إستفـــســار عن YRV (أول مشـــــاركة) أرجوا المساعده

**essamsh** · 07-06-2007 02:16 PM

معلش للسوال دة الى ممكن يكون غريب شوية بس انا خبرتى قليلة فى العربيات. كيف اعرف ان العربية حالتها كويسه؟ ما هى المقاييس الى اقيس عليها ؟ و ما هى اقصى قراءة للعداد ينصح بها؟

**أبو عبدالله** · 07-06-2007 03:14 PM

كويسه دي مش سهل اني اشرحها
وموضوع العداد ده يعني نقطه واحده مش كل حاجه يعني مش هو المقياس ككل

ولكن انها متكونشي متهانه
صوت ماتورها مش عالي
مبتدخنشي من الخلف ولما تفتح غطاء الزيت اللي على وش الماتور وهيا دايره متلاقيش دخان بيطلع منه
العفشه كويسه يعني لما تركبها مفيش حاجه بتشخشخ من تحت العربيه
مش متبهدلة من الخارج يعني الدهان بتاعها الأصلي بتاع المصنع
استهلاك بنزينها كويس يعني مبتكلشي بنزين
تاكل بها مطبات على سرعه الى حد ما وتشوف هتسمع صوت غريب ولا حاجه مش مظبوطه
تضرب فرامل مره واحده تشد الهاند بريك
تضغط بنزين فجاة وتشوف استجابتها معاك ازاي سريعه ولا بطيئه

يعني من الاخر انت لما تحب واحد يغلط بتنكشه ........... انا عاوزك تنكش العربيه

**Islam_galal** · 07-06-2007 03:51 PM

السلام عليكم
أخي العزيز ممكن تفكر في الألماني فهو ابضا جيد جدا و ممكن تلاقي طلبك
مثلا جولف اول التسعينات او بولو آخر التسعينات و ممكن 2000 و 2001 كمان و حيكونوا في نفس الاسعار تقريبا بس اهم حاجة في العربيات المستعملة انك تشتري حالة مش موديل يعني عربيه موديل 1992 بحالة جيدة احسن 100 مرة من عربيه موديل 2004 مع شاب روش والكلام ده يحسموا المتخصصين في كل موديل يعني حدد نوع السيارة ثم ابحث عن متخصص ليكشف لك علي اي سيارة تراها واهو كله بتمنه