إلى خبراء الكريستالة

**ehabnew2004** · 05-05-2011 01:51 AM

السلام عليكم
الحمد لله من شهر أنضممت للكريستالاوية بعد ما كنت ما اصحاب الدايو لانوس
السيارة لانسر 98 مواصفات خليجى اللون أسود
عندى سؤال هو تكييف الكريستالة أضعف من الدايو لانوس فى التبريد ؟
و هل هو بيفصل كل فترة و لا بيفضل شغال على طول ؟
أصل حاسس أن التكيف تبريده مش قوى و الله أعلم و ساعات بحس أن بيبرد و ساعات لأ مش عارف .
و أشكركم لسعة صدركم .

**shady3335** · 05-05-2011 03:09 AM

هو التكيف بيبقى معقول يعنى مش جبار و مش وحش بس نصيحة لو بالنهار تشغله على السرعة الرابعة و تخالى الفتحات مواجهة للأعلى

و هو بيفصل كل شوية و تحس بالموضوع ده بالزات و انت واقف فى اشارة مثلا

نصيحة عامة لاى تكيف سيارة حاول فى الصيف تروح البنزينة تغسل سربنتينت التكيف و الريداتير كل شهر تقريبا و ده هيحسسك بفرق كبير فى الاداء

و الف مبروك :)

**mohammedabdallh** · 05-05-2011 10:28 PM

بص يا باشا انا عندى نفس المشكله والمشكله تنحصر فى انك تعيد شحن التكييف وتغير الفلتر والفلتر مش غالى ده ب 50ج
المشكله الى انا مش لاقية عندنا فى المنوفيه ولما انزل مصر هبقى اجيبه

**pinko99** · 06-05-2011 12:57 AM

سلام عليكم
اولا مبروك يا باشا علي الكريستاله وان شاء الله هتلاقي فرق كبير بينها وبين اللانوس
اما بالنسبه لمشكله التكييف فده ممكن يكون فريون حاول تقيس الشحن بتاعه
وحاجه تانيه الكريستاله مفيهاش فلتر بيتغير :b4_611:ودي حاجه اكيده لو حسيت ان سرعه المروحه علي الدرجه الرابعه ضعيفه يبقي الكويل محتاج يتنضف لانه هيبقي مكتوم من التراب لان العربيه دي مفيهاش فلتر بس هتدفع شويه لانك هتبقي مضطر تفضي الفريون علشان تنضف الكويل

**ehabnew2004** · 06-05-2011 04:21 AM

أشكر جميع من رد على استفسارى و لكم جميعا 1000 شكر على الإهتمام
و بارك الله فيكم يا اجمد منتدى إن شاء الله هروح لبتاع تكييف و أشوف موضوع الكويل و كمان اشحن و ربنا يسهل أحسن الصيف بايت عليه هيجى سخن أوى .

**mody999** · 12-05-2011 11:54 PM

بس هي مفهاش فلتر تكييف

**khater87** · 13-05-2011 11:38 AM

هي تكييفها اضعف من اللانووس نسبيا ..وهتحس بكده اوووي وهو فاااصل ..بس معقوول جدا
ممكن تنضف التلاجه من جووه ممكن يكون فيها تراب وشوائب

**Memo_Lancer** · 13-05-2011 02:09 PM

التكيف لو مظبوط احسن من الانوس مليون مره
انا كان عندي نفس المشكله
نضفت السربنتينه و ظبط الدنيا و شحنت
تلاجه الحمدلله

**mohammedabdallh** · 13-05-2011 02:53 PM

ايوة يا باشا هو اسمه كويل انا اسف هو الراجل قالى اسمه فلتر ولما نزلت ادور عليه قالولى اسمه كويل تكييف
بس المشكله كله قالى انه مش بيضنضف ومش موجود منه جديد قالولى دور عليه ايستراد