العربيه لما بتكون سخنه وتفصل وترجع تشغلها مش بتشتغل علطول بتغيب

**exact** · 10-05-2011 12:16 AM

اعتقد ان ده عيب موبينه....الموبينه بتسخن والعربية شغالة...فعشان تتأكد جرب اول اما تفصل منك لف الموبينة بفوطة مبلولة بس اوعى تتكهرب

**archmedis007** · 10-05-2011 07:31 PM

الحوار ده حاجة من تلاتة:
أشهر اتنين الموبينة و طرمبة البنزين...طريقة التأكد هي زي ما قال exact تلف الموبينة بفوطة مبلولة أو بأي حاجة تسقعها و جرب لو العربية اشتغلت يبقى عيب موبينة لو لأ اعمل نفس الحوار مع طرومبة البنزين
طبعا حل أي واحدة منهم إنك تغيرها...أنا حصلت معايا مرة الطرمبة و مرة الموبينة
الحاجة التالتة حوار الكربيراتير بس مش مشهور أوي

**wael6** · 12-05-2011 10:17 PM

الحمد لله اتحلت المشكله
بتغير الجزء السفلي للكربراتير اللى فيه مسمار ا لهوا
وشكرا جزيلا
بالنسبة لمية الريداتير
بتبقي كلها ميه خضرا
ولا جزء والباقي مايه عاديه
ولا ميه مقطره ؟ و بتتجاب منين ؟ وبكام ؟
وشكرا جزيلا

**exact** · 12-05-2011 11:55 PM

المشاركة الأصلية كتبت بواسطة wael6

بالنسبة لمية الريداتير
بتبقي كلها ميه خضرا
ولا جزء والباقي مايه عاديه
ولا ميه مقطره ؟ و بتتجاب منين ؟ وبكام ؟
وشكرا جزيلا

لو موبيل يبقى التزم بالتعليمات اللي مكتوبة عليها بالظبط

لو ميه خضرا من العادية انصحك بانك تفضي القربة خالص وتملاها ميه خضرا لحد العلامة وسيبها الردياتير يسحب منها لوحده
التركيزات العالية مش كويسه...مع السخونة بيحصل ترسيب للمواد اللي فيها وتسد الردياتير لو حصل والمية نقصت...وده اتسبب عندي في اتلاف الردياتير...المية نقصت وانا مخدتش بالي فاللي حصل ان المحلول بقى مركز جدا وسد بعض المواسير وكنت هافقد الموتور فعلا
ولازم بعد كده لو مليت الدورة بمية خضرا.. اما تيجي تزود زود مياه عادية وليست خضراء عشان لو حطيت خضراء يبقى انت كده بترفع تركيز المادة زيادة وتدخل في مرحلة الترسيب...
موضوع مياه مقطرة دي انا مش معتقد فيه...شوية شوية نقول مياه معقمة بتاع الحقن...ممكن تحط ميه من الفلتر بس تكون غليتها وقطعت نفسها وتسيبها تبرد عشان ترسب وتصب بالراحة وتسيب اخر شوية

**wael6** · 13-05-2011 01:02 AM

المشاركة الأصلية كتبت بواسطة exact

لو موبيل يبقى التزم بالتعليمات اللي مكتوبة عليها بالظبط

لو ميه خضرا من العادية انصحك بانك تفضي القربة خالص وتملاها ميه خضرا لحد العلامة وسيبها الردياتير يسحب منها لوحده
التركيزات العالية مش كويسه...مع السخونة بيحصل ترسيب للمواد اللي فيها وتسد الردياتير لو حصل والمية نقصت...وده اتسبب عندي في اتلاف الردياتير...المية نقصت وانا مخدتش بالي فاللي حصل ان المحلول بقى مركز جدا وسد بعض المواسير وكنت هافقد الموتور فعلا
ولازم بعد كده لو مليت الدورة بمية خضرا.. اما تيجي تزود زود مياه عادية وليست خضراء عشان لو حطيت خضراء يبقى انت كده بترفع تركيز المادة زيادة وتدخل في مرحلة الترسيب...
موضوع مياه مقطرة دي انا مش معتقد فيه...شوية شوية نقول مياه معقمة بتاع الحقن...ممكن تحط ميه من الفلتر بس تكون غليتها وقطعت نفسها وتسيبها تبرد عشان ترسب وتصب بالراحة وتسيب اخر شوية

شكرا جزيلا لاهتمامك الغالى

العربيه اكسيل 1500 مو 95
كنت مسلك الريداتير من شهرين ومظبطه وكمان ترموستات الكوعه متشال
بس النهارده كنت بعمل شغل فى الكربراتير
والميكانيكي فضي الميه من الموتور

1- هو الموتور والريداتير والقربه بياخدوا ميه خضرا اد ايه كميه

2- وبعد كده لما تنقص القربه مثلا او حصل اى ظرف وعاوز ازود مياه ازود مياه خضرا برده ولا مياه عاديه ؟

3- وكمان فى عند بتاع الريداتيرات مياه خضرا اللتر ب 10 ج والاربعه لتر على بعض ب 30 ج تقريبا
وبيقولى دول مركزين ولازم يتخفوا بميه ميتحطوش كلهم ؟

4- المفروض العربيه تتزود كل اد مياه وايه نوع المياه دى وبتيجي منين ؟

متابع للاهمية وشكرا جزيلا

**exact** · 13-05-2011 04:08 AM

بس النهارده كنت بعمل شغل فى الكربراتير
والميكانيكي فضي الميه من الموتور

هو ايه اللي جاب الكربيراتير للمياه

1- هو الموتور والريداتير والقربه بياخدوا ميه خضرا اد ايه كميه

غالبا مش بتزيد عن 4 لتر

2- وبعد كده لما تنقص القربه مثلا او حصل اى ظرف وعاوز ازود مياه ازود مياه خضرا برده ولا مياه عاديه ؟

تزود مياه عاديه

3- وكمان فى عند بتاع الريداتيرات مياه خضرا اللتر ب 10 ج والاربعه لتر على بعض ب 30 ج تقريبا
وبيقولى دول مركزين ولازم يتخفوا بميه ميتحطوش كلهم ؟

موبيل ب 40 جنيه ونصيحة عامة متشتريش حاجة من عند صنايعي عشان هيعمل عليك شغل تحت اي ظرف...جيب من بنزينة او من بتاع الزيت اوقطع الغيار...كان فيه نوع امريكي ب 45 جنيه وفيه نوع بتاع بنزينات وطنية بتاع الجيش كويس عامل 25 جنيه 4 لتر
موضوع التخفيف ده على حسب التركيز...اللي مش بيتخف ال 5%

4- المفروض العربيه تتزود كل اد مياه وايه نوع المياه دى وبتيجي منين ؟
الميه بتتزود كل اما تنقص...عينك دايما عالقربة وتتاكد انها عند العلامة بتاع الحد الاقصى باستمرار عشان متفلتش منك وتسخن
فيه مياه موبيل 40 جنيه وبريستون تقربيا امريكي ب 45 جركن اصفر....فيه بتاع وطنية ب 25 جنيه (عندي احساس انها كويسه)
فيه حاجة سعودي كده 3 لتر ب 30 جنيه فيه رابيدو في كارفور وفيه كارفور نفسها ب 15 جنيه بس زبالة

**amrelsaqqa** · 14-05-2011 12:50 PM

المشكلة اتحلت عندى بنسبة كبيرة بعد ظبط مستوى عوامة الكربراتير

**love7amada** · 14-05-2011 01:18 PM

انا عندي المشكله لسه زي ما هيا و العربيه اصلا مديل حديث و ممشيتش الا 18 الف كيلو معقوله يكون جزء عايز يتغير؟؟
بالنسبه للمياه الخضرا ف نوع اسمه لادا ده تركيزه 5 في الميا كويس جدا و ب 35 جنيه

**love7amada** · 14-05-2011 01:22 PM

انا عندي المشكله لسه زي ما هيا و العربيه اصلا مديل حديث و ممشيتش الا 18 الف كيلو معقوله يكون جزء عايز يتغير؟؟
بالنسبه للمياه الخضرا ف نوع اسمه لادا ده تركيزه 5 في الميا كويس جدا و ب 35 جنيه

**wael6** · 14-05-2011 03:20 PM

جزاكم الله خيرا اخى الكريم exact
القربة عندى كان فيها صدا قديم والميكانيكي مرضاش يفكها ويغسلها بتتغسل ازاى وبتتفك ازاى ولا تنفع تتغسل وهى راكبه ؟
والميه المقطره بكام ومنين لو سمحتم
وشكرا جزيلا

الموضوع: العربيه لما بتكون سخنه وتفصل وترجع تشغلها مش بتشتغل علطول بتغيب

LinkBack

أدوات الموضوع

عرض

-

-

-

-

-

-

-

-

المواضيع المتشابهه

العربيه بتاخد وقت عشان تهدي وترجع لل800rpm

صوت خروشه لما العربيه بتكون دايره وبتروح لما افصل العربيه ممكن حل؟

العربيه لما بتكون سخنه وتفصل وترجع تشغلها مش بتشتغل علطول بتغيب

العربيه بتغيب علي ما تدور

سحب العربيه و هى سخنه ؟؟

الكلمات الدلالية لهذا الموضوع

المفضلات

المفضلات

ضوابط المشاركة