رابطة مالكى البومه - لانسر 2003 : 2012

**أبو إياد** · 27-06-2012 12:50 PM

المشاركة الأصلية كتبت بواسطة ahhazem

صباح الفل ياشباب
لسه حاجز ميعاد صيانة ١٠٠٠٠ كيلو
وهاروح السبت ان شاء الله
ادعولي علشان انا عندي مشاكل مضايقاني في العربيه مخلياني مش مبسوط منها خالص
ربنا ييسرها وتتحل المره دي

بالتوفيق

**أبو إياد** · 27-06-2012 12:51 PM

المشاركة الأصلية كتبت بواسطة houbaz

رجالة، كنت عايز اسأل هى البومة 1600 استبترونيك نفس الفتيس ال cvt? و هى بتبتدى من موديل كام؟

لا مش cvt
والاستريبترونك تقريبا من اول 2010 او 11 مش فاكر بالتحديد

**ahhazem** · 01-07-2012 09:54 PM

الحمد لله عملت صيانة الـ 10000 امبارح

واليكم الفتاصيل

حجزت ميعاد الساعه 11 الا ربع ( شوف الدقه يا أخي )
طبعاً روحت قبل الميعاد بربع ساعه ولاقيت المفاجأه ( كمية البشر غير عاديين .... السبت بقى وكله اجازات )
المهم اكتشفت ان اللي بيروح الاول بيدخل الاول .... ما علينا
انا دخلت العربية الساعه 11 بالظبط الحمد لله

قولت للمهندس على كل ملاحظاتي ودخلت العربيه الورشه من الساعه 11 تماماً

تم تربيط العفشة وظبط الفرامل وتنظيف فلتر التكييف ( ده انا اللي طلبت علشان كان اداؤه وحش جداً )
وكمان تغيير زيت وفلتر ونفخ التراب اللي في الحوض بالهوا وظبط هوا العجل وكمان التأكيد علآ انوار السياره بالكامل

المهم خرجت العربية الساعة 3 العصر بالظبط ( حاجه هايله جداً )

طبعاً موش عاوز اقولكوا العربيه بقت عامله ازاي بعد الصيانه ............. بصراحه حاسس انها اتظبطت جداً
موش عارف ده بقآ أول كام يوم وهترجع تاني والا ده علشان اتصينت كويس

أه نسيت اقولكوا ان الحساب كان
538 جنيه مصري فقط لاغير
زيت وفلتر ومصنعيه صيانه 150 جنيه 20 جنيه غسيل ( اتاوه بس رسمي) وطبعاً العربيه طلعت متلحوسه مش مغسوله + ضريبة المبيعات

والحمد لله وعقبال كل مره ان شاء الله

**olver** · 04-07-2012 03:27 PM

سلام عليكم يا شباب انا انشاء نويت اشترى لانسر 1600 الكلاسيك زيرو فكنت عايز اعرف هو دلوقتى ايه وضع الرواس و دايموند موتوز و اذا كان الرواس بيبع لسه ولا بقى مركز خدمه وبس و انا قريت ان دايموند كمركز خدمه منيل فا انا عايز مساعدكم لو جبتها اجيبها خليجى و لا بضمان دايموند و ايه الفروق مبينهم
و كمان الرواس بيبع موديل 2011 ب 114 ارخص حوالى 4 الف عن 2012 و بيقول ان الموتور الخليجى ال 122 حصان فايه رايوكوم اشترى ده و ان العربيه بتاعت دايموند الموتور ال 108 حصان و هاخد ضمان 3 سنين او 60,000 الف انا عايز رادكم عشان انا مش هاشترى من غير رايوكم :d

**t_kha83** · 07-07-2012 11:22 PM

السلام عليكم ورحمة الله وبركاته

الحقيقة انا محتار شويه ........ الميزانية اللي معايا هي من 60-70 ...... كنت بفكر اشتري أفيو اتوماتيك موديل احدث يعني 2008-2009 ، لكن في ناس نصحتني ابعد عن الكوري في الاتوماتيك ....... فكرت في لانسر بومة ....... بس شايف الاسعار علي موقع كونتاكت كارز غاليه فوق 75 ألف لموديل 2007 (1600) ....... هل اقدر اجيب بومة حالتها كويسه في حدود الميزانية بتاعتي وماتكونش ماشيه كتير .......... ولو نزلت لموديلات 2005-2006 ....... هل هتتعبني بعد كدا في الصيانة وتفتح بؤها

محتاج مساعدتكم ... شكراً وجزاكم الله خيراً

**marshahin** · 08-07-2012 02:14 PM

المشاركة الأصلية كتبت بواسطة mkhayiat

وعليكم السلام ورحمة الله وبركاته......شوف يا سيدى الموضوع ده قتل بحثا ...والنتيجه ان دا شىء عادى جدا جدا جدا هو الكمبريسور فى 2011 و2012 بيفصل بسرعه جدا وصوته كمان مسموع اوى ...لا تقلق دا طبيعى جدا

فعلا انا معايا 1600 2012 و بسمع تكة عالية بتاعة الكمبريسور كل دقيقة تقريبا وداخل هنا علشان اسأل عن الموضوع ده

**marshahin** · 08-07-2012 02:23 PM

المشاركة الأصلية كتبت بواسطة mkhayiat

هو فعلا كده ...انا جبت بومه 2012 برضه وعرفت ان السبويلر والعتب اتشالو و السى دى تشانجر...وبقى كاسيت سى دى (حتى من السوبر اكشن)....والسعر زياده الف ونصف...هى ب 128 واللى اقصدها فيها جنوط اسبور و 2 اير باج وabs

يا باشا سعر العربية دى هنا فى اسكندرية 126000 ( 128000 و عليها خصم 2000 جنيه) وانا اشتريت الفئة اللى قبلها على طول ( جنط + اوتوماتيك بدون abs + ايرباج واحد للسائق ) ب 120000

**marshahin** · 08-07-2012 02:42 PM

انا معايا نفس الموديل و بسمع نفس التكتكه لو لقيت حل من فضلك انشره

-

مشاهدة نتائج الإستطلاع: مواصفات السياره

الموضوع: رابطة مالكى البومه - لانسر 2003 : 2012

LinkBack

أدوات الموضوع

عرض

صيانة 10000 -

المواضيع المتشابهه

رابطة مالكي الشارك- لانسر 2008 : 2012

رابطة مالكي المكواة...لانسر 2001-2002-2003

رابطة مالكى الـ c4

رابطة مالكى الماتريكس

الكلمات الدلالية لهذا الموضوع

المفضلات

المفضلات

ضوابط المشاركة