الموضوع: تأثير الجنوط على عداد السرعة

المشاركة الأصلية كتبت بواسطة smartchoice

الحسابات بتاعته فيها حاجة غلط
أنا عندى مثلا الكوتش 205/55/16 لما بغير عرض الكوتش المفروض السرعة متتغيرش لكن لما بعمل الكوتش 215/55/16 بيقولى لما تبقى ماشى 60 فى العداد فعليا هتبقى ماشى 61 المفروض اللى بيأثر فى السرعة هو ال 55 لو بقت مثلا 50 هيبقى العداد قارى 60 مثلا لكن فعليا انا ماشى 65
و شكرا على مشاركتك

رقم ال 55 ده مش ثابت ده بيعبر عن نسبة العرض بتاع المداس بالمقارنة بالجنب يعني لو قسمت الجنب على العرض بالملليمتر وضربت في 100 هيطلع لك 55% وبالتالي اي تغير في العرض مع تثبيت ال 55 هيؤدي لتغير في الجنب

تعالى نحسب انت الاول كنت بتتكلم في 205 يبقى الجنب 0.55 في 205 = 112.75 ملليمتر...وده ارتفاع الجنب
اما ال 215 هيديلك حوالي 118 مللي ...يعني قطر العجلة الاجمالي هيزيد 6 مللي وده اللي هيعمل الفرق في السرعة
والاخ yasso77 عيب جدا اللي انت عملته ده وكده انت اللي بتفتي ووجب عليك الاعتذار

المشاركة الأصلية كتبت بواسطة yasso77

الموقع حسابه مظبوط لان انت لازم لما تتكام تكون فاهم يعني ايه مدلول الارقام دي الاول
يعني 55 \195 تعني ان ارتفاع الكاوتش من الجنط حتي بدايه النقشه اللي علي الكاوتش = 55 % من عرض الكاوتش اللي هوا 195 =19.5 سم
فبالتالي لما يتغير عرض الكوتش لازم يتغير الارتفاع لان دي علاقه طرديه بينهم
ويارب اكون عرفت اوصل المعلومه
........*
لقد خالفت القاعدة رقم (6) بند (أ)
لقد خالفت القاعدة رقم (13) من قواعد المنتدى لذا يتوجب حصولك على (انذار مع وقف اسبوع).
مشرف القسم
13 أ

أنا مش عارف انت قولت أية بس شكلك غلط فى حقى و على العموم شكرا على المعلومة و جزاك الله كل خير و فى ميزان حسناتك بأذن الله

ألف شكر يا رجالة على شرحكم و انا كنت فاكر أن ال 55 دى أرتفاع الكاوتش و ببص النهاردة بالصدفة لقيتهم كاتبيين أنها Ratio فكنت داخل اوضح الموضوع بس أنتم سبقتونى و جزاكم الله كل خير و شكرا مرة تانية لصاحب الموضوع على الأفادة

انا معلوماتي ان لما يزيد عرض الكاوتش بالتالي بتزيد مساحته الملامسه للارض يعني بتزيد قوه الاحتكاك مع الارض و ده ناتج من ان قوه الاحتكاك بتتناسب طرديا مع المساحه و بالتالي فان الموتور هيحتاج قوه اكبر للوصول لنفس السرعه اللي كان بيوصلها مع الكاوتش الارفع و يمكن يكون ده السبب ان العداد يكون بيقرأ سرعه مختلفه عن السرعه الحقيقيه
و الله اعلم