رابطة مالكى البومه - لانسر 2003 : 2012

**marshahin** · 08-07-2012 02:47 PM

المشاركة الأصلية كتبت بواسطة mhmdeissa

السلام عليكم يارجاالة
أنا عندى بومة 2012 تبترونيك 1600
العربية فيها صوت تكتكة مسموعة من الجزء الخلفى.. فى التوكيل (داياموند) قالوولى السبب ان الجريدة (الكاوتشات يعنى) بتاعة الزجاج الخلفى مش بتكون ملزوقة باحكام مما يؤدى الى دخول التراب تحتها!! وانهم بعتوا لميتسوبيشى المشكلة دى فى موديلات 2011 و 2012 عشان يشوفوا حل دائم.

حد ياجماعة قابل المشكلة دى أو سمع عنها ؟؟؟

مع الشكر

انا معايا نفس الموديل و بسمع نفس التكتكه لو لقيت حل من فضلك انشره

**moh_faheem** · 08-07-2012 03:14 PM

يسعدنى ان انضم لاجمل منتدى فى الدنيا وخصوصا قسم الانسر
حيث اننى بعت بفضل الله اللانوس 2006
واشتريت لانسر سوبر اكشن 2004 منوال 1300
والحمد لله رب العالمين اختيار موفق جدا خصوصا ان انا كنت ناوى اشترى افيو اوتوماتيك لكننى فضلت اللانسر المنوال والحمد لله مرتاح جدا جدا للانسر

**salah_86** · 10-07-2012 10:11 PM

السلام عليكم كنت عاوز اعرف محل بيبيع قطع غيار الى يكون فى الحرفيين لانها قريبة من مكان شغلى hاو وسط البلد بس لانى من المنوفية مش من القاهرة فمحتاج حد يكون ثقة لانى اكيد مش عندى خبرة فى القاهرة ولان التوكيل بقى بيستهبل اخر حاجة عربيتى 1300 مانيوال موديل 2009 ولم اركب اى قطعه غير الية من يوم مجبت العربية بس بصراحة التوكيل اسعارة بقت مستفزة اخر 3 او 4 حاجات فياريت تفيدونى بجد وبعدين المحل دا هينفع اجيب سيور منه زى سير الكاتينة وزى طقم الدبرياج مثلا ؟

**أبو إياد** · 11-07-2012 09:53 AM

المشاركة الأصلية كتبت بواسطة salah_86

السلام عليكم كنت عاوز اعرف محل بيبيع قطع غيار الى يكون فى الحرفيين لانها قريبة من مكان شغلى hاو وسط البلد بس لانى من المنوفية مش من القاهرة فمحتاج حد يكون ثقة لانى اكيد مش عندى خبرة فى القاهرة ولان التوكيل بقى بيستهبل اخر حاجة عربيتى 1300 مانيوال موديل 2009 ولم اركب اى قطعه غير الية من يوم مجبت العربية بس بصراحة التوكيل اسعارة بقت مستفزة اخر 3 او 4 حاجات فياريت تفيدونى بجد وبعدين المحل دا هينفع اجيب سيور منه زى سير الكاتينة وزى طقم الدبرياج مثلا ؟

شركه احمد البلطى فى التوفيقيه

**أبو إياد** · 12-07-2012 09:22 AM

تصنيع وتجميع وتقفيل يابانى
واكيد 1600 افضل من 1300
وفئات ال1600 حسب ما يناسبك سواء مانيوال او اوتوماتيك او رياضيه

**mkhayiat** · 15-07-2012 02:02 AM

المشاركة الأصلية كتبت بواسطة marshahin

انا معايا نفس الموديل و بسمع نفس التكتكه لو لقيت حل من فضلك انشره

انا معايا بومه 2012 ....وكان عندى نفس العيب....بس الحمد لله وصلتله......بدون دخول فى تفاصيل ....اولا الاذكياء بتوع التوكيل (دياموند) ولا بيفهموا حاجه....انا عملت كل حاجه ممكن حد يتخيلها فى الدنيا لغايه ما وصلت انى هفك الزجاج الخلفى حتى لو اتكسر واركبه تانى...المهم الصوت طلع من الثلاث شناكل اللى بيتعلق عليها ضهريه الكنبه الخلفيه بيعملوا صوت مع الضهريسه ....جبت wd 40 سبراى ورشيت الشناكل ..زوالضهريه متعلقه ...تمد الانبوبه الحمرا الصغيره ناحيه الشنكل من ناحيه المرايه الخلفيه وترش (الثلاث شناكل) ....بأذن الله الصوت يختفى فورا....واى خدمه يا بهوات

**salah_86** · 18-07-2012 04:02 AM

المشاركة الأصلية كتبت بواسطة أبو إياد

شركه احمد البلطى فى التوفيقيه

الف الف شكر ياباشا بس معلش هيا التوفقية دى اللى جنب رمسيس معلش اصل انا مش من القاهرة ومعلش تانى مرة أكيد الشركة دى مضمونة ولا كله مضروب معلش انا عاوز حاجات مضمونة علشان انا موسوس حبتين معلش اخوك وبيتاقل عليك

**أبو إياد** · 18-07-2012 09:06 AM

المشاركة الأصلية كتبت بواسطة salah_86

الف الف شكر ياباشا بس معلش هيا التوفقية دى اللى جنب رمسيس معلش اصل انا مش من القاهرة ومعلش تانى مرة أكيد الشركة دى مضمونة ولا كله مضروب معلش انا عاوز حاجات مضمونة علشان انا موسوس حبتين معلش اخوك وبيتاقل عليك

بالظبط هى متفرعه من شارع رمسيس وبيكونوا فاتحيين من 9 الى 5 م هما بيبيعوا قطع غيار اصليه ويابانى وفى بعض قطع الغيار تايوانى وصينى بس عمره ما هايبيع حاجه مضروبه على انها اصلى هو بيقولك على اللى عنده ولو انت مشوارك بعيد ممكن تقولى الحاجات اللى انت عاوزها انا هاسالك عليها وعلى اسعارها لان شغلى فى وسط البلد قريب من التوفيقيه