رابطة مالكى البومه - لانسر 2003 : 2012

**roma_romio2000** · 12-09-2012 04:13 AM

مساء الفل على احلى شباب فى الدنيا............. انا معايا عربية والدى لانسر بومة 1600 اوتوماتك 2008 وبعشق العربية دى ......... المهم انا قرر انى اجيب عربية ليا بس مش عارف 65000 ممكن يجبولى لانسر 1600 نضيفة ولا لا ولو هاجيب لانسر 1300 هاحس ان العربية مخنوقة ولا عادى مع العلم انا شغلى فى مدينة العبور وبمشى يوميا حاوال 65 كيلو رايح جاى............ ياريت تفدونى و بجد انتم ناس زى الفل انا بستفيد منكم كتير

مستنى رايكم بسرعة عشان عاوز اقرر اعمل اية

شكرا.......

**Dragon78** · 13-09-2012 10:07 AM

المشاركة الأصلية كتبت بواسطة roma_romio2000

مساء الفل على احلى شباب فى الدنيا............. انا معايا عربية والدى لانسر بومة 1600 اوتوماتك 2008 وبعشق العربية دى ......... المهم انا قرر انى اجيب عربية ليا بس مش عارف 65000 ممكن يجبولى لانسر 1600 نضيفة ولا لا ولو هاجيب لانسر 1300 هاحس ان العربية مخنوقة ولا عادى مع العلم انا شغلى فى مدينة العبور وبمشى يوميا حاوال 65 كيلو رايح جاى............ ياريت تفدونى و بجد انتم ناس زى الفل انا بستفيد منكم كتير

مستنى رايكم بسرعة عشان عاوز اقرر اعمل اية

شكرا.......

أولا أهلا بيك في الرابطه وان شاء الله تستفيد معانا زي مابنستفيد كلنا

بالنسبه لسؤالك أعتقد ان السعر ده ممكن تلاقي بيه حاجه كويسه بس تدور شويه

وبخصوص انك تجيب 1600 ولا 1300 .. انا عن نفسي معايا 1600 وماسوقتش الـ 1300 قبل كده

لكن هاقولك على حاجه .. لو انت من الناس اللي بتستخدم التكييف كتير أعتقد من الأفضل تخليك في الـ 1600
لأن الـ 1300 تكييفها مش هايبقى بكفائة تكييف الـ 1600 وممكن سحبها يبقى ضعيف معاك خصوصا لو أوتوماتيك

بالتوفيق ان شاء الله ياباشا

**ابو ابراهيم** · 13-09-2012 04:41 PM

بومة 2007 سوبر اكشن بس مش كلاسى جلد , وكيل (م عارف بقى تتسمى اية )

**mazoon** · 15-09-2012 03:23 AM

سلام عليكم , انا عندلا لانسر 1600 ستيبترونك 2011 عاملة 14000 كيلو , عندى مشكلة فى دوسة الفرامل خاصا لما انزل بالسرعة مثلا من 120 بحس برعشة فى الجزء الامامى للعربية فى ناس بتقولى ممكن يكون تيل وفى ناس يتقول ممكن تكون طنابير , ياريت حد يفيدنى اعمل ايه وشكرا

**delaga** · 17-09-2012 03:19 AM

السلام عليكم انا ان شاء الله هانضم جديد ليكوا بس انا عندى سؤال لانسر 2007 او 2008 سوبر أكشن او سبورت بفتحة السقف كاملة اوتوماتيك سعرها كام ؟؟

وانا بقالى اسبوعين بدور مش لاقى حاجة نضيقة كله ملعوب فيه وانا عايز عربية تقعد معايا مش اقل من سنتين او 3

ياريت الافادة

**shshshsh** · 18-09-2012 03:56 PM

السلام عليكم
معايا لانسر1600 مو 2009 كامله كلاسيك ساعات تيجي خنقه وانا ماشي خاصه وانا مشغل التكييف مع العلم غيرت البوجيهات وفلتر البنزين والسلوك ونظفتت الحساسات وغيرت الموبنتين وكشفت كمبيوتر ولا زال نفس العيب

**carlans58** · 20-09-2012 01:12 AM

لو سمحتم عاوز اعرف مكان لبيع شبكة البوما الجديدة و كام سعرها استيراد و تايواني

**carlans58** · 20-09-2012 01:14 AM

واسف طولت عليكم و هل الشبكة دي تركب علي بوما 2008

**salah_86** · 21-09-2012 06:33 PM

متابع

**hn2217** · 24-09-2012 12:31 PM

السلام عليكم ورحمة الله

أتشرف بعضويتي الجديدة معاكم في الرابطة ياأحلى شباب

معايا لانسربومة 2008 هاف سبورت 1600 اوتو

عندي مشكلة وهي العربية مش بتدور من أول مرة أبدا حتى بعد تغيير بوجيهات ياباني أصلية ؟؟ وكمان لما بأشغل التكيييف وأهدي أو أقف أو أطلع فوق مطب العربية بتتهز جامد لغاية ما أتحرك وبصراحة مش فاهم أي حاجة خالص ياريت تنصحوني ياأصحاب الخبرة وتقولولي أعمل ايه وربنا يكرمكم .