lمنعل للاستغلال تحديد يوم تجمع ملاك لوجان امام فرع المقطم

**DR/WAFEK** · 08-05-2011 11:23 PM

ممكن كمان ترفق فى الشكوى لينك لموضوع ضد التوكيل يتم فيه تجميع عدد كبير من الاعضاء لاخد اجراء ضد التوكيل كنوع من ابراز اننا مش شويه وان الشكوى عامه

**hysagm** · 09-05-2011 12:37 AM

طيب ياجماعه مش احنا اتفقنا اننا هنبعت الشكوى لتوكيل رينو مصر ونستنى رد منهم (( هنبعت فى الشكوى لينك الموضوع ده ونطلب الرد فى خلال مده لاتزيد عن 10ايام )) وهنعمل صياغه ثبته زى بتاعت هيثم ونبعته كل وحد على حد وان مجاش الرد يبقى نفس الكلام على فرنسا وان محدش رد بقترح ان يكون اعتصام امام كل فرع للتوكيل او مركز خدمه معتمد ويكون بالعربيه يعنى نحدد يوم الى فى المقطم يروح والى فى العبور يروح وبتاع المنصوره واسكندريه يروح كده يعنى وشكل الاعتصام هنوقف العربيه ضهرة لتوكيل وفاتح الكبوت ودى رمز لو عدينا كل ده ومحدش رد تخيلو المنظر ده على مستوى الجمهوريه هيعمل ايه وانا متبع معكم

**mazenzyad** · 09-05-2011 05:45 AM

المشاركة الأصلية كتبت بواسطة asdcat39

تمام يا باشا ولكن يجب ضرب الامثله من علبة الدركسيون والكبالن الخ ومقارنتها بنفس الفئه السعريه
وتهدديهم بالتجمع امام فرع المقطم مع وجود صحفين اصدقاء لتغطيه الحدث

نص رائع بس ناقص الامثلة و يا ريت بعد الشكوى ما تكتمل حد يراجع الصيغة و يكتب العنوان اللى هنبعت عليه و كلنا بنفس الحماس هنرجع الاسعار لحقيقتها بس المهم جهزوا النص و نحن ننتظر بشغف .

**shshmoh** · 09-05-2011 07:36 AM

ممكن نتقابل احنا الاول و نتفق على الخطوات التى يمكن ان تؤثر لحل هذه المشكله
اى ميعاد و مكان مناسب و يكون يوم جمعه علشان الشوارع تكون تمام لو المكان بعيد على اى حد و بعد المقابله ندرس الحلول كلها و المقترحات و نبدا فى التنفيذ

**MOUSTAFA_SAAD** · 09-05-2011 08:00 AM

شكلنا كده يااخوانا حنقضيها كلام

**city_ct** · 09-05-2011 12:47 PM

المشاركة الأصلية كتبت بواسطة mosomodo

هذه الشكوى مستوحاة من الاخ هيثم بعد تعديلها - ارجو ترجمتها بشكل سليم:

=============================================

عزيزي سيدي الرئيس ،
اولا: افتخر كونى احد ملاك السيارة رينو لوجان.
الاسم:
رقم الشاسية:
رقم الموتور:
العنوان البريدى:

ثانيا: نتيجة للثقة المطلقة لكم النابعة من سمعة شركتكم العالمية ارسل لكم هذه الشكوى من وكيل رينو في مصر:
عدم توفر و انتشار قطع الغيار مع ارتفاع اسعار قطع الغيار بشكل مرتفع جدا على عكس ما هو متوقع لسيارة اقتصادية و ايضا بالمقارنة مع غيرها من سيارات فى نفس الفئة السعرية (fiat- albia, cheverloet –loanos, hundai –verna, porton- saga) وللاسف اغلى ايضا من بعض سيارات فى الفئة السعرية الاعلى منها.

ثالثا: هذه الشكوى ليست شكوى فردية بل شكوى جماعية انتشرت بشكل كبير جدا فى مصر وايضا فى العديد من المنتديات على الانترنت وبدأت بالفعل تأثر وتؤدى لتجنب العديد من الافراد شراء اللوجان والاتجاة لشراء السيارات الاخرى.

اخيرا: نحن مجموعة من ملاك السيارة لوجان سوف نبدأ باتخاذ خطوات ايجابية نحو الرأى العام ضد الاستغلال - و لكن بعد مناقشات و مداولات بيننا وجدنا ان نبدأ اولا بارسال هذه الشكوى لكم ونحن نبحث عن إجابة في اسرع وقت ممكن كما نتوقع دائما من رينو.

شكرا

بعد إذنك، أقترح إضافة جزئية صغيرة فى الفقرة (ثانيأ):

"لقد ارتفعت أسعار قطع الغيار بشكل كبير و غير مبرر على مدار شهرين بنسب تصل إلى ...% من ثمنها السابق، فمثلا ارتفعت أسعار الرادياتير من ..... إلى ..... و كذلك أسعار علبة الدركسيون من .... إلى .... ، و أسعار الكبالن من .... إلى ....، وأسعار تيل الفرامل من ..... إلى ....، و أسعار الكصدامات من ..... إلى ...."

**ada7** · 09-05-2011 01:10 PM

الرد المتوقع على زيادة اسعار قطع الغيار هو ارتفاع سعر الدولار واليورو مقارنه بالجنيه امصرى
نقطه احب اوضحها قطع الغيار غاليه لان (اعتقد) ان معظم قطع الغيار هتلاقيها موجوده فى الميجان والكليو و بالتالى مينفعش يبيع كوبلن ب 3000 مثلاً لميجان ويبيع نفس الكوبلن للوجان ب 500 جنيه ده كده يبقى نصب رسمى (انا معرفش كوبلن اللوجان هو هو كوبلن الميجان ولا لا وده مثال توضيحى للفكره فقط)
لكن اى خطوه هتعملوها انا معاكم فيها لان الواحد بيبقى ماشى فى الشارع خايف يقرب لعربيه او عربيه تقرب منه ليحصل.................. والواحد يتحمل رقم فلكى
عندى استفسار لو الواحد اشترى عربيه زيرو وفكها وبعها باسعار التوكيل دى تفتكرو هيكسب كام

**mosomodo** · 09-05-2011 02:20 PM

المشاركة الأصلية كتبت بواسطة city_ct

بعد إذنك، أقترح إضافة جزئية صغيرة فى الفقرة (ثانيأ):

"لقد ارتفعت أسعار قطع الغيار بشكل كبير و غير مبرر على مدار شهرين بنسب تصل إلى ...% من ثمنها السابق، فمثلا ارتفعت أسعار الرادياتير من ..... إلى ..... و كذلك أسعار علبة الدركسيون من .... إلى .... ، و أسعار الكبالن من .... إلى ....، وأسعار تيل الفرامل من ..... إلى ....، و أسعار الكصدامات من ..... إلى ...."

جميل جدا ان نضيف هذه الفقرة ولكن للاسف انا جديد فى العربية ومعرفشى الاسعار القديمة وفرقها عن الاسعار الجديدة فياريت واحد من اهل الخبرة هنا يضيف الاسعار.

1- اعتقد ان الجميع هنا متفق على الشكوى بعد إضافة هذه الجزئية للاسعار فى الفقرة (ثانيأ) - ياريت واحد يضيف الاسعار فيها.
2- بعد اضافة هذه الجزئية تصبح الشكوى كاملة - ياريت واحد يترجمها للانجليزى.
3- بعد الترجمة - يقوم كل واحد بارسال النسخة العربى الى الوكيل و النسخة الانجليزى الى رينو فرنسا.

**ZOTYE** · 09-05-2011 03:08 PM

شكلكم بتوع كلام باس يا لوجناوية و فى الأخر هيطلع الموضوع اى كلام و مش هنعمل حاجة ايجابية طاب يا جماعة بدل الكتابة حد من الأخوة الأعضاء يحاول يجمعنا و انا هبدأ رقم موبايلى اهو 0177071937
مش هينفع الكلام بالشكل دة عاوزين نتجمع و نكتب شكاوى لحماية المستهلك عن اسعار قطع الغيار