرفت ليه لما روسيا وقعت احنا ما استقدمناش علمائها انما استقدمنا بعض الراقصات الجميلات اكيد عشان مشكلات زى السكن و البطاله صعبه شويه و المشاكل بتزيد فحرام نرفه عن الشعب شويه . انا شايفه ان المشكلات التانيه كلها حلها لا يتعارض مع المنع برضه. بص كل مشاكل البلد دى ناتجه عن[overline] الفساد [/overline]

انا فى الحقيقه مافهمتش حضرتك فى موضوع ان الدين يمثل النموذج المثالى و ان النبى عليه الصلاة و السلام قال كلام و معملوش... هو حضرتك تقصد مثلا ان ديننا غير قابل للتطبيق حتى ان نبيه ما كانش بيعمل بيه؟؟؟ لا بجد انا عايزه افهم وجهة نظر حضرتك فى الموضوع ده؟
و بعدين حضرتك ذكرت موضوع الخمر و هو ما يناقض الفكره اللى فهمتها انا من كلامك ( اكيد انا اتلخبطت) و اكيد حضرتك متفق معايا ان اومر الله هى اللى بتصلح البلاد و عباد حتى لو مش مسلمين و مقولة الامام محمد عبده عندما رجع من باريس و قال رأيت هناك مسلمين بلا اسلام . و فعلا كلنا خطائين انما الدين نزل على خطائين برضه (دول كانوا فى جاهليه و ما ادراك ما الجاهليه كفر و فسق و خمر و دعاره و تجبر و نخاسه و الى اخر هذه السلوكيات) و طبقوه حرفيا و نفع يتطبق و بقت الدول الاسلاميه مناره للعالم اجمع فى وسط العصور المظلمه اللى العالم كله.

المشاركة الأصلية كتبت بواسطة الريس

بادئ ذي بدء احب اوضح ان انا و انت على نفس الضفة من النهر
اللي هي ضفة الرغبة في الاصلاح - و ده علشان كلامي يفهم في سياقه-

نيجي بقى للجد

اكيد اكيد طبعا التوعية ملهاش اي علاقة بالمنع

امثلة

تحت امرك


هل تعتقد بتوعية السائقين بمنعهم من القيادة
ام بالتنبيه المستمر و اظهار مخاطر الاهمال او السرعة بالوسائل المتعددة

و توعية الكسالي بمنعهم من النوم
ام باعلاء قيم العمل و تكريم المجتهد

قس على هذا

و الا لهلك من في الارض جميعا
و لما ارسل الله الرسل مبشرين و منذرين - توعية
ليدعو كل منهم الي سبيل ربنا بالحكمة و الموعظة الحسنة - توعية
و ليعرضوا عن الجاهلين و يقولو سلاما - توعية بالتنبيه على خطأ الفعل و خطر الجهل

و الا لامرنا الله تعالى ان نكره الجميع ان يؤمنوا
و الا فليقتلوا - تعالى ربنا علوا كبيرا عن هذا
افنحن نكره الناس ان يكوونوا مؤمنين - اظهار لخطر الاجبار - لأنه - لوشاء ربك لآمن من في الارض جميعا-


واجبي و واجبك هو ان نغرس قيم حب الخير و الحق
ليعي الناس انه لا هناء الا بهما و لا يبحث البعض عن فك شفرة او كسر بروكسي
ليري الجميع حلاوة الالتزام و ليس عصا رجال الهيئة - كما بالسعودية -

و الله اعلى و اعلم

بغض النظر عن الأمثلة التي لا تصح عما نتحدث فيه
لكن أنت تحيط الناس بالنار من كل جانب ثم أنت تريدهم الإبتعاد عنها
إنها الشهوات يا أخي وليس سواقة السيارات!!!!!!
وإذا كنت أنت ستكبحها وستعاني في هذا الأمرين فلنساعد من لا يستطيع الوقوف أمام النار بمنع النار من الأصل
أرجو أن تتفهم ما قصدته
والله الموفق والمستعان

المشاركة الأصلية كتبت بواسطة الريس

ماقلتش و محدش قال ملهاش لازمة

هى ايه دى؟

لكن تاني احب افكرك بهدي الرسول و سنته في رسالته للخلق

هل ايات تحريم الخمر و الميسر و الربا
بل و ايات الحجاب
نزلت في بداية الدعوة
ام نزلت ايات الهداية و التعريف بدين الله و التوعية بقيمة توحيد الله تعالى

فكري في دي شوية
اظن ده يوضح وجهة نظري في موضوع التدرج مع الفارق

فكرت.... بس انا مش شايفه اننا فى اول الدعوه و لا حاجه
كمان الرسول اللهم صلى و سلم و بارك عليه قال للشباب ما معناه يا معشر الشباب من استطاع منكم الباءه فليتزوج و من لم يستطع فاليصم فإنه له وجاء و ده كان علاج الرسول و ماقالش بقى لازم تتجوزا و لازم تتغنوا و ماقالش ممكن ماتغضوش البصر


ثانيا: انا ماقلتش ان المنع هيوصلنا لايران و لا غيرها
و لا قلت اللي ما يشتري يتفرج - و الوم عليكي في التعبير ده

ده اللى انا فهمته من كلامك لإنك استشهدت بإيران و بسلوكيات بعض بناتها المحجبات على الرغم من المنع.انا فى الاول و فى الاخر شايفه اننا مش مختلفين فى المنع حضرتك دايما تقول امنعى زى ما انتى عايزه و ده معناه انك موافق و اعتراضك الوحيد هو امتى يعنى حضرتك شايف ان لو لحقنا الشباب بالجواز و لقينالهم شقق يبقى ساعتها يبقى ساعتها نمنع؟ و انا وجهة نظرى انه لا يتعارض الاخذ بالاتنين معا فالمنع بيسهل على الشباب انها تنتج اكتر و تحفظ دينهم اكتر و يقربهم من الله اكتر و ينظف الافلام مما لحق بها و يجعل العاملين على الفن انهم يركزوا فى المضمون و يبدعوا فى الافكار الخلاقه دون الاستعانه بأى مساعدة من صديق

مقصود كلامي - مريضة عملت حادثة و بقالها تلاتين سنة بتنزف
بتنزف ماديا و اخلاقيا
اعمل فيها ايه - من وجهة نظري
اعلقلها جلوكوز الحقها بيه - بمعنى العمل على حل المشاكل المستعصية اللي قلناها في الرد السابق
و بعدين افوقها علشان تقدر تسمعني
و بعدين اعالجها

و لا افكر الاول هي لابسة ايه و بتعمل ايه

فكري في المثال ده

غير مختلفه مع حضرتك كما اسلفت الذكر انا بس اللى شايفاه ان كل الحلول تتكامل مع بعض و جايز تساعد على بعض اكتر

اما كلامي عن نموذج المسلم
مختصر الكلام للتوضيح
معنى اننا كلنا خطائين
اذن كلنا بنحاول بلوغ النموذج ده و لكن لن نكونه طول الوقت
و حدثت سرقة ايام الرسول ... وزنا .... و ارتد بعض الضعفاء عن الاسلام بعد وفاته
ليس معنى هذا ان الاسلام دين نظري- لكن الكمال في العبادة شيء خيالي
و يكون دور الحاكم او ولي الامر - هو اشاعة الوعي باهمية الطاعات و الفوائد الجمة في الالتزام بها
لكنه - ابدا - لن يستطيع منع المعاصي
و كما اعطانا الله المثل الاعلى باننا لن نستطيع ان نُسمع الصم الدعاء
فلابد ان نفتح قلوب الناس وعقولها لتسمع
و تحب الطاعة

و بعدها امنعي زي مانتي عاوزة

تقبل تحياتى

والله لو كتبت اللي في بالي وعايز اقوله بجد لييجي كريم منير بنفسه يديني على قفايا مش يوقفولي العضويه وبس

المشاركة الأصلية كتبت بواسطة dolly13

العزيزة ازميرالدا لا احد يستطيع ان ينكر حجم الانفلات الاخلاقى فى دولة تمنع الكثير مثل السعودية فكم الشذوذ هناك لا اعتقد انه تاثر بالافلام ولكنه نتيجة طبيعية لحجم القمع الذى يعانى منه المجتمع وهذا مجرد مثال
تقبلى مرورى

عزيزتى دوللى :

طب والأنفلات الأخلاقى والشذوذ فى دولة زى امريكا اخباره ايه رغم ان مفيش قمع وكله عينى عينك؟