رابطة مالكى البومه - لانسر 2003 : 2012

**أبو إياد** · 25-09-2012 08:41 AM

المشاركة الأصلية كتبت بواسطة hn2217

السلام عليكم ورحمة الله

أتشرف بعضويتي الجديدة معاكم في الرابطة ياأحلى شباب

معايا لانسربومة 2008 هاف سبورت 1600 اوتو

عندي مشكلة وهي العربية مش بتدور من أول مرة أبدا حتى بعد تغيير بوجيهات ياباني أصلية ؟؟ وكمان لما بأشغل التكيييف وأهدي أو أقف أو أطلع فوق مطب العربية بتتهز جامد لغاية ما أتحرك وبصراحة مش فاهم أي حاجة خالص ياريت تنصحوني ياأصحاب الخبرة وتقولولي أعمل ايه وربنا يكرمكم .

وعليكم السلام ورحمة الله وبركاته
اهلا بيك ومنور الجروب
ياريت تعرفنا عداد عربيتك كام
وبالنسبه للمشكله دى فى الغالب بتكون محتاج لتنظيف حساس الايدل والبوابه جرب وشوف النتيجه

**أبو إياد** · 25-09-2012 08:43 AM

المشاركة الأصلية كتبت بواسطة shshshsh

السلام عليكم
معايا لانسر1600 مو 2009 كامله كلاسيك ساعات تيجي خنقه وانا ماشي خاصه وانا مشغل التكييف مع العلم غيرت البوجيهات وفلتر البنزين والسلوك ونظفتت الحساسات وغيرت الموبنتين وكشفت كمبيوتر ولا زال نفس العيب

وعليكم السلام ورحمة الله وبركاته
لو عملت كل الكلام ده ومافيش نتيجه يبقا فاضل بس تغيير فلتر البنزين ولازم يكون الاصلى

**أبو إياد** · 25-09-2012 08:45 AM

المشاركة الأصلية كتبت بواسطة delaga

السلام عليكم انا ان شاء الله هانضم جديد ليكوا بس انا عندى سؤال لانسر 2007 او 2008 سوبر أكشن او سبورت بفتحة السقف كاملة اوتوماتيك سعرها كام ؟؟

وانا بقالى اسبوعين بدور مش لاقى حاجة نضيقة كله ملعوب فيه وانا عايز عربية تقعد معايا مش اقل من سنتين او 3

ياريت الافادة

وعليكم السلام ورحمة الله وبركاته
بالنسبه للفئه دى بتبداء معاك من 70 الى 90 الف حسب الحاله والموديل
لكن رائى لو هاتجيب عربيه رشه بره ماتزودش عن 75 الف شرط تكون حالتها جيده
اما لو فابريقه بالكامل ماتزودش عن 82 وشرط باردو الحاله الجيده
وعلى فكره هتلاقى ناس بتطلب 90 و100 كمان

**أبو إياد** · 25-09-2012 08:49 AM

المشاركة الأصلية كتبت بواسطة mazoon

سلام عليكم , انا عندلا لانسر 1600 ستيبترونك 2011 عاملة 14000 كيلو , عندى مشكلة فى دوسة الفرامل خاصا لما انزل بالسرعة مثلا من 120 بحس برعشة فى الجزء الامامى للعربية فى ناس بتقولى ممكن يكون تيل وفى ناس يتقول ممكن تكون طنابير , ياريت حد يفيدنى اعمل ايه وشكرا

بالظبط كده ممكن يكون تيل او طنابير ونادرا بيكون من الكاوتش ممكن تبداء بالاسهل تغير الكاوتش الامامى بالخلفى وتجرب
ونصيحه منى بلاش تغسل العربيه بعد استخدمها علاطول لان التيل والطنابير بيتاثروا من المياه وهما على درجه حراره عاليه يفضل انك تغسلها قبل ما تمشى بيها

**D sayed** · 03-10-2012 04:03 PM

السلام عليكم ...اولا الموضوع عاجبني جدا ويسعدني اني هانضم ليكو قريب
انا خلاص ربنا وفقني في الاختيار الصعب واستقريت علي لانسر بوما 2012 بيضاء سبور كاملة ب137 جديدة
بس مش عارف اجيبها من التوكيل كده..ولا اسال بره..وفيه فرق بين الخليجي والتوكيل
وعايز اعرف راي الناس في العربية ويا ريت عن تجربة
واتمني اسمع راي (ابو اياد) لاني بصراحة وثقت فيك ووحبيتك كده لله في لله
وبالله عليكو يا جماعة فيدوني..لاني بقالي سنة محتار!!!!!!!

**delaga** · 04-10-2012 07:33 AM

قدامى لانسر 2007 سبورت كاملة اوتوماتيك من غير فتحة سقف لونها اسود حالة نضيفة جدا رشة جنين نضافة فى التوكيل والباقى كله قابريكة عاملة 119 الف كيلو على 75 الف جنيه

ايه رأيكوا ؟؟؟؟؟؟

**أبو إياد** · 04-10-2012 11:48 AM

المشاركة الأصلية كتبت بواسطة d sayed

السلام عليكم ...اولا الموضوع عاجبني جدا ويسعدني اني هانضم ليكو قريب
انا خلاص ربنا وفقني في الاختيار الصعب واستقريت علي لانسر بوما 2012 بيضاء سبور كاملة ب137 جديدة
بس مش عارف اجيبها من التوكيل كده..ولا اسال بره..وفيه فرق بين الخليجي والتوكيل
وعايز اعرف راي الناس في العربية ويا ريت عن تجربة
واتمني اسمع راي (ابو اياد) لاني بصراحة وثقت فيك ووحبيتك كده لله في لله
وبالله عليكم يا جماعة فيدوني..لاني بقالي سنة محتار!!!!!!!

وعليكم السلام ورحمة الله وبركاته
اهلا بيك يا دكتور ومنور الجروب
مبارك عليك العربيه وربنا يكفيك شرها
ولو تقدر تخليك فى الخليجى يكون افضل انا بحس انها بتستحمل اكتر رغم ان الاحساس ده مش مبنى على اى اساس الاول كان فى فروق فى الكماليات دلوقتى على ما اعتقد الاتنين واحد
بس فكر شويه فى اللون الابيض لانى متعقد من كل اللى بيشاورولى على اساس انى تاكسى