الموضوع: رابطة مالكى البومه - لانسر 2003 : 2012

صباح الفل ياشباب
لسه حاجز ميعاد صيانة ١٠٠٠٠ كيلو
وهاروح السبت ان شاء الله
ادعولي علشان انا عندي مشاكل مضايقاني في العربيه مخلياني مش مبسوط منها خالص
ربنا ييسرها وتتحل المره دي

المشاركة الأصلية كتبت بواسطة omar elmalt

سامو عاليكووو....انا لسة مشترك جديد بس الفكرة جامده...الله ينور....عندس سؤالين: 1) انا اشتريت ال 1600 الفئة الثانيه (كامله اوتوماتيك +جنط سبور) بس حاسس ان سحب السياره بتاع موتور 1300 فغايز اعرف الفرق بين ال 1300 و ال 1600 علشان اتاكد ان الي اشتريتها 1600
2) لمبه الطفايه و الفتيس لا يعملان....ده عادي و لا ارجع للوكيل؟

مبرووك ياباشا ربنا يباركلك فيها
اولاً سحب العربيه دي علشان اتوماتيك وكمان لسه جديده هيكون ضعيف مش زي مانتا متخيل يعني والمفروض انه هيتحسن بعد اول ١٠٠٠ كيلو ان شاء الله
وثانياً موديل ٢٠١٢ مش فيه حاجة بتنور بالليل مع نور التابلوه الا التابلوه نفسه ومفاتيح التكييف وكمان مفتاح الانتظار بس لا غير

الحمد لله عملت صيانة الـ 10000 امبارح

واليكم الفتاصيل

حجزت ميعاد الساعه 11 الا ربع ( شوف الدقه يا أخي )
طبعاً روحت قبل الميعاد بربع ساعه ولاقيت المفاجأه ( كمية البشر غير عاديين .... السبت بقى وكله اجازات )
المهم اكتشفت ان اللي بيروح الاول بيدخل الاول .... ما علينا
انا دخلت العربية الساعه 11 بالظبط الحمد لله

قولت للمهندس على كل ملاحظاتي ودخلت العربيه الورشه من الساعه 11 تماماً

تم تربيط العفشة وظبط الفرامل وتنظيف فلتر التكييف ( ده انا اللي طلبت علشان كان اداؤه وحش جداً )
وكمان تغيير زيت وفلتر ونفخ التراب اللي في الحوض بالهوا وظبط هوا العجل وكمان التأكيد علآ انوار السياره بالكامل

المهم خرجت العربية الساعة 3 العصر بالظبط ( حاجه هايله جداً )

طبعاً موش عاوز اقولكوا العربيه بقت عامله ازاي بعد الصيانه ............. بصراحه حاسس انها اتظبطت جداً
موش عارف ده بقآ أول كام يوم وهترجع تاني والا ده علشان اتصينت كويس

أه نسيت اقولكوا ان الحساب كان
538 جنيه مصري فقط لاغير
زيت وفلتر ومصنعيه صيانه 150 جنيه 20 جنيه غسيل ( اتاوه بس رسمي) وطبعاً العربيه طلعت متلحوسه مش مغسوله + ضريبة المبيعات

والحمد لله وعقبال كل مره ان شاء الله