أرجو المساعدة من الأخ سبعاوى وكل من لديه خبرة مع الشكر مقدما

**yaskhl** · 20-04-2008 06:31 AM

سيارة شاهين تم تغيير العفشة لها بالكامل (أغلى عفشة فى السوق مساعدين مونرو- علبة دريكسيون ايطالى مقصات ......) وتم عمل اللازم من ترصيص وظبط زوايا بالاضافة الى ان الكاوتش جديد وبها جنوط اسبور. بالرغم من كده العربيه بتحدف شمال وعلى السرعة الدريكسيون بيتهز جامد . رجعت لبتاع الزوايا قالى القنطرة اللى راكب عليها المقصات فيها لوحة بسيطة وموش مريحة علبة الدريكسيون. رجعت للعفشجى قالى الكلام ده موش مظبوط العيب فى الجنوط المهم مااطولش عليكم روحت لبتاع الزوايا اللى فى المنيل وحاكيت له الموضوع وعمل لى رجلاش فى المساعد الشمال وظبط الزوايا ورصص من جديد واخد اللى اخده ومافيش فايدة. اللى زاد ان كل مااضرب فرامل العربية تحدف شمال اكتر روحت للميكانيكى وغير لى طنابير وتيل وكل حاجة مشيت كويس شوية ورجعت الحكاية تانى انا دوخت على كل الصنايعية وحالتى النفسية بقت فى الارض غير المصاريف اللى صرفتها بدون نتيجة بالله افيدونى أعمل أيه؟
ملحوطة السيارة فابريكة ومافيش مشاكل فى اساسياتها

**sab3aawy** · 20-04-2008 01:41 PM

بالنسبة للحدفة الى الشمال غالبا بيكون سببها ان الفردة الشمال مأخرة للوراء وعلاجها بيكون عدد من الوردات الصلب بتتركب وراء العجلة الشمال فى ورشة الزوايا

لكن بالنسبة لحدفة الفرامل فدى سببها بيكون مشكلة فى الماستر العمومى او مساتر العجل

وعلشان تتأكد ان المشكلة فى الجنوط او لأ ، هات الجنط اليمين مكان الشمال

هقترح عليك الآتى: اعمل زيارة لأخونا درش بتاع الزوايا واحكى له القصة وخليه يشوف لك العجل فيه تقديم او تأخير ويظبطه بوردات صلب، بالنسبة للغربلة على السرعة العاليه اقترح عليك تروح ترصص العجل فى موبيل رابعة العدوية بمدينة نصر على جهاز الموتوسيكل

**ahmed azab** · 20-04-2008 02:04 PM

انت ركبت رينجات ورا الجنوط ؟؟؟؟؟؟
وبعدين ممكن تفك الكاوتش والجنوط اللي راكبة وتركب القديم وتجرب شوف هل الموضوع زي ماهو ولا !!!!!!

**sab3aawy** · 20-04-2008 02:07 PM

المشاركة الأصلية كتبت بواسطة azab

انت ركبت رينجات ورا الجنوط ؟؟؟؟؟؟
وبعدين ممكن تفك الكاوتش والجنوط اللي راكبة وتركب القديم وتجرب شوف هل الموضوع زي ماهو ولا !!!!!!

صح ، فات عليا برضه موضوع الرينجات، لما تركب جنوط سبور لازم تركب وراها رينجات بلاستيك وظيفتها تطبيع الجنوط على الطنابير، ودى بيكنو ليها تأثير كبير جدا فى موضوع الغربلة

**yaskhl** · 20-04-2008 10:09 PM

ألف ألف شكر للأخ سبعاوى والأخ عزب أنا فعلا غيرت الماستر الرئيسى من شهر ونص والمساتر كلها ومافيش فايدة. لكن بالنسبة لموضوع الرنجات ده يبقى أيه؟ واجيبها منين؟ وممكن كمان عنوان الراجل بتاع الزويا اللى انتم قولتو عليه. مع جزيل الشكر ليكم وللمنتدى المحترم.

**fiatmomo** · 20-04-2008 10:10 PM

..............................

**fiatmomo** · 20-04-2008 10:15 PM

انا اسف انا رديت فى الموضوع بأستفسار تانى مشابه .. بس شيلتة لما حسيت ان حيحصل تداخل .. ولخبطة .

وبعتذر للستاذ yaskhl .

**yaskhl** · 21-04-2008 01:22 AM

ولا يهمك ياباشا وعموما الواحد بيحب يكتب فى عنوان المشاركة أرجو المساعدة علشان يكون فيه سرعة فى الردود وكمان اسلوب الرجاء موش عيب لما يكون الواحد بيطلب من اى حد خدمة. مع الشكر

**fiatmomo** · 21-04-2008 02:20 AM

المشاركة الأصلية كتبت بواسطة yaskhl

ولا يهمك ياباشا وعموما الواحد بيحب يكتب فى عنوان المشاركة أرجو المساعدة علشان يكون فيه سرعة فى الردود وكمان اسلوب الرجاء موش عيب لما يكون الواحد بيطلب من اى حد خدمة. مع الشكر

لا حضرتك فهمتنى غلط .. واحب اعتذرلك لو كنت فهمت اول كلامى فى الموضوع ( استفسار من بشمهندس سبعاوى ) بانى بقول ان اسلوب الرجاء عيب او كدة .

انا كل الى اقصدة ... انى بقيت بلاقى مواضيه كتير عناوينها .. مش بتفهمنى محتوى الموضوع اية ... يعنى زى الحقونى ... يالهوى:D ... كارثه .... ينهار اسود!:D كدة يعنى ... فانا مش بفهم صاحب الموضوع عاوز اية ؟؟؟وهل الموضوع دة انا اقدر افيدة فيه ولا لا ؟ لازم افتح الموضوع واشوف محتواه .. علاشان اقدر اقرر اذا كنت اقدر اساعدة ولا لا .

لكن انا نفسى عملت موضوع عنوانة لا يدل على محتواه .. لانى مش عارف اكتب محتواه فى العنوان .. لانة ساعتها حيكون شرح :D

لكن طبعا كلمه ( رجاء ) اكيد اكيد مش عيب نهائى ..انا بستخدمها دايما .. ارجوك شوف كذا ... ارجوك اعمل كذا ....وهكذا :)

المهم ارجوك :) لو عرفت حل لمشكلت حضرتك تقولى ... لان المشكلة متشابهة شوية معايا

.

**yaskhl** · 21-04-2008 04:56 AM

ان شاء الله النهاردة حاأروح اسأل على الرنجات دى عند بتاع الجنوط لغاية لما أعرف عنوان درش وأبلغ حضرتك بالنتيجة وربنا يسهل وتتظبط.

الموضوع: أرجو المساعدة من الأخ سبعاوى وكل من لديه خبرة مع الشكر مقدما

LinkBack

أدوات الموضوع

عرض

-

-

-

-

-

-

المواضيع المتشابهه

أرجو المساعدة فصلت برمجة مفتاح مع العلم أن السيارة هي بروتون واجا 2007 ولم جزيل الشكر

أرجو المساعدة ممن ذو خبرة فى الجيتا

من لديه خبرة في فيات 132

إقتباس من الأخ سبعاوى

الى سبعاوى والى كل من لديه خبرة

الكلمات الدلالية لهذا الموضوع

المفضلات

المفضلات

ضوابط المشاركة