lمنعل للاستغلال تحديد يوم تجمع ملاك لوجان امام فرع المقطم

**amrelzawawy** · 09-05-2011 04:13 PM

لو على المصنعيه مش مشكله نروح مراكز خدمه اقل فى المصنعيه زى فرنش موتورز او اى مكان تانى المشكله فى قطع الغيار

**mosomodo** · 09-05-2011 06:30 PM

المشاركة الأصلية كتبت بواسطة johnny82

انا غيرت مساعد سعرة 250 جنية فى التوكيل ودفعت 500 جنية وانا ماشى مصنعية وضريبة !!!

يمكن ايضا اضافة ان مصنعية التركيب فى التوكيل كبيرة جدا مقارنة بتركيبها خارج التوكيل.

**mosomodo** · 09-05-2011 06:41 PM

الشكوى بعد اضافة الملاحظات:
===================
عزيزي سيدي الرئيس ،

اولا: افتخر كونى احد ملاك السيارة رينو لوجان.
الاسم:
رقم الشاسية:
رقم الموتور:
العنوان البريدى:

ثانيا: نتيجة للثقة المطلقة فيكم النابعة من سمعة شركتكم العالمية ارسل لكم هذه الشكوى ضد وكيل رينو في مصر:
عدم توفر و انتشار قطع الغيار مع ارتفاع اسعار قطع الغيار بشكل مرتفع جدا على عكس ما هو متوقع لسيارة اقتصادية و ايضا بالمقارنة مع غيرها من سيارات فى نفس الفئة السعرية (fiat- albia, cheverloet –loanos, hundai –verna, porton- saga) وللاسف اغلى ايضا من بعض سيارات فى الفئة السعرية الاعلى منها. و أليكم بعض الامثلة:

"لقد ارتفعت أسعار قطع الغيار بشكل كبير و غير مبرر على مدار شهرين بنسب تصل إلى ...% من ثمنها السابق، فمثلا ارتفعت أسعار الرادياتير من ..... إلى ..... و كذلك أسعار علبة الدركسيون من .... إلى .... ، و أسعار الكبالن من .... إلى ....، وأسعار تيل الفرامل من ..... إلى ....، و أسعار الكصدامات من ..... إلى ...."

ثالثا: مصنعية تركيب قطع الغيار فى التوكيل كبيرة جدا مقارنة بتركيبها خارج التوكيل بشكل مبالغ فيه جدا.

رابعا: هذه الشكوى ليست شكوى فردية بل شكوى جماعية انتشرت بشكل كبير جدا فى مصر وايضا فى العديد من المنتديات على الانترنت وبدأت بالفعل تأثر وتؤدى لتجنب العديد من الافراد شراء اللوجان والاتجاة لشراء السيارات الاخرى.
اخيرا: نحن مجموعة من ملاك السيارة لوجان سوف نبدأ باتخاذ خطوات ايجابية نحو الرأى العام ضد الاستغلال - و لكن بعد مناقشات و مداولات بيننا وجدنا ان نبدأ اولا بارسال هذه الشكوى لكم ونحن نبحث عن إجابة في اسرع وقت ممكن كما نتوقع دائما من رينو.
شكرا

=============================================

ياريت واحد يضيف الاسعار للجزء المكتوب بالون الاحمر او يعدله او يكتبه بشكل اخر.

أنا ملاحظ ان 90% من المشاركين فى الموضوع اعضاء جدد - هو الناس القديمة راحت فين ؟؟؟؟؟؟؟؟؟؟!!!!!!!!!!!!! وياترى هم يملكون اللوجان ولا لأ؟؟؟؟؟؟؟؟؟؟؟؟؟

**amrelzawawy** · 09-05-2011 06:53 PM

ما هو ده اللى مستغربله الناس القديمه واللى معروف اساميها وعملوا دعايه للعربيه غير عاديه مش باينيين

**mosomodo** · 09-05-2011 07:27 PM

الى اصحاب القلوب الضعيفة من اصحاب اللوجان عدم قراءة ما يلى:

انا اصبت بالصدمة عندما قرأت موضوع اكيد شوفتوه بعنوان: "للأسف اللوجان أتخبطت جامد "
المهم راجل عمل حادثة بالخلف و راح التوكيل عمل مقايسة لأ و كمان بتاريخ 27-2-2010 (يعنى من سنة و حاليا الاسعار زادت ) و كتب التالى:

أستلمت أنهاردة المقايسة من التوكيل وبها الاتى:
1- أكصدام خلفى 1500
2- (2) قاعدة أكصدام خلفى 350
3- رفرف خلفى يمين 1175
4- ظهر خلفى 1700
5- فجوة فانوس خلفى يمين 750
6- حلية شنطة خلفية نيكل 610
7- فانوس خلفى يمين 250
8- مفصلة شنطة خلفية (بدون سعر)
9- شنطة خلفية 1721
10- كرتيرة رفرف خلفى يمين 350
11- فردة كاوتش خلفى يمين 450
12- جنط خلفى يمين وأمامى شمال (2) 350
13- طاسة عجل أمامى شمال 100
14- كشاف أمامى شمال 445
15- كفر فوج لايت يمين 250
16- طبة أكصدام أمامى 175
17- كمرة صدر أمامى 730
18- عاكس أكصدام خلفى 50
19- سربنتينة تكييف 3475
20- رادياتير 1662
21- مروحة رادياتير 1850
22- مساعد أمامى شمال 370
23- مقص أمامى شمال 550
24- طبق مساعد أمامى شمال 930
25- (حاجة مش عارف أقراها) تيل خلفى (بعد الزوايا) 5500

المصنعيات:

26- أعمال فحص ما يلزم + ضبط شنطة والطقم الخلفى ورفرف أمامى وخلفى شمال 1750
27- أعمال دهان الطقم الخلفى + رفرف أمامى شمال + الاكصدامات 3000
28- أعمال كهرباء 350
29- أعمال (حاجة مش عارف أقراها) 300
30- أعمال فك وتركيب الاكصدامات 300
31- أعمال فك وتركيب بربريز خلفى 275
32- أعمال شحن فريون + فك وتركيب سربنتينة 750
33- أعمال ميكانيكا 1000
34- أعمال زوايا 150

الأجمالى 34468 جنية مصرى. وهو مايعادل أكثر من نصف ثمن العربية.

**ZOTYE** · 09-05-2011 09:48 PM

اسعار قطع الغيار مش بالدرجة دى يا باشا الأسعار دى مبالغ فيها كتير و بعدين اسعار قطع الغيار تعتبر رخيصة بما انها فرنساوى مش مغربى و كمان من قلب الوكيل نفسه
الأسعار دى مبالغ فيها جدااااااااااا و بشكل كبير
انا اللى اعرفه ان فى الأسكندرية
ان فلتر البنزين ب 60 جنيه و الزيت ب 30 جنيه و الهواء ب 75 جنيه و المراية الجانبية ب 300 جنيه و الفانوس الأمامى ب 350 جنيه اما الخلفى ب 300 جنيه و الأكصدام الخلفى ب 700 جنيه و الأسعار دى بالضريبة كمان و الناس فى الأسكندرية بيعاملونا بشكل محترم لا يوصف والله و بيحلوا اى مشاكل فى العربية و بروح اعمل الصيانات الفردية مبيخدوش منى مليم + انهم بيغسلوا العربية من الداخل و الخارج و الموتور و بيحطوا العربية على الكمبيوتر و بيكشفوا على كل مسمار فيها و بيطلع المهندس يجربها و انا قاعد بجانبه ....
قبل محد يتكلم يسأل يا جماعة و ملكوش دعوة باللى مكتوب على النت علشان فى توكيلات من مصلحتها تبهدل العربية و تبهدل سمعتها فتكتب الكلام دة و يقولوا كمان انهم معاهم لوجان كل واحد يتأكد يا جماعة قبل ميقول اى كلمة او يكتبها
فى النهاية مش عاوز حد يزعل منى يا ملاك اللوجان المحترمين و اسف كل الأسف على الأطالة .....

**mosomodo** · 09-05-2011 09:59 PM

المشاركة الأصلية كتبت بواسطة zotye

اسعار قطع الغيار مش بالدرجة دى يا باشا الأسعار دى مبالغ فيها كتير و بعدين اسعار قطع الغيار تعتبر رخيصة بما انها فرنساوى مش مغربى و كمان من قلب الوكيل نفسه
الأسعار دى مبالغ فيها جدااااااااااا و بشكل كبير
انا اللى اعرفه ان فى الأسكندرية
ان فلتر البنزين ب 60 جنيه و الزيت ب 30 جنيه و الهواء ب 75 جنيه و المراية الجانبية ب 300 جنيه و الفانوس الأمامى ب 350 جنيه اما الخلفى ب 300 جنيه و الأكصدام الخلفى ب 700 جنيه و الأسعار دى بالضريبة كمان و الناس فى الأسكندرية بيعاملونا بشكل محترم لا يوصف والله و بيحلوا اى مشاكل فى العربية و بروح اعمل الصيانات الفردية مبيخدوش منى مليم + انهم بيغسلوا العربية من الداخل و الخارج و الموتور و بيحطوا العربية على الكمبيوتر و بيكشفوا على كل مسمار فيها و بيطلع المهندس يجربها و انا قاعد بجانبه ....
قبل محد يتكلم يسأل يا جماعة و ملكوش دعوة باللى مكتوب على النت علشان فى توكيلات من مصلحتها تبهدل العربية و تبهدل سمعتها فتكتب الكلام دة و يقولوا كمان انهم معاهم لوجان كل واحد يتأكد يا جماعة قبل ميقول اى كلمة او يكتبها
فى النهاية مش عاوز حد يزعل منى يا ملاك اللوجان المحترمين و اسف كل الأسف على الأطالة .....

انت بتكلم جد ولا بتهزر - انا سألت بالتليفون16202 = المراية الجانبية ب 550 جنيه و عموما أشكرك على كلامك وايضا ارجوا ان نتعاون لانهاء الشكوى.

**ZOTYE** · 09-05-2011 10:14 PM

المشاركة الأصلية كتبت بواسطة mosomodo

انت بتكلم جد ولا بتهزر - انا سألت بالتليفون16202 = المراية الجانبية ب 550 جنيه و عموما أشكرك على كلامك وايضا ارجوا ان نتعاون لانهاء الشكوى.

لأ متقولت كدة يا باشا انا اللى بشكر حضرتك على المجهود الكبير حضرتك انسان محترم فوق الوصف .....
باس بجد عاوزين نعمل حاجة ايجابية و نتعاون و نفضل عند موقفنا برضه علشان مينفعش يقولولى انا اسعار و لما حضرتك تتصل يقولولك اسعار تانية .....
و تقبل تحياتى يا باشا .......

**amrelzawawy** · 10-05-2011 02:03 AM

وادى عضو بيغير الدنيا كلها ويشكك الناس فى الكلام اللى جاى من التوكيل والاعضاء بنفسهم سالوا والله منا عارف مين الدعايه ومين مالك السياره

**harizy** · 10-05-2011 04:32 AM

السلام عليكم ملاك لوجى المحترمين
أنا من أشد المؤيدين لأى إجراء نقوم به جميعاً للوقوف ضد الاستغلال. فإننا لم نختر تلك السيارة لأنها تناسب أمكانتنا نحن فحسب لكن أيضاً لأن سعرها مناسب لما بها من أوبشنز، ولهذا يجب أن تكون قطع الغيار متناسبة مع السعر ومع تلك الأمكانات، هذه واحدة.

الأمر الثانى: أنا قمت بزيارة صفحة رينو على الفيس بوك واطلعت على الجزء الخاص بقطع الغيار الخاص باللوجان ووجدتها مناسبة جداً كما جاءت بالجرائد، {يعنى مثلاً فلتر البنزين 68 جنيه، فلتر الهواء 60 جنيه، تيل أمامى 250 جنيه، فلتر زيت 40 جنيه.}
ولا أظن أن توكيل غير محترم ينشر أسعار على الفيس بوك وفى الجرائد ويقوم بالبيع بأعلى منها؛ فناهيك عن أن يكون هذا التوكيل محترم وهو كذلك بالفعل.

الأمر الثالث: يستطيع أى من المقيمن فى القاهرة بزيارة التوكيل والحصول منه على أسعار بقطع الغيار المختلفة ونشرها على الموقع أو أن يطلب من التوكيل المشاركة والرد على هذا الموضوع وحسمه نهائياً منعاً للقيل والقال.

الأمر الرابع: وهو الأهم على الإطلاق إذا لم يتحقق صدق البند الثانى أى أن تكون الأسعار المعلن عنها فى الفيس أو فى الجرائد غير مناسبة للواقع فنستطيع التوجه بشكوى رسمية إلى حماية المستهلك أو تحرير محضر فى النيابة (أنا بتكلم جد مش هزار أو تهريج مع العلم أنى مش محام بس صلتى بالقانون قوية جداً) المهم محضر فى النيابة العامة ضد التوكيل بتهمة النصب على العملاء لقيامه بالبيع بأسعار غير المعلن عنها وبزيادة كبيرة جداً فيها، وبكده تبقى جرسة وفضيحة للتوكيل تساوى خسارة لمدة عشر سنوات على الأقل مش فى اللوجان بس إنما فى كل الموديلات الأخرى.

وأخيراً لو فيه أى مقترحات جديدة ياريت نسمعها ونكون كلنا إيد واحدة.