الموضوع: استفسار بخصوص السفر الي المانيا

السلام عليكم و رحمة الله و بركاته

بالنسبة للسفر الى ألمانيا, فده طبعا حاجة جميلة جدا و ممتازة, بس محتاج تأشيرة, اذا ربنا أكرمك و أخدتها عالباسبور, يبقى -ان شاء الله- اعتبر نفسك سافرت, لأن هى العقبة الوحيدة فى كوووووووووووووووول الموضوع.

اللى أنا أتذكره لما كنت سافرت سويسرا مرتين و أنا طبيب امتياز, كانت الأولى فى 4-2001 و ساعتها كنت و أنا رايح مجهز معايا الباسبور و الصور و خطاب من العمل بيقول أنى طبيب امتياز و خطاب من البنك, كان بحوالى 60000 جنيه و المرة التانية كانت فى 1-2002, و ساعتها أخدت نفس الورق كوووووووووووووله, بس خطاب البنك كان أحدث و كان بحوالى 110000جنيه, و الحمد لله, أخدت الـتأشيرة من أول مرة.

طبعا بالنسبة للسفر فى الصيف بيبقى أغلى فى سعر التذكرة و أسعار الفنادق فى أوروبا عموما بنسبة 30% تقريبا عن السفر فى الشتا, يعنى السفر فى شهرى 6 و لا 7 , بيبقى أغلى من السفر فى شهر 3 و لا 4 , بس زى ماقلتلك, التأشيرة هى الأهم, خدها الأول و ابقى اسأل على الباقى براحتك.

و ربنا ييسرلك الأمور ان شاء الله و ابقى طمنا عملت ايه.

هو أنت متخرج و لا لسه طالب و ليك جيش و لا لأ؟؟؟

بالتوفيق.

السلام عليكم و رحمة الله و بركاته

فعلا كلام الأخ الفاضل Ehab_Mansour بخصوص التأشيرة الSchengen سليم تماما .

السلام عليكم ..


Maserati


انتا سافرت دراسة المانيا قبل كدا .. !
انا ناوي ان شاء الله للماستر وربنا يكرمنا :)

المشاركة الأصلية كتبت بواسطة Nistelrooy

السلام عليكم ..


Maserati


انتا سافرت دراسة المانيا قبل كدا .. !
انا ناوي ان شاء الله للماستر وربنا يكرمنا :)

السلام عليكم و رحمة الله و بركاته

أنا ماسافرتش ألمانيا قبل كده, أنا كنت سافرت سويسرا مرتين و أنا طبيب امتياز, فى 2001 و 2002, بس ماكانشى بغرض الدراسة, كنت كل مرة بقعد بتاع أسبوعين تقريبا, هيييييييييييييييييييييييي يه, كانت أيام, كانت سفارة سويسرا مابتاخدش فلوس التأشيرة, الا لما يوافقوا الأول , بعد الinterview و بعد ما يتوافق عليا , كانوا بياخدو فلوس التأشيرة, كانت أول مرة فى 4-2001 و كانت 100 جنيه بس و المرة التانية كانت فى 1-2002 و كانت فلوس التأشيرة غالية أويييييييييييييى, كانت 120 جنيه , دلوقتى, أعتقد بياخدوا حوالى 500جنيه تقريبا و كمااااااااااااااااااااان Nonrefundable !!!!!!!!!!!!! يعنى لو -لا قدر الله- ماقبلتش, بيروحوا عليك, معاملة صعبة فعلا !!!!!!!!!!!

عشان كده, قبل ماتروح, لازم تكون واخد كووووووووووووووووول الأوراق اللى ممكن يطلبوها و اللى مش هيطلبوها, أنا من ضمن ماكنت بآخد, كنت باخد شهادة الميلاد بتاعتى اللى كانت طالعة من هناك اللى كانت بالألمانى , يعنى, أى حاجة ممكن الراجل بتاع السفارة يحلم بيها, كان بيلاقيها معايا, يعنى لو كان طلب ساندوتش طعمية, كان هيلاقيه معايا فى الشنطة, الحاجة الوحيدة اللى ماكنتش باخدها, هى تذاكر الطيران !!!!!!!!