فجأة ..... اشتريت عدة كاملة ومحتاس بيها

**_Ahmed_casper_** · 08-05-2011 02:17 AM

مادا باشا اخبارك ايه بقالك كتير مختفى عن getz club ‎‏ ‏
مبروك على العده بس عرفنا بقا لما تركبها و هتعمل ايه فى الصب لأن شنطه عربيتك صغيره هتتعامل معاها ازاى و ربنا يوفقك

**mada_76** · 08-05-2011 02:20 AM

المشاركة الأصلية كتبت بواسطة _Ahmed_casper_

مادا باشا اخبارك ايه بقالك كتير مختفى عن getz club ‎‏ ‏
مبروك على العده بس عرفنا بقا لما تركبها و هتعمل ايه فى الصب لأن شنطه عربيتك صغيره هتتعامل معاها ازاى و ربنا يوفقك

ازيك يا ابو حميد والله ليك وحشة
الله يبارك فيك يا باشا وان شاء الله لما اركب هاقولكم على النتيجة بس ادعيلي اركب عند حد كويس .
والله getz club محدش بقى بيتكلم فيها خالص مش عارف ليه كده , الناس راحت فين

**bisoolover** · 08-05-2011 02:35 AM

بوص بقى ياكبيير بالنسبة للصب خليه فى تيووب بازوكا احسن علشاان ترمييلك البييز تمام وبالنسبة للشنطة حطها بالعرض الشنطة هتلاقيها مظبووطة والرف ممكن تشووف العضو سلامونتى تتفق معاه هيعملهوولك وبيعمله تحفة وممكن يرشه لوون العربية يعنى بيعمل الصح الصراحة وبيتكلف 100 او 120 بس حاجة نظيفة لو عايز اى حاجة ممكن تعمل ايه ترووح لاى نجار قوله عايز رف خشب mdf 200 مللىى واخرملى لسماعتن فيه هيكلفك 35 وتجييب متر موكيت او توديه لواحد سروجى هتديله 10 جنيه تبقى الحوار كلفك 45 اللى انت عاايزه يااكبير بالسنبة للتركييب ركب عند كلاريون لو عايز تركييب نظييف لو عايز اى تركيب اى كهرباائى عندك هيركبلك الكلام ده بس

**mhmdalsaadany** · 08-05-2011 02:42 AM

معلش يا باشا سؤال هو الكاسيت سعره 950 عشان اوت ليت ولا ده سعره العادي

**mada_76** · 08-05-2011 02:50 AM

المشاركة الأصلية كتبت بواسطة bisoolover

بوص بقى ياكبيير بالنسبة للصب خليه فى تيووب بازوكا احسن علشاان ترمييلك البييز تمام وبالنسبة للشنطة حطها بالعرض الشنطة هتلاقيها مظبووطة والرف ممكن تشووف العضو سلامونتى تتفق معاه هيعملهوولك وبيعمله تحفة وممكن يرشه لوون العربية يعنى بيعمل الصح الصراحة وبيتكلف 100 او 120 بس حاجة نظيفة لو عايز اى حاجة ممكن تعمل ايه ترووح لاى نجار قوله عايز رف خشب mdf 200 مللىى واخرملى لسماعتن فيه هيكلفك 35 وتجييب متر موكيت او توديه لواحد سروجى هتديله 10 جنيه تبقى الحوار كلفك 45 اللى انت عاايزه يااكبير بالسنبة للتركييب ركب عند كلاريون لو عايز تركييب نظييف لو عايز اى تركيب اى كهرباائى عندك هيركبلك الكلام ده بس

كلامك ممتاز يا برنس والله وهو ده اللى انا بفكر فيه . حوار رف الخشب ده يعني مش محتاج فكاكة .
انت تقصد اركب عند مجدي كلاريون بتاع ميدان الحجاز؟
انا ركبت عنده الكاسيت النهاردة بس مكانش عنده بوازيك
ربنا يسهل كده واروح بكرة اشوف

**mada_76** · 08-05-2011 02:54 AM

المشاركة الأصلية كتبت بواسطة mhmdalsaadany

معلش يا باشا سؤال هو الكاسيت سعره 950 عشان اوت ليت ولا ده سعره العادي

لا ياباشا
ال outlet ده انا جبت منه الصب فقط . لكن بقية الحاجات جديدة لااااااااااااانج
الكاسيت ده محترم اوي بصراحة
bluetooth , usb , aux , cd , mp3 , subwoofer control
بس كله كوم وحوار انك تكلم في التليفون من الكاسيت ده كوم تاني بصراحة

**bisoolover** · 08-05-2011 03:04 AM

ايه الوت لايت ده جديد يعنى
عنده ايه تانى عنه بوازييك كاملة ؟؟

**mhmdalsaadany** · 08-05-2011 03:07 AM

معلش يا باشا ما انا عندي فتحه aux بوصل الموبايل عليها وبتكلم مش محتاج بلوتوث في حاجه ولا البلوتوث بيفرق في حاجه اكتر من كدا
ولو معلش فيها رخامه ممكن اعرف السماعات بكام وشكرا لحضرتك

**mada_76** · 08-05-2011 03:21 AM

المشاركة الأصلية كتبت بواسطة bisoolover

ايه الوت لايت ده جديد يعنى
عنده ايه تانى عنه بوازييك كاملة ؟؟

بص يا صحبي
نفرض انك جبت تلاجة
وهي جايلك في الطريق العربية اللى شايلاها فرملت مرة واحد راحت التلاجة واقعة من على العربية . اتجرحت واتطبقت من على الجنب مثلا يعني . طبعا سعادتك مش هاتستلمها .
بياخدوا التلاجة دي بقى ويوادوها لي outlet ده وهو مكان بيتباع فيه بواقي او حاجات فيها عيوب لكن صالحة للاستخدام وباسعار مخفضة طبعا .
الموجود هناك حاليا 2 صب ووفر سوني واحد 1300 وات سعره 222 والتاني 1500 سعره 350 جنيه
وفي 2 GM واحد 300 وات سعره اعتقد 350 جنيه والتاني 600 وات اعتقد كان بي 550
تمام كده ؟

**mada_76** · 08-05-2011 03:31 AM

المشاركة الأصلية كتبت بواسطة mhmdalsaadany

معلش يا باشا ما انا عندي فتحه aux بوصل الموبايل عليها وبتكلم مش محتاج بلوتوث في حاجه ولا البلوتوث بيفرق في حاجه اكتر من كدا
ولو معلش فيها رخامه ممكن اعرف السماعات بكام وشكرا لحضرتك

معلش انا اصلا كان عندي كاسيت من غير aux عشان يمكن اكون مبهور شويتين زيادة . لكن مقارنة باللى عندك فهو في فرق طبعا وهو ان انت بتتكلم في المايك بتاع التليفون لكن عندي في مايك بيتوصل في الكاسيت من الخلف وبيركب على المرايا او الشماسة او المكان اللى انت بتحبه وبتكلم منه علطول ثانيا اسم المتصل او الرقم ومدة المكاملة بيظهر على الشاشة يعني مش محتاج تبص على الموبايل مع امكانية auto answer وبترد وبتكنسل من الكاسيت وكمان بتسجل 6 ارقام على الكاسيت as a speed dial وكمان انت مش شاغل ال aux يعني لو عايز اشغل ال mp3 هاشغله عادي جدا والتليفون متوصل والاهم من ده كله انك لما بتكون مشغل اي حاجة وييجي تليفون الكاسيت بيفصل الاغنية ولما تخلص المكالمة يكمل اللى كان شغال
اعتقد ان في فرق كبير . يعني تقدر تقول انه كار كيت بس في الكاسيت .
وبالنسبة لسعر السماعات 325 جنيه

الموضوع: فجأة ..... اشتريت عدة كاملة ومحتاس بيها

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

اوبلاوى جديد ومحتاس

اشتريت الصنى و محتار بيها

اشتريت حاجات وعاوز اعرفكم بيها

الهاند بريك باظت ومحتاس ,,,

محتاوتر ومحتاس حد يفدني

الكلمات الدلالية لهذا الموضوع

المفضلات

المفضلات

ضوابط المشاركة