العربيه بتغيب علي ما تدور

**cuppo** · 12-01-2009 03:51 PM

العربيه بحالات مره تدور في ثانيه و مره تغيب
هي لانسر كريستاله
ممكن تكوتبطاريه ؟
ولا ايه ده طيب؟
يا ريت مساعده

**eldeplomasy** · 12-01-2009 04:37 PM

ممكن يكون عيب بوجيهات هو حضرتك غيرتها قريب

وراجع ضبط المحرك على الكمبيوتر يمكن يكون في ايرور وبص على فلتر الهواء

وانتظر راي باقي الاعضاء

**samirayad** · 12-01-2009 10:40 PM

على الرغم من أن الأخ السائل لم يذكر شىء عن بيانات آخر صيانة فانة مطلوب الكشف على البوجيهات .....لو مش مهببة ونظيفة ......يلزم ضبط الثغرة بتاعة البوجيهات الأربعة حسب المقنن بالكتالوج....عامة بتكون فى حدود.8 -1 مم

**eldeplomasy** · 13-01-2009 11:21 PM

في الشاهين الفتحة بتبقى 0.85 جزء من المل

**cuppo** · 14-01-2009 11:05 AM

انا لسه جايب البوجيهات من حوالي شهرين
جديده يعني
Nkg

**ابراهيم** · 14-01-2009 11:28 AM

ياه انا عندى كريستالة برضه وفيها نفس المشكلة وهيه كاربارتير والبوجيها مغيرها من سنة وهيه بوش ولاحظت حاجة غريبة انى لما باسيبها من غير مامشى بيها لمدة يومين وادورها بتدور اسرع من لما اكون مشيت بيتا وبادورها بعدها بيومين

**hishamkenawy** · 14-01-2009 12:24 PM

انا بردة عندى نفس المشكلة مع انى مغير البوجيهات من التوكيل وفلتر الهواء والبنزين وظابط الموتور على الكومبيوتر بس بردة بتعمل نفس الحركة
الصبح بدرى تدورفى ثوانى ولو مركونة اسبوع بدور برضة لكن مجرد اكون فى مشوار واجى ادور السيارة مرة اخرى تغيب فى الدوار ياريت لو حد يعرف يرد علينا

**ابراهيم** · 15-01-2009 01:23 PM

اين انتم ياخبراء الكريستالة الموضوع ده يستحق الدراسة

**samirayad** · 15-01-2009 01:35 PM

شوف يا أستاذ/ابراهيم.....أنا مش خبير ولا حاجة.....بس تقريبا العيب دة يرجع الى دائرة الاشعال بالسيارة....حيث أنة عند توقف السيارة لفترة أو عند الادارة صباحا ...بيكون ملف الاشعال بارد لسة....وبتكون مقاومتة الداخلية لسة فى الحدود الآمنة....علشان كدة بيكون الحريق أكفأ....ولكن مع التشغيل لفترة بيكون ملف الاشعال سخن ومقاومتة بدأت تقل ....وبالتالى بيكون فى نقصان فى قيمة الشرارة الذاهبة منة الى البوجيهات لبدء الادرة.......وممكن تطمن على الكلام دة.....بعد تشغيل السيارة لفترة....وقم بلمس ملف الاشعال....لو حرارتة عالية بطريقة ملحوظة.......اذا تحليلى سليم